សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការវិនិយោគនៅក្នុងវិស័យអចលនទ្រព្យនៅប្រទេសកម្ពុជា នៅតែមានភាពពេញនិយម និងមានអ្នកវិនិយោគជាហូរហែ ប៉ុន្តែការវិនិយោគអចលនទ្រព្យនៅពេលនេះ គឺមិនដូចពីមុនឡើយ ដែលតម្រូវឱ្យអ្នកវិនិយោគត្រូវមានការប្រុងប្រយ័ត្នខ្ពស់។ យ៉ាងណាក្ដី ស្ថិតនៅក្នុងស្ថានភាពដែលសេដ្ឋកិច្ចសកលកំពុងមានបញ្ហាប្រឈមនេះ អ្នកជំនាញ និងជំនួញអចលនទ្រព្យបានប្រាប់ពីគន្លឹះនៃការវិនិយោគដីធ្លីដើម្បីទទួលបានផលចំណេញក្នុងរយៈពេល ២ ទៅ ៣ ឆ្នាំ ។
លោកឧកញ៉ា នឹម វណ្ណៈ អ្នកជំនួញដ៏ល្បីមួយរូបនៅកម្ពុជាបានបង្ហើបពីគន្លឹះក្នុងការទិញដីដើម្បីបានចំណេញក្នុងរយៈពេលពេល ២ ទៅ ៣ ឆ្នាំខាងមុខ ដោយលើកឡើងថាបើចង់បានប្រាក់ចំណេញខ្ពស់ពីការវិនិយោគដីធ្លីគួររកទិញដីណាដែលមានតម្លៃក្រោមទីផ្សារពី ៣០ ទៅ ៤០ភាគរយ ដើម្បីទុកលក់យកចំណេញ ។
លោកបានបន្តថា ៖
“ថ្វីតត្បិតតែយើងត្រូវប្រើពេលយូរបន្តិច ប៉ុន្តែនឹងចំណេញច្រើនគួរសមនៅពេលអនាគត ហើយក្នុងស្ថានភាពនេះ អ្នកលក់ដីមានច្រើនជាងអ្នកទិញ ដូចនេះហើយ បើសិនជាម្ចាស់ដីលក់មិនក្រោមទីផ្សារ ៣០ ទៅ ៤០ភាគរយទេ មិនគួរទិញទេ ហើយអ្វីដែលមិនគួរទិញ និងវិនិយោគជាមួយនោះ គឺផ្ទះក្នុងគម្រោងដែលមិនទាន់សង់ កុំទិញជាដាច់ខាត។ បើសិនជាចង់ទិញគម្រោងផ្ទះនោះ យើងគួរតែពិនិត្យមើលឈ្មោះក្រុមហ៊ុនថា តើក្រុមហ៊ុននោះមានច្បាប់ត្រឹមត្រូវ ឬអត់ ហើយត្រូវពិនិត្យមើលកុងត្រាឱ្យបានច្បាស់លាស់មុននឹងកក់លុយ ពីព្រោះថាក្នុងកាលៈទេសៈនេះ លុយ ៣០០០ ដុល្លារ ទៅ ១ម៉ឺនដុល្លារគឺពិបាករកណាស់ ដូច្នេះហើយមុននឹងបណ្ដាក់ទុនវិនិយោគលើអ្វីមួយត្រូវគិតគូរពីហានិភ័យឱ្យនៅសល់តិចបំផុត។”
លោក កែវ សារ៉ន ប្រធានសាខានៃក្រុមហ៊ុន Century 21 Zillion Holding ក៏បានលើកទឹកចិត្តឱ្យអ្នកវិនិយោគដែលមានចំណូលមធ្យមគួរតែរកទិញដីទុកសម្រាប់លក់យកចំណេញនៅថ្ងៃខាងមុខ ពីព្រោះថា ដីអាចនឹងឡើងថ្លៃបន្តទៀតនៅពេលស្ថានភាពសេដ្ឋកិច្ចបានប្រសើរឡើងវិញ។
លោកបានលើកឡើងទៀតថា បច្ចុប្បន្ននេះ ដីដែលម្ចាស់លក់ក្រោមទីផ្សារមានច្រើនណាស់ ហើយវាជាឱកាសល្អសម្រាប់អ្នកមានលុយក្នុងការទិញទុកយកប្រាក់ចំនេញនៅពេល ២ ទៅ ៣ ឆ្នាំទៀត ពីព្រោះថាក្នុងស្ថានភាពនេះអ្នកលក់ដីច្រើនណាស់តែអ្នកទិញដីមានតិច ដូច្នេះហើយដើម្បីលក់ដីឆាប់ដាច់ម្ចាស់ដីមានតែលក់ក្រោមទីផ្សារទើបមានអ្នកទិញ ៕
Account
Security
Favourite Content