តំបន់ទេសចរណ៍ភ្នំខ្នងផ្សារនាគិម្ហរដូវ បញ្ចេញសម្រស់ពណ៌មាសគួរជាទីទាក់ទាញ

ជាទូទៅ គេច្រើនតែស្គាល់សហគមន៍ទេសចរណ៍រលាក់កងជើង ឬខ្នងផ្សារតាមរយៈទេសភាពនៃជ្រលងភ្នំដ៏ខៀវស្រងាត់នាខែវស្សា ដែលជា​តំបន់មុំ៣ ផ្សារភ្ជាប់ខេត្តកោះកុង កំពង់ស្ពឺ និងខេត្តពោធិ៍សាត់ឲ្យជាប់គ្នានេះ និងជាទីពេញនិយមរបស់ប្រជាជនកម្ពុជា ជាពិសេសពីស្រទាប់​យុវវ័យ​ដែលចូលចិត្តដំណើរផ្សងព្រេង។

នៅលើខ្នងភ្នំដែលមានស្មៅដុះវែងៗ និងមានផ្កាចាហួយពណ៌ផ្កាឈូកស្រស់ដុះនៅលាយឡំគ្នា បង្កើតបានជាទស្សនីយភាព​នៃនិទាឃ​រដូវ​ដ៏​ស្រស់​ស្អាត ជាពិសេស នៅរាល់ថ្ងៃចុងសប្ដាហ៍ដែលជាថ្ងៃឈប់សម្រាកពីការងារ សហគមន៍ខ្នងផ្សារតែងតែបានទទួលភ្ញៀវជាតិ និងអន្តរជាតិ​មិនចេះដាច់ឡើយ។ ដោយឡែកទិដ្ឋភាពនេះមិនចេះតែកើតមាននោះទេ ពោលគឺវាកើតមានឡើងច្រើនតែនៅក្នុងរដូវវស្សា​ប៉ុណ្ណោះ ប៉ុន្តែនៅក្នុងរដូវក្ដៅ ឬគិម្ហរដូវ តំបន់ដែលគួរគយគន់មួយនេះបានប្រែពីពណ៌បៃតងស្រស់ទៅជាពណ៌មាសដាច់កន្ទុយភ្នែក។

គិម្ហរដូវ ឬរដូវក្ដៅនៅកម្ពុជា បានធ្វើឲ្យពណ៌ខៀវស្រងាត់នៃស្លឹកឈើប្រែទៅជាក្រៀមក្រោះ ហាក់ដូចជាកំពុងដង្ហើយហៅទឹកភ្លៀងឲ្យមកស្រោច​ស្រពឆាប់ៗ ប៉ុន្តែទិដ្ឋភាពទាំងនេះក៏មិនបានធ្វើ​ឲ្យសម្រស់នៃភ្នំខ្នងផ្សារបាត់បង់ទៅណាដែរ ផ្ទុយទៅវិញវាធ្វើឲ្យគ្រប់ទិសទីគ្របដណ្ដប់ទៅ​ដោយ​ក​ម្រាល​ស្មៅពណ៌មាសដ៏ស្រស់ស្អាត។

តាមរយៈវីដីអូពីលើអាកាសរបស់ក្រុមអ្នកផ្សងព្រេង គេអាចមើលឃើញរូបរាងភ្នំយ៉ាងច្បាស់ក្រឡែត ជាមួយនឹងផ្លូវខ្វែងខ្វាត់ដែលអ្នកទេសចរ​ត្រួសត្រាយដើរនៅខែវស្សា​។ ថ្វីត្បិតថា រដូវនេះអាកាសធាតុអាចនឹងក្ដៅបន្តិចមែន ប៉ុន្តែក៏មិនមានអ្វីជាបញ្ហាសម្រាប់អ្នកបោះតង់សម្រាក​លើ​ខ្នង​ភ្នំនេះដែរ ព្រោះថាតំបន់​នេះតែងតែមានអាកាសធាតុត្រជាក់ជាប់ជានិច្ច។

ទីតាំងមើលថ្ងៃលិច និងថ្ងៃរះដ៏ពេញនិយម ជានិច្ចជាកាសត្រូវបានពពកហោះបាំងបិទ ហើយយូរៗម្ដងទើបទើបគេអាចមើលឃើញព្រះអាទិត្យ​ក្រហម​ច្រាល​បានពេញលក្ខណៈ ប៉ុន្តែក្នុងរដូវក្ដៅ ដែលមិនមានភ្លៀងធ្លាក់ គេអាចមើលឃើញស្ទើរតែរាល់ថ្ងៃ។ យ៉ាងណាមិញ ដោយសារតែ​ទំនោរ​របស់អ្នកទេសចរនិយមទៅលេងភ្នំខ្នងផ្សារតែក្នុងរដូវមានភ្លៀង​ធ្លាក់ ប្រជាសហគមន៍ដែលបម្រើសេវាកម្មជូនភ្ញៀវឡើងភ្នំ ក៏អាចរក​ចំណូលបានតែក្នុងរដូវវស្សាដូច​គ្នាដែរ។

និយាយជារួម ទោះក្នុងទិដ្ឋភាពណា ឬក្នុងរដូវកាលណាក៏ដោយ តំបន់ទេសចរណ៍នីមួយៗតែង​មានភាព​​ស្រស់ស្អាតតាម​ធម្មជាតិរៀងៗខ្លួន ប៉ុន្តែអ្វីដែលសំខាន់គឺប្រជាជនក្នុងស្រុកគួរចូលរួមបំផុសបំផុល ក៏ដូចជា​ជួយ​ផ្សព្វផ្សាយ​គោលដៅទេសចរណ៍ក្នុងស្រុក ជាពិសេសតំបន់​ទេសចរណ៍​ដែលស្ថិតក្រោម​ការគ្រប់គ្រងរបស់សហគមន៍ស្របទៅនឹងគោលការណ៍ «ទេសចរណ៍ផ្សារភ្ជាប់ទឹកដី» សំដៅលើកស្ទួយជីវភាព​ប្រជាជនមូលដ្ឋាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ