សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បានបង្ហាញការអបអរសាទរចំពោះការបើកសម្ពោធគម្រោងតំបន់សេដ្ឋកិច្ចពិសេស អាយ អេស អាយ (ISI) ដែលមានទីតាំងស្ថិតនៅសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី១០ ខែមករា ឆ្នាំ២០២៥។ គម្រោងនេះត្រូវបានចាត់ទុកថាជានិមិត្តរូបនៃការរស់ឡើងវិញនៃសង្គមជាតិ និងការបង្កើតការងារជាច្រើនដល់ប្រជាជនកម្ពុជា។
ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានថ្លែងក្នុងពិធីសម្ពោធនេះថា កម្ពុជាបានឆ្លងកាត់សម័យកាលដ៏លំបាកពីសង្គ្រាម និងរបបប្រល័យពូជសាសន៍ ដោយបាត់បង់អ្វីៗជាច្រើន។ បច្ចុប្បន្ន កម្ពុជាកំពុងបំពេញនូវអ្វីដែលបានបាត់បង់ និងបង្កើតអ្វីដែលប្រសើរថែមទៀត។ រាជរដ្ឋាភិបាលកម្ពុជាមានបំណងចង់កសាងបុរីជនបទ ដែលមានផ្លូវ ទឹក ភ្លើង ប្រើប្រាស់គ្រប់គ្រាន់ និងក្លាយជាភូមិឋានក្សេមក្សាន្ត ដែលប្រជាជនរស់នៅសុខសាន្ត មានការងារធ្វើ និងសុខសុភមង្គល។
ឯកឧត្តមបានបញ្ជាក់ថា ៖
«អ្វីដែលយើងឃើញនៅថ្ងៃនេះគឺជាផ្តើមចេញពីការបីបាច់ថែរក្សារបស់ឪពុកម្តាយក្នុងក្រុមគ្រួសារ ដែលបានបង្កើតមនុស្សល្អ និងសកម្មជាច្រើនក្នុងសង្គម។ ការវិវត្តន៍នេះនាំឱ្យមានការផ្លាស់ប្តូរសហគ្រាសពីលក្ខណៈគ្រួសារមកជាឧស្សាហកម្មមួយដែលផ្តល់ការងារជាច្រើន និងបង្កើនប្រាក់ចំណូលដល់ប្រជាជនកម្ពុជា»។
ឯកឧត្តមឧបនាយករដ្ឋមន្ត្រីបានបញ្ជាក់ផងដែរថា ជាក់ស្ដែង ក្រុមហ៊ុន Golden Port SEZ Development Co., Ltd. បានពង្រីកការវិនិយោគបន្ថែមទៀត ដែលជាសមិទ្ធផលដ៏ល្អ បានផ្តល់អត្ថប្រយោជន៍ជាច្រើន។ វឌ្ឍនភាពរបស់ក្រុមគ្រួសារ និងសហគ្រាសនៅបច្ចុប្បន្ន ជាការកសាងមាតុភូមិដែលនាំឱ្យសួនឧស្សាហកម្មនេះក្លាយជាមជ្ឈមណ្ឌលអភិវឌ្ឍជំនាញ និងការប្រកួតប្រជែងជាសកល។
អ្វីដែលសំខាន់ តាមរយៈផលិតផលទាំងអស់នេះនឹងធ្វើឱ្យបា្រក់ចំណូលជាច្រើនហូរពីក្រៅប្រទេសមកកម្ពុជា ហើយនឹងផ្តល់ត្រលប់មកវិញនូវការងារជាច្រើនដល់ប្រជាជនកម្ពុជាធ្វើ ដើម្បីបង្កើនប្រាក់ចំណូល ជាពិសេសប្រជាជននៅខេត្តព្រះសីហនុ ដែលនឹងមានផលវិជ្ជមានបន្តដល់អ្នកដាំបន្លែ ផ្លែឈើ ចិញ្ចឹមសត្វយកសាច់ ដើម្បីលក់ធ្វើជាម្ហូបទទួលទាន។ល។
Account
Security
Favourite Content