សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពីថ្ងៃចុងសប្តាហ៍កន្លងទៅនេះ ប្រទេសតួគី បានប្រកាសពីផែនការក្នុងការបង្កើនប្រវែងបណ្តោយនៃនាវាផ្ទុកយន្តហោះរបស់ខ្លួនឲ្យដល់ ៩៨៤ហ្វីត ឬប្រហែលជា ៣០០ម៉ែត្រ ដែលអាចជានាវាវែងជាងគេបំផុតនៅក្នុងតំបន់សហភាពអឺរ៉ុប រាប់ទាំងអង្គការណាតូផងដែរ។
យោងតាមការចេញផ្សាយរបស់ Business Insider បានឲ្យដឹងថា នាវាផ្ទុកយន្តហោះលើកដំបូងបំផុតរបស់តួគីមួយនេះត្រូវបានគេស្គាល់ឈ្មោះថា MUGEM-class ធ្លាប់បានបង្ហាញជាសាធារណៈតាំងតែពីចុងឆ្នាំ២០២៤។ ការសាងសង់ដែលកំពុងដំណើរស្របតាមផែនការមួយនេះ មានទម្ងន់សរុប ៦០០០០តោន ជាមួយនឹងប្រវែងត្រឹមតែ៩៣៥ហ្វីត ឬ២៨៤ម៉ែត្រប៉ុណ្ណោះ។ វាអាចផ្ទុកយន្តហោះចម្បាំងបានទៅដល់៥០គ្រឿងជាមួយនឹងនាវិកគ្រប់គ្រងការហោះហើរដល់ទៅ២០នាក់នៅក្នុងបន្ទប់ធំរបស់នាវាខណៈដែលនាវិកសរុបនៅលើនាវានឹងអាចមានចំនួនសរុបប្រមាណជា៨០០នាក់។
យ៉ាងណាក្តី នាវារបស់តួគីនេះនឹងមិនអាចប្រៀបធៀបជាមួយនឹងប្រវែងរបស់នាវាផ្ទុកយន្តហោះចម្បាំងធំបំផុតរបស់អាម៉េរិក USS Gerald R.Ford ដែលមានប្រវែង១១០៧ហ្វីត ឬត្រូវជា ៣៣៧ម៉ែត្រនោះទេ។នាវាអាម៉េរិកមួយនេះ អាចផ្ទុកទម្ងន់សរុបបានទៅដល់១០ម៉ឺនតោន ខណៈដែលម៉ូដេលចាស់មួយទៀតគឺ Nimitz-class បច្ចុប្បន្នមានប្រវែង១០៩២ហ្វីត និងអាចផ្ទុកទំងន់បាន១០ម៉ឺនតោនដូចគ្នាដែរ។
ក្រោយពេលដែលការសាងសង់រួចរាល់នាវារបស់តួគីនឹងអាចវ៉ាដាច់នាវារបស់ចក្រភពអង់គ្លេស Queen Elizabet-class ដែលមានប្រវែងជា៩៣២ហ្វីត និងផ្ទុកទំង់ន់បាន៨០ ០០០តោន ហើយវែងជាងនាវារបស់បារាំង Charles De Gaulle ដែលមានប្រវែង៨៥៧ហ្វីត និងទំងន់ផ្ទុកត្រឹមតែ ៤២ ៥០០តោន៕
Account
Security
Favourite Content