ជប៉ុន ដាក់ចេញដំណោះស្រាយមួយចំនួន ដើម្បីទប់ស្កាត់ការកើនឡើងនៃផ្ទះទំនេរទុកចោល

បរទេស៖ យោងតាមប្រភពពី Weforum បានលើកឡើងថា ចំនួនផ្ទះបុរាណទំនេរទុកចោលនៅក្នុងប្រទេសជប៉ុនកំពុងកើនឡើងដែលជំរុញឱ្យមានវិធានការទប់ស្កាត់ការបោះបង់ផ្ទះចោល។ កិច្ចខិតខំប្រឹងប្រែងដើម្បីដោះស្រាយការទុកផ្ទះបុរាណចោល កំពុងទទួលបានការយកចិត្តទុកដាក់ក្នុងចំណោមអ្នកចាប់ផ្តើមអាជីវកម្ម រដ្ឋាភិបាលក្នុងតំបន់ និងអ្នកបង្កើតគោលនយោបាយ។

ជាមួយនឹងកំណើនចំនួនប្រជាជនវ័យចំណាស់ និងអត្រាកំណើតធ្លាក់ចុះនៅប្រទេសជប៉ុន ចំនួនផ្ទះដែលគេបោះបង់ចោលក៏កំពុងកើនឡើងយ៉ាងឆាប់រហ័ស ខណៈដែលតាមការស្ទង់មតិរបស់ក្រសួងកិច្ចការមហាផ្ទៃ និងទំនាក់ទំនងរបស់ជប៉ុន បានឱ្យដឹងថា ចំនួនផ្ទះទំនេរទុកចោលបានកើនឡើង ៨,៤៩ លានល្វែងក្នុងរយៈពេល ២០ ឆ្នាំ។ បន្ថែមពីនេះ គេប៉ាន់ស្មានថា ចំនួនផ្ទះទំនេរទុកចោលអាចនឹងកើនឡើងដល់ ២៣,០៣ លានល្វែងនៅត្រឹមឆ្នាំ២០៣៨។

តាមរយៈការស្ទង់មតិបានឲ្យដឹងថា ផ្ទះទំនេរទុកចោលទាំងនោះមាន ៤ ប្រភេទដូចជា សម្រាប់ជួល សម្រាប់​លក់ លំនៅដ្ឋានបន្ទាប់បន្សំ ហើយប្រភេទផ្ទះផ្សេងទៀតមានច្រើនជាង ៤០ ភាគរយនៃចំនួនសរុប។ ការស្ទង់មតិដូចគ្នានេះបង្ហាញថាប្រហែល ៩០ ភាគរយនៃផ្ទះទាំងនោះគឺជាប្រភេទផ្ទះរស់នៅបានមួយគ្រួសារ ដែលត្រូវបានទុកចោលដោយមិនបានលក់ ឬដាក់ជួលនោះទេ។ ក្នុងចំណោមផ្ទះទាំងនោះ ប្រហែល ៧០ ភាគរយត្រូវបានសាងសង់មុនឆ្នាំ១៩៨០ ហើយប្រហែល ៥៩ ភាគរយនៃផ្ទះទំនេរទុកចោលទាំងនោះគឺជាទ្រព្យសម្បត្តិមរតក។ យ៉ាងណាមិញ ភាគច្រើនដោយសារផ្ទះទាំងនោះមានចម្ងាយឆ្ងាយពីលំនៅដ្ឋានបច្ចុប្បន្នរបស់ពួកគេ ទើបពួកគេមិនអាចមើលថែវាបាន ដែលនាំឱ្យមានការទុកចោល។ បន្ថែមពីនេះ ម្ចាស់ផ្ទះត្រូវបានលើកទឹកចិត្តកុំឱ្យបំផ្លាញលំនៅឋានដែលគ្មានអ្នកកាន់កាប់ ដើម្បីកាត់បន្ថយបន្ទុកពន្ធរបស់ពួកគេ ដោយសារការអនុគ្រោះពន្ធលើអចលនទ្រព្យសម្រាប់ដីលំនៅដ្ឋានរហូតដល់ ១/៦ ដែលជំរុញឱ្យមានការកើនឡើងនៃផ្ទះទំនេរទុកចោល។

ទន្ទឹមនឹងនេះ តម្លៃផ្ទះអាចនឹងថយចុះ ដោយសារតែហានិភ័យដែលទាក់ទងនឹងទ្រព្យសម្បត្តិអចលនទ្រព្យដែលត្រូវបានទុកចោលដូចជា អាយុកាលនៃសំណង់ ការធ្លាក់ចុះនៃអនាម័យ និងសោភ័ណភាព និងផលប៉ះពាល់អវិជ្ជមានលើគុណភាពជីវិតរបស់អ្នកកាន់កាប់។ នៅឆ្នាំ២០១៥ រដ្ឋាភិបាល​ជប៉ុនបាន​អនុម័ត​ច្បាប់​វិធានការ​ពិសេស​សម្រាប់ដោះស្រាយ​ការ​កើនឡើង​នៃផ្ទះ​ទំនេរទុកចោល។ ច្បាប់នេះកំណត់ទ្រព្យសម្បត្តិអចលនទ្រព្យដែលមានហានិភ័យខ្ពស់ ដូចជាផ្ទះដែលប្រឈមនឹងការដួលរលំ។ យោងតាមច្បាប់ ម្ចាស់អចលនទ្រព្យទាំងនេះត្រូវរុះរើ ឬជួសជុលឡោះងវិញ ហើយប្រសិន​បើ​ពួកគេ​មិន​គោរពតាមនោះ​ទេ រដ្ឋាភិបាល​មាន​សិទ្ធិ​អំណាច​ទាមទារ​ការ​បំផ្លាញ​ដោយ​ចំណាយ​ប្រាក់ពី​ម្ចាស់​ដើម។ កាលពីខែធ្នូឆ្នាំ ២០២៣ ច្បាប់ត្រូវបានកែសម្រួលដើម្បីរួមបញ្ចូលប្រភេទថ្មីហៅថា “ផ្ទះដែលទុកចោលរាប់ឆ្នាំគ្មានការមើលថែ” ដែលត្រូវបានមើលឃើញទៅលើបញ្ហាដូចជា ការបែកបាក់បង្អួច ឬការខូចជញ្ជាំង។ ប្រសិនបើការបែកបាក់ទាំងនេះគ្មានការជួសជុលពីម្ចាស់ ឬគ្មានស្ថានភាពមិនប្រសើរឡើង នោះវិធានការកាត់បន្ថយពន្ធសម្រាប់អចលនទ្រព្យទាំងនេះអាចត្រូវបានដកហូត។

បច្ចុប្បន្ននេះ កិច្ចខិតខំប្រឹងប្រែងដោះស្រាយផ្ទះទទេកំពុងទទួលបានសន្ទុះក្នុងចំណោមរដ្ឋាភិបាលក្នុងតំបន់។ នៅខាង Setagaya Ward នៃទីក្រុងតូក្យូត្រូវបានប៉ាន់ស្មានថា មានចំនួនផ្ទះទទេខ្ពស់បំផុតក្នុងចំណោមក្រុងទូទាំងប្រទេស ដោយកិច្ចសហប្រតិបត្តិការជាមួយក្រុមមិនរកប្រាក់ចំណេញលើកិច្ចខិតខំប្រឹងប្រែងប្រហែល ៥០ ០០០ ល្វែងត្រូវបានរៀបចំឡើងដើម្បីជួយការពារការកើនឡើងនៃផ្ទះទំនេរទុកចោល។ បន្ថែមពីនេះ គោលបំណងនេះ គឺដើម្បីជួយដល់សុខភាពមនុស្សវ័យចំណាស់ឲ្យជៀសវាងពីជម្លោះមរតកដែលកើតឡើងដោយសារតម្លៃដីខ្ពស់ ដែលជាមូលហេតុទូទៅដែលផ្ទះទាំងនោះត្រូវបានទុកចោលរាប់ឆ្នាំ។

មិនត្រឹមតែប៉ុណ្ណោះ ការចាប់ផ្តើមអាជីវកម្ម ឬ startup កំពុងដោះស្រាយបញ្ហាជាច្រើនដែលទាក់ទងនឹងផ្ទះដែលគេបោះបង់ចោលផងដែរ។ ជាឧទាហរណ៍ ក្រុមហ៊ុន Crassone ផ្តល់សេវាកម្មជួយដល់អ្នកដែលកំពុងស្វែងរកផ្ទះទុកចោល ដោយសហការជាមួយក្រុមហ៊ុនដែលមានអ្នកជំនាញខាងរុះរើជាង ១ ៩០០ នាក់។ លើសពីនេះ ពួកគេផ្តល់ជូននូវសេវាកម្មជាច្រើនប្រភេទដូចជា សេវាកម្មទាក់ទងនឹងការប្រើប្រាស់ដីបន្ទាប់ពីការរុះរើ និងការវាយតម្លៃអចលនទ្រព្យក្រោយការរុះរើដោយប្រើប្រាស់ AI ។ មួយវិញទៀត Crassone បានសហការជាមួយក្រុងចំនួន ៧៥ ទូទាំងប្រទេស ដោយរួមចំណែកដល់ការរុះរើ និងគ្រប់គ្រងផ្ទះដែលបោះបង់ចោលឱ្យបានត្រឹមត្រូវ ដែលសាលាក្រុងនីមួយៗមិនអាចដោះស្រាយតែម្នាក់ឯងបាន។

ក្រុមហ៊ុន Renobank មានគោលបំណងទប់ស្កាត់ការកើនឡើងនៃផ្ទះទុកចោល និងធ្វើឱ្យទីផ្សារលំនៅឋានជជុះមានភាពរស់រវើកឡើងវិញ ដោយការកែលម្អអចលនទ្រព្យដែលមិនមានអ្នកកាន់កាប់ និងប្រែក្លាយវាទៅជាផ្ទះដែលអាចរស់នៅបាន។ Renobank ក៏ដំណើរការគេហទំព័រដែលអ្នកប្រើប្រាស់អាចស្វែងរកព័ត៌មានអំពីផ្ទះជជុះ ឬផ្ទះទទេទុកចោល និងឆែកមើលតម្លៃនៃអចលនទ្រព្យតាមអ៊ីនធឺណិតផងដែរ។ បច្ចុប្បន្ននេះ ក្រុមហ៊ុនក៏កំពុងជំរុញការអភិវឌ្ឍន៍គំរូ AI ដែលអាចបង្កើតរូបភាពដោយស្វ័យប្រវត្តិដែលបង្ហាញពីប្លង់ និងការរចនាផ្ទះម៉ូតថ្មី បន្ទាប់ពីការជួសជុលក្នុងរយៈពេលដ៏ខ្លី។

ទន្ទឹមនឹងនេះ AGE Technologies ដោះស្រាយបញ្ហាប្រឈមនៃមរតកអចលន្យទ្រព្យ ដែលជាកត្តាសំខាន់ដែលរួមចំណែកដល់ការទុកផ្ទះចោលទទេរ។ ក្រុមហ៊ុនកំពុងរួមចំណែកដល់ការចុះបញ្ជីមរតកត្រឹមត្រូវនៃផ្ទះដែលមិនមានអ្នកកាន់កាប់ និងការគ្រប់គ្រងអចលនទ្រព្យឱ្យបានត្រឹមត្រូវដោយផ្តល់នូវដំណោះស្រាយប្រើប្រាស់គេហទំព័រតែមួយប៉ុណ្ណោះ ដែលសម្រួលដល់ដំណើរការទទួលមរតកអចលនទ្រព្យដែលមានភាពស្មុគស្មាញ។

កាលពីខែកញ្ញា ឆ្នាំ២០២៣កន្លងទៅនេះ ក្រុមហ៊ុន និងអង្គការចំនួន ១១ មកពីវិស័យអចលនទ្រព្យ ហិរញ្ញវត្ថុ បច្ចេកវិទ្យាព័ត៌មាន និងវិស័យផ្សេងទៀតបានចូលរួមកម្លាំងបង្កើតសម្ព័ន្ធដើម្បីដោះស្រាយបញ្ហាផ្ទះទំនេរទុកចោល។ តាមរយៈការផ្សព្វផ្សាយព័ត៌មាន អនុសាសន៍គោលនយោបាយ និងការផ្លាស់ប្តូរទស្សនៈ សម្ព័ន្ធនេះមានគោលបំណងពង្រឹងកិច្ចសហការរវាងសាធារណៈ និងឯកជន ដើម្បីទប់ស្កាត់ការកើនឡើងនៃផ្ទះទំនេរទុកចោល។ លោក Takashi Inoue នាយកប្រតិបត្តិនៃ LIFULL ណែនាំថា ប្រសិនបើផ្ទះទំនេរទុកចោលប្រមាណ ៥ លានក្នុងចំណោមផ្ទះទំនេរទុកចោល ៨,៥ លានត្រូវបានប្រើប្រាស់ឡើងវិញ នោះវាអាចបង្កើតទីផ្សារដែលមានតម្លៃប្រហែល ៣០ ទ្រីលានយ៉េន (ប្រហែល ២០៣ ពាន់លានដុល្លារ)។

នៅទូទាំងពិភពលោក សមាមាត្រនៃអចលនទ្រព្យជជុះនៅក្នុងទីផ្សារលំនៅដ្ឋានមានចំនួន ៨០ ភាគរយនៅសហរដ្ឋអាមេរិក និង ៨៩ ភាគរយនៅចក្រភពអង់គ្លេស។ ទោះជាយ៉ាងណាក្តី ជាមួយនឹងការកើនឡើងនៃតម្លៃអចលនទ្រព្យថ្មី នោះវានាំឲ្យមានការកើនឡើងនូវតម្រូវការសម្រាប់ផ្ទះដែលមានស្រាប់ផងដែរ។ ដូច្នោះហើយ ការប្រើប្រាស់ផ្ទះដែលបោះបង់ចោលប្រកបដោយប្រសិទ្ធភាពត្រូវបានរំពឹងថានឹងធ្វើឱ្យផ្ទះដែលមានស្រាប់មានទីផ្សារឡើងវិញ ដែលនឹងរួមចំណែកយ៉ាងសំខាន់ដល់ការអភិវឌ្ឍន៍សហគមន៍ប្រកបដោយនិរន្តរភាព និងរស់រវើក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន