ហេតុការណ៍កប៉ាល់បុកស្ពាននៅទីក្រុង Baltimore នៃរដ្ឋ Maryland បានធ្វើឱ្យមនុស្ស៦នាក់បាត់បង់ជីវិត

បរទេស៖ យោងតាមប្រភពព័ត៌មានពី BBC បានរាយការណ៍ថា មនុស្ស ៦ នាក់ត្រូវបានគេសន្មត់ថាបានបាត់បង់ជីវិតបន្ទាប់ពីហេតុការណ៍កប៉ាល់ដឹកកុងតឺន័រមួយបានបុកស្ពាន Francis Scott Key ក្នុងទីក្រុង Baltimore នៃរដ្ឋ Maryland សហរដ្ឋអាម៉េរិក។

កាលពីថ្ងៃទី២៦ ខែមីនា រថយន្តជាច្រើនគ្រឿងកំពុងឆ្លងកាត់ស្ពានដែលមានប្រវែងជាង ២,៦ គីឡូម៉ែត្របានធ្លាក់ចូលទឹកបន្ទាប់ពីកប៉ាល់ដឹកកុងតឺន័របានបុកជាមួយនឹងសសរស្ពាន Francis Scott Key ។ កប៉ាល់កុងតឺន័រនេះមានឈ្មោះ Dali ដែលមានទង់ជាតិសិង្ហបុរី បានបុកសសរស្ពានដែលមានអាយុកាល ៤៧ ឆ្នាំ ​នៅម៉ោង ០១:៣០ ព្រឹកម៉ោងក្នុងស្រុក។ កប៉ាល់នេះបានចាកចេញពីស្ថានីយ៍ Port Breeze វេលាម៉ោង ១២:៤៥ យប់អធ្រាតឆ្ពោះទៅកាន់រដ្ឋធានី Colombo ប្រទេសស្រីលង្កា។

យោងទៅតាមក្រុមមន្ត្រីសង្គ្រោះបានឲ្យដឹងថា កប៉ាល់បានរងនូវបញ្ហាដាច់ចរន្តថាមពល ហើយបានហៅទូរស័ព្ទអាសន្នមួយមុនពេលធ្លាក់។ ទន្ទឹមនឹងនេះ ទូក និងឧទ្ធម្ភាគចក្រ គឺជាផ្នែកនៃកិច្ចខិតខំប្រឹងប្រែងស្វែងរក និងជួយសង្គ្រោះដ៏ធំក្នុងការស្វែងរកអ្នកបាត់ខ្លួនទាំង ៦ នាក់ ខណៈដែល ២ នាក់​ទៀត​ត្រូវ​បានជួយសង្គ្រោះ ដោយ​ម្នាក់​មាន​សភាព​ធ្ងន់ធ្ងរ។ ឧត្តមនាវីឯក Shannon Gilreath ឆ្មាំឆ្នេរសមុទ្រអាម៉េរិកបាននិយាយថា មនុស្សបាត់ខ្លួនដែលនៅសេសសល់ត្រូវបានសន្មត់ថាស្លាប់ ដោយផ្អែកលើសីតុណ្ហភាពទឹកដែលពួកគេបានធ្លាក់ចូល និងរយៈពេលដែលពួកគេស្ថិតនៅក្នុងទឹក។ អាជ្ញាធរ​បាន​និយាយ​ថា អ្នកដែលបាត់ខ្លួនគឺជា​កម្មករ​សំណង់​ដែល​កំពុង​ជួសជុលស្ពាន​នៅ​ពេល​ដែល​មានហេតុការណ៍ស្ពាន​បាក់។

លោក Wes Moore អភិបាលរដ្ឋ Maryland បាននិយាយថា ក្រុមនាវិកបានជូនដំណឹងដល់អាជ្ញាធរអំពីបញ្ហាដាច់ចរន្តថាមពលមុនពេលដែលមានហេតុការណ៍បុកសសរស្ពានអំពីការប៉ះទង្គិចស្ពានដែលអាចកើតមាន ដើម្បីផ្តល់ដំណឹងឲ្យមនុស្សបញ្ឈប់ការធ្ចើចរាចរណ៍លើស្ពាន។

ប្រតិបត្តិការជួយសង្គ្រោះដ៏សំខាន់នេះត្រូវបានដឹកនាំដោយនាយកដ្ឋានពន្លត់អគ្គីភ័យ Baltimore, US Coastguard និងភ្នាក់ងារផ្សេងទៀតមកពីរដ្ឋ Maryland ។

លោក James Wallace ប្រធានផ្នែកពន្លត់អគ្គីភ័យនៅ Baltimore បានបញ្ជាក់ថា មនុស្សពីរនាក់ត្រូវបានជួយសង្គ្រោះ ហើយម្នាក់ក្នុងចំណោមពួកគេត្រូវបានបញ្ជូនទៅកាន់មន្ទីរពេទ្យក្នុងស្ថានភាពធ្ងន់ធ្ងរ។ បន្ថែមពីនេះ ស្ថានភាពនៃជំនោរទឹកបានបង្កការលំបាកដល់កិច្ចខិតខំប្រឹងប្រែងជួយសង្គ្រោះ ហើយកង្វល់ដ៏ធំមួយទៀតសម្រាប់ក្រុមជួយសង្គ្រោះ គឺទឹកមានសីតុណ្ហភាពត្រជាក់ប្រហែល ៣ អង្សាសេរ។ លោក Brandon Scott អភិបាលក្រុង Baltimore បានពណ៌នាឧបទ្ទវហេតុនេះថាជាសោកនាដកម្មដែលមិននឹកស្មានដល់ ហើយរឿងសំខាន់នោះគឺជីវិតមនុស្សនៅក្នុងទឹកដែលត្រូវជួយសង្គ្រោះ។

ក្រុមហ៊ុនដឹកជញ្ជូន Synergy Marine Group បានលើកឡើងថា កប៉ាល់នេះមាននាវិកជនជាតិឥណ្ឌាទាំងអស់ចំនួន ២២ នាក់ ប៉ុន្តែមិនទាន់មានរបាយការណ៍អំពីការរងរបួសណាមួយឡើយ។ លើសពីនេះ សេចក្តីថ្លែងការណ៍បានបន្ថែមថា មូលហេតុពិតប្រាកដនៃឧបទ្ទវហេតុនេះមិនទាន់ត្រូវបានកំណត់ទេ ហើយម្ចាស់កប៉ាល់កំពុងសហការយ៉ាងពេញលេញជាមួយភ្នាក់ងារសហព័ន្ធ។ ក្រុមហ៊ុនដឹកជញ្ជូនយក្ស Maersk បាននិយាយថា ខ្លួនបានជួលកប៉ាល់នេះសម្រាប់ដឹកទំនិញរបស់ខ្លួន។ បើទោះបីជាគ្មាននាវិក និងបុគ្គលិក Maersk នៅលើនាវានោះ ប៉ុន្តែពួកគេបានបង្ហាញភាពភ័យរន្ធត់ចំពោះអ្វីដែលបានកើតឡើងនៅក្នុងហេតុការណ៍បាក់ស្ពាននេះ។

ប្រធានាធិបតីសហរដ្ឋអាម៉េរិក Joe Biden បាននិយាយថា លោកនឹងធ្វើដំណើរទៅកាន់ទីក្រុង Baltimore ឱ្យបានឆាប់តាមដែលអាចធ្វើទៅបាន ហើយកិច្ចខិតខំប្រឹងប្រែងស្វែងរក និងជួយសង្គ្រោះគួរតែត្រូវបានផ្តល់អាទិភាព។ គាត់បាននិយាយថា ដើម្បីបើកដំណើរការកំពង់ផែឡើងវិញ និងសាងសង់ស្ពានឡើងវិញឱ្យបានលឿនតាមដែលអាចធ្វើបាន រដ្ឋាភិបាល និងសហព័ន្ធ នឹងចំណាយសម្រាប់ការសាងសង់ស្ពានទាំងមូលនេះ ហើយការចំណាយគឺត្រូវការអនុម័តដោយសមាជិកនៃសមាជ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់