សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប៖ អ្នកផលិតក្នុងស្រុកត្រូវប្រែក្លាយវិបត្តិនៅព្រំដែនកម្ពុជា-ថៃ ឱ្យទៅជាឱកាសទាក់ទាញការប្រើប្រាស់ផលិតផលក្នុងស្រុក ប៉ុន្តែមិនមែនជាឱកាសឆ្លៀតដំឡើងថ្លៃផលិតផលរបស់ខ្លួននោះទេ។ នេះជាការលើកឡើងរបស់ ឯកឧត្តម ផល សុជាតិ អគ្គលេខាធិការ នៃគណៈកម្មាធិការជាតិជំរុញចលនាភូមិមួយផលិតផលមួយ នៅក្នុងសិក្ខាសាលាផ្សព្វផ្សាយពីផលិតផលក្នុងស្រុក និងចុះបញ្ជីផលិតផលជលផល នៃគគម្រោង CAPFish ឆ្នាំ២០២៥ របស់គណៈកម្មាធិការជំរុញចលនាភូមិមួយផលិតផលមួយខេត្តសៀមរាប នាពេលថ្មីៗនេះនៅផ្សារ Heritage Walk ខេត្តសៀមរាប។
ឯកឧត្តម ផល សុជាតិ បានលើកឡើងទៀតថា៖ តាមរយៈកិច្ចខិតខំប្រឹងប្រែងរបស់ក្រសួងស្ថាប័នពាក់ព័ន្ធ និងផលិតករ សេវាករទាំងអស់មកដល់ពេលនេះមានលទ្ធភាពអាចនិយាយបានជាចំហថា ផលិតផលក្នុងស្រុកមានការផលិតបានច្រើនមុខ ហើយផលិតករគ្រប់ប្រភេទ រាប់ពីលក្ខណៈគ្រួសារ ក្រុមផលិតសហគមន៍ រហូតដល់ក្រុមហ៊ុនសហគ្រាសធុនតូច មធ្យម ឬធំ បានផលិត និងកែច្នៃពីវត្ថុធាតុដើមដែលមានស្រាប់ក្នុងមូលដ្ឋានឲ្យទៅជាគ្រឿងឧបភោគ បរិភោគ វត្ថុប្រើប្រាស់ និងវត្ថុអនុស្សាវរីយផ្សេងៗប្រកបដោយគំនិតច្នៃប្រឌិត ជាមួយនឹងការរក្សាបាននូវប្រពៃណីទំនៀមទន្លាប់ដ៏ល្អផូរផង់របស់ខ្មែរ និងបង្ហាញពីអត្តសញ្ញាណជាតិប្រកបដោយគុណភាព តម្លៃសមរម្យ និងមានបរិមាណគ្រប់គ្រាន់តបទៅនឹងតម្រូវការទីផ្សារ។
ឯកឧត្តមអគ្គលេខាធិការ បានគូសបញ្ជាក់ថា៖
«កត្តាទាំងនេះ បានធ្វើឲ្យប្រជាពលរដ្ឋផ្លាស់ប្តូរផ្នត់គំនិតមកជឿជាក់ និងប្រើប្រាស់ផលិតផលខ្មែរជាបណ្តើរៗ ជំនួសឲ្យផលិតផលនាំចូលពីបរទេស ដែលទាំងនេះបានបង្ហាញនូវមោទនភាពជាតិចំពោះផលិតផលដែលខ្មែរបានផលិត។ ប៉ុន្មានឆ្នាំចុងក្រោយនេះ ការជំរុញចលនាភូមិមួយផលិតផលមួយ សម្រេចបានលទ្ធផលយ៉ាងល្អប្រសើរ ដែលនាំទៅដល់ការប្រែប្រួលជាវិជ្ជមាននៃផលិតផលខ្មែរ ដូចជាគុណភាព ស្តង់ដាអនាម័យ ការវេចខ្ចប់ ជាពិសេសការដាក់ស្លាកសញ្ញាសម្គាល់លើផលិតផល ជាផលិតផលភូមិមួយផលិតផលមួយ និងឈានទៅដាក់ចំណាត់ថ្នាក់ផលិតផលនាពេលដ៏ឆាប់ខាងមុខ ដើម្បីជួយជំរុញ និងលើកទឹកចិត្តផលិតករឆ្នើមដែលបានខិតខំកែច្នៃផលិតផលប្រកបដោយគុណភាពខ្ពស់សម្រាប់ទីផ្សារក្នុងស្រុក និងក្រៅប្រទេស»។
ឯកឧត្តមអគ្គលេខាធិការ ក៏បានអំពាវដល់ប្រជាជនកម្ពុជាគ្រប់មជ្ឈដ្ឋានប្រកាន់យកនូវស្មារតី និងមនសិការជាតិក្នុងការចូលរួមគាំទ្រផលិតផលខ្មែរ ដោយផ្លាស់ប្តូរឥរិយាបទដែលធ្លាប់តែប្រើប្រាស់ផលិតផលនាំចូលពីប្រទេសថៃមកប្រើប្រាស់ផលិតផលខ្មែរវិញ ដើម្បីរួមគ្នាជួយលើកតម្កើងកិត្យានុភាពជាតិ ជាពិសេសក្នុងកាលៈទេសៈដែលកម្ពុជាកំពុងរងការឈ្លានពាននៅតាមព្រំដែន និងការគំរាមផ្សេងៗពីសំណាក់ភាគីថៃជ្រុលនិយម។
ជាមួយគ្នានេះ ឯកឧត្តម ក៏បានជំរុញឲ្យអ្នកផលិតក្នុងស្រុកត្រូវខិតខំពង្រឹងគុណភាពផលិតផល និងពង្រីកកាផលិតរបស់ខ្លួនដើម្បីទាញយកឱកាសនៃវិបត្តិនៅព្រំដែនកម្ពុជាថៃជាការទាក់ទាញការប្រើប្រាស់ផលិតផលក្នុងស្រុកជំនួសការប្រើប្រាស់ផលិតផលនាំចូល និងសុំឲ្យអ្នកផលិតទាំងអស់កុំឆ្លៀតឱកាសនេះដំឡើងថ្លៃផលិតផលរបស់ខ្លួន។ សូមបញ្ជាក់ថា សិក្ខាសាលាផ្សព្វផ្សាយផលិតផលភូមិមួយផលិតផលមួយ និងចុះបញ្ជីផលិតផលជលផល នៃគម្រោងCAPFish ជាផលិតផលភូមិមួយផលិតផលមួយ ឆ្នាំ២០២៥ របស់គណៈកម្មាធិការជំរុញចលនាភូមិមួយផលិតផលមួយខេត្តសៀមរាបនិងក៏មានការចុះអនុស្សរណៈនៃការយោគយល់គ្នារវាងអគ្គលេខាធិការដ្ឋាននៃគណៈកម្មាធិការជាតិជំរុញចលនាភូមិមួយផលិតផលមួយជាមួយក្រុមហ៊ុនឯកជនមួយចំនួនផងដែរ៕
Account
Security
Favourite Content