គម្រោងកន្ត្រកខ្សែកាបដំបូងបង្អស់នឹងលេចរូបរាងឡើងនៅក្នុងខេត្តប៉ូលសេដ្ឋកិច្ចទី២របស់កម្ពុជា

ព្រះសីហនុ ៖ តាមរយៈការសម្របសម្រួលរបស់ក្រុមហ៊ុន ខនភ្លូអិនស៍​ (Confluences) គម្រោងកន្ត្រកខ្សែកាបរបស់​ប្រទេសអូទ្រីសនឹងមានវត្តមាន​ឡើងនៅក្នុងខេត្តព្រះសីហនុនាពេលឆាប់ៗខាងមុខ។ គម្រោងនេះ​ស្ថិតក្រោមការវិនិយោគរបស់ក្រុមហ៊ុន Canopy Sands​ Development ដែលជាសមាជិករបស់ក្រុមហ៊ុន​ Prince Holding Group  នៃប្រទេសកម្ពុជា។

កន្រ្កកខ្សែកាប (Cable Car) គឺជាសកម្មភាពទាក់ទាញមួយក្នុងចំណោមសកម្មភាពផ្សេងៗ ដែលស្ថិតក្រោមផែនការមេរបស់ Canopy Sands​ Development ដែលជាគម្រោង Bay of Lights គ្របដណ្ដប់ផ្ទៃដីចំនួន ៩៣៤ ហិកតា និងត្រូវបានគេឲ្យឈ្មោះ​ថា ទីក្រុងរាម។

ការអភិវឌ្ឍន៍គម្រោងទីក្រុងរាមនឹងផ្តោតលើសសរស្តម្ភសំខាន់ៗចំនួនប្រាំមួយដែលរួមមាន៖ ទេសចរណ៍ ការកម្សាន្ត និងរបៀបរស់នៅ សុខភាពនិងសុខុមាលភាព ការអប់រំ សិល្បៈ និងវប្បធម៌និងសេវាហិរញ្ញវត្ថុ។

ទាក់ទងនឹងគម្រោងខាងលើ វាគឺជាគម្រោងកន្រ្តកខ្សែកាបដំបូងគេបង្អស់នៅប្រទេសកម្ពុជា ដោយកន្លងទៅ គម្រោងកន្រ្តកខ្សែកាបមានវត្តមាននៅប្រទេសជិតខាងកម្ពុជា ដូចជា ប្រទេសវៀតណាម និងប្រទេសថៃជាដើម។  លើស​ពី​នេះ​ទៅ​ទៀត គម្រោង​នេះ​នឹងដើរតួ​ជាប្រភពទាក់ទាញ​ទេសចរណ៍ដ៏សំខាន់មួយសម្រាប់ប្រទេសកម្ពុជា។

យោងទៅតាមលោក កែ ប៊ិនសូរស្មី អគ្គនាយកក្រុមហ៊ុន ខនភ្លូអ៊ិនស៍ លោកមានសុទិដ្ឋិនិយមខ្ពស់ចំពោះ​គម្រោងថ្មីនៅប្រទេសកម្ពុជានេះ ព្រោះថាវានឹងជួយសម្រួលដល់ការធ្វើដំណើរ ហើយជាពិសេសទៅទៀត វានឹងផ្ដល់ជូនភ្ញៀវ​ទេសចរណ៍នូវអ្វីដែលថ្មី និងទាក់ទាញផងដែរ។

លោកមានប្រសាសន៍ថា ៖

“កម្ពុជាមានភាពអំណោយផលជាច្រើន បើធៀបជាមួយនឹង​ប្រទេសជិតខាង ទាំងកត្តាអាកាសធាតុ និងកត្តាភ្ញៀវទេសចរអន្តរជាតិ ប៉ុន្តែយ៉ាងណា អ្វីដែលយើងត្រូវធ្វើមុនគេ គឺណែនាំប្រជាជនកម្ពុជាឲ្យស្គាល់ពីកន្ត្រកខ្សែកាប”

លោកបានបន្តថា រហូតមកដល់ពេលនេះ ក្រុមហ៊ុនខនភ្លូអិនស៍ និងក្រុមហ៊ុនកន្ត្រកខ្សែកាបអន្តរជាតិ Doppelmayr បាន និងកំពុងធ្វើការរួមគ្នាលើការសិក្សាស្រាវជ្រាវទៅលើលទ្ធភាពក្នុង​ការ​សាងសង់​គម្រោងកន្ត្រកខ្សែកាបទី១។ ការសិក្សានេះនឹងពិនិត្យមើលទៅលើចំនួនកន្ត្រកខ្សែកាប ដែល​នឹងត្រូវ​ដំឡើង ស្របទៅតាមតម្រូវការ ក៏ដូចជាទុនរបស់ក្រុមហ៊ុនវិនិយោគផងដែរ។

លោកសង្ឃឹមថា ការស្រាវជ្រាវនឹងអាចបិទបញ្ចប់នៅត្រឹមចុងឆ្នាំនេះ ហើយអាចចាប់ផ្ដើមដំណើរការ សាងសង់កន្ត្រកខ្សែកាបនៅដើមឆ្នាំ ២០២៤ តែម្ដង។

គួរបញ្ជាក់ថា កាលពីថ្ងៃទី ១៥ ខែមីនា ឆ្នាំ ២០២៣ កន្លងទៅ អ្នកអភិវឌ្ឍន៍គម្រោង គឺក្រុមហ៊ុន​ Doppelmayr Gruppe និងអ្នកវិនិយោគគម្រោង គឺក្រុមហ៊ុន Canopy Sands Development បានចុះ​ហត្ថលេខារួមគ្នា ក្នុងការព្រមព្រៀង​នាំយកគម្រោងកន្ត្រកខ្សែកាបដំបូងគេដែលមិនធ្លាប់មាន មកកាន់​ប្រទេសកម្ពុជា។

ដោយឡែក គម្រោង Bay of Lights បានចាប់ផ្តើមដំណើរការនៅថ្ងៃទី ២០ ខែធ្នូ ឆ្នាំ ២០២២ ហើយគ្រោង​​នេះនឹង​ក្លាយទៅជាការអភិវឌ្ឍដ៏សំខាន់មួយសម្រាប់ប្រទេសកម្ពុជា។ Canopy Sands Development ដែលជាអ្នកវិនិយោគគម្រោង Bay of Lights ប្តេជ្ញាបញ្ចេញសក្តានុពលទាំងមូលរបស់ខេត្តព្រះសីហនុ ដោយរំពឹងថានឹងទាក់ទាញភ្ញៀវទេសចរចំនួន ៣ លាននាក់នៅឆ្នាំ ២០៣០ បង្កើត​ការងារថ្មីចំនួន ៣៣០,០០០ នៅឆ្នាំ ២០៤០ ព្រមទាំងផ្តល់លំនៅដ្ឋានថ្មីចំនួន ៤០,០០០ និងនាំមកនូវកំណើន​ប្រជាជនបន្ថែមដល់ទៅ ១៦០,០០០​នាក់នៅឆ្នាំ ២០៥០៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

កំពង់ស្ពឺ ​និងស្វាយរៀង ​ជា​ខេត្ត​ទទួល​បានគម្រោង​វិនិយោគ​ច្រើនជាង​គេ​ក្នុង​រយៈ​ពេល៦ខែ​ដើមឆ្នាំ

ព្រឹត្តិការណ៍, អចលនទ្រព្យ

• 17/07/2024

គិតត្រឹម​ឆមាសទី១​ឆ្នាំ ២០២៤ ខេត្ត​កំពង់ស្ពឺ និងស្វាយរៀង​ជា​ខេត្ត​ដែលទទួលបានគម្រោ​ងវិនិយោគ​ច្រើនជាង​គេក្នុង​ចំណោម​បណ្ដាខេត្ត​នានា​

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

ស្មៅដំរី ជាដំណាំសម្រាប់ជាចំណីសត្វ ងាយស្រួលដាំ និងបានផលច្រើនដែលកសិករគួរសាកល្បង

ជំនួញ, ព្រឹត្តិការណ៍

• 17/07/2024

ស្មៅដំរី ជាប្រភេទដំណាំចំណីសត្វមួយដែលមានផ្ទុកសារធាតុចិញ្ចឹមខ្ពស់ ងាយស្រួលដាំ និងអាចជួយបំប៉នដល់ការលូតលាស់របស់សត្វបានល្អ

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

មូលនិធិអភិវឌ្ឍន៍ជំនាញ បានបណ្តុះបណ្តាលធនធានមនុស្សជាង១ម៉ឺន៤ពាន់នាក់ នៅឆមាសទី១ឆ្នាំ២០២៤

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2024

មូលនិធិអភិវឌ្ឍន៍ជំនាញ (SDF) បានបណ្តុះបណ្តាលធនធានមនុស្សជាង ១ម៉ឺន ៤ពាន់នាក់ នៅក្នុងឆមាសទី១ នៃឆ្នាំ២០២៤ ដែលស្ម;នឹង ៥៦ ភាគរយនៃផែនការមេ