សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានស្នើដល់រដ្ឋាភិបាលប្រទេសម៉ាឡេស៊ីជួយគាំទ្រដល់ការស្ថាបនាខ្សែកាបអគ្គិសនីតាមបាតសមុទ្រ ដែលត្រូវឆ្លងកាត់ដែនសមុទ្រប្រទេសម៉ាឡេស៊ី សម្រាប់គម្រោងពាណិជ្ជកម្មថាមពលបៃតងរវាងកម្ពុជា-សិង្ហបុរី។
ការស្នើការគាំទ្រខាងលើនេះត្រូវបានធ្វើឡើងនៅថ្ងៃទី២៧ ខែមីនា ឆ្នាំ២០២៣ នៅវិមានសន្តិភាពក្នុងឱកាសទទួលស្វាគមន៍យ៉ាងកក់ក្ដៅចំពោះការអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជារបស់ឯកឧត្តម ដាតុ ស៊េរី អាន់វ៉ា ប៊ីន អ៊ីប្រាហ៊ីម នាយករដ្ឋមន្រ្តី នៃប្រទេសម៉ាឡេស៊ី។
សម្តេចតេជោ ហ៊ុន សែន បានមានប្រសាសន៍ថា ៖
“ក្នុងវិស័យថាមពល ខ្ញុំបានស្នើដល់ឯកឧត្តមនាយករដ្ឋមន្ត្រីផ្តល់ការគាំទ្រដល់ការស្ថាបនាខ្សែកាបអគ្គិសនីតាមបាតសមុទ្រ ដែលត្រូវឆ្លងកាត់ដែនសមុទ្រប្រទេសម៉ាឡេស៊ី សម្រាប់គម្រោងពាណិជ្ជកម្មថាមពលបៃតងរវាងកម្ពុជា-សិង្ហបុរី”
សម្ដេចតេជោ ហ៊ុន សែន និងឯកឧត្តមនាយករដ្ឋមន្ត្រីម៉ាឡេស៊ី ក៏បានលើកឡើងពីវិស័យកសិកម្ម ភាគីទាំងពីរបានឯកភាពឱ្យមាន អនុស្សរណៈ នៃការយោគយល់ កិច្ចសហប្រតិបត្តិការអភិវឌ្ឍន៍ ។ សម្តេចតេជោ ក៏បានស្នើឱ្យបង្កើនការទិញអង្ករនិងកសិផលពីកម្ពុជា តាមរយៈការបង្កើតក្រុមហ៊ុនប្រមូលទិញ និងកែច្នៃនៅកម្ពុជាសម្រាប់លក់នៅលើទីផ្សារកម្ពុជា និងនាំចេញទៅកាន់ម៉ាឡេស៊ី និងទីផ្សារផ្សេងៗទៀត តាមផ្លូវដឹកជញ្ជូនពីក្រុងព្រះសីហនុ។ ចំពោះវិស័យពាណិជ្ជកម្ម និងវិនិយោគទ្វេភាគី បានសម្ដែងក្ដីរីករាយ ដែលពាណិជ្ជកម្មទ្វេភាគីសម្រេចបាន ៦២០លានដុល្លារអាមេរិកក្នុង ឆ្នាំ២០២២ ដោយកើនឡើង២៤ភាគរយធៀបនឹងឆ្នាំ២០២១ ដែលសម្រេចបានជាង៥០០លានដុល្លារ។សម្ដេចតេជោក៏បានស្នើឱ្យបង្កើនទិញទំនិញបំពេញតម្រូវការឱ្យគ្នាទៅវិញទៅមក ដោយលើកទឹកចិត្តឱ្យវិនិយោគិន និងក្រុម ហ៊ុន ម៉ាឡេស៊ីមកធ្វើធុរកិច្ច និងវិនិយោគឱ្យបានកាន់តែច្រើន៕
Account
Security
Favourite Content