សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេលប៉ុន្មានឆ្នាំចុងក្រោយនេះ ចិន បានឈរលំដាប់ទី១ ដែលបានដាក់ទុនវិនិយោគនៅក្នុងប្រទេសកម្ពុជាលើវិស័យនានា ដូចជា អចលនទ្រព្យ ឧស្សាហកម្ម ហិរញ្ញវត្ថុ និងហេដ្ឋារចនាសម្ព័ន្ធ ជាដើម ជាក់ស្ដែង ក្នុងឆ្នាំ២០២៥កន្លងទៅនេះ កម្ពុជាទទួលបានប្រភពទុនវិនិយោគពីប្រទេសចិនសរុបជាង ៦១០០លានដុល្លារអាម៉េរិក ។
យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាបានបង្ហាញថា ក្នុងឆ្នាំ២០២៥ គណៈកម្មាធិការវិនិយោគនៃក្រុមប្រឹក្សាកម្ពុជាបានចុះបញ្ជីវិនិយោគលើគម្រោងចំនួន៦៣០គម្រោងដែលមានទុនវិនិយោគចំនួន១០ពាន់លានដុល្លារអាម៉េរិក ក្នុងនោះប្រភពទុនវិនិយោគមកពីប្រទេសចិនមានចំណែកប្រមាណ ៥៤,២៥ភាគរយ ឬប្រមាណ ៥ ៤២៥លានដុល្លារអាម៉េរិក ដែលធ្វើឱ្យប្រទេសចិនឈរនៅលំដាប់កំពូលនៃការវិនិយោគនៅក្នុងប្រទេសកម្ពុជា ។
ក្រៅពីប្រភពទុនដែលវិនិយោគិនបានចុះបញ្ជីវិនិយោគនៅគណៈកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជា វិនិយោគិនក៏បានចុះបញ្ជីវិនិយោគជាមួយអនុគណៈកម្មាធិការវិនិយោគរាជធានី-ខេត្តជាមួយនឹងដើមទុនចំនួន ៨២៨លានដុល្លារអាម៉េរិក ដូច្នេះ ទឹកប្រាក់វិនិយោគសរុបមកពីប្រទេសចិនក្នុងឆ្នាំ២០២៥ មានចំនួន ៦ ១៥៣លានដុល្លារអាម៉េរិក ។
របាយការណ៍របស់គណៈកម្មាធិការវិនិយោគនៃក្រុមប្រឹក្សាកម្ពុជាបានបង្ហាញថា គម្រោងវិនិយោគរបស់ចិនដែលបានដាក់ទុនវិនិយោគនៅកម្ពុជាក្នុងឆ្នាំ២០២៥ គឺភាគច្រើនផ្ដោតលើវិស័យឧស្សាហកម្ម និងហេដ្ឋារចនាសម្ព័ន្ធ ដែលធ្វើឱ្យតម្រូវការដីធ្លីសម្រាប់បម្រើដល់ការវិនិយោគក្នុងវិស័យឧស្សាហកម្មមានកំណើនខ្ពស់ ជាពិសេសនៅបណ្ដាខេត្តជាប់រាជធានីភ្នំពេញ រួមមានកំពង់ស្ពឺ កណ្ដាល តាកែវ និងបណ្ដាខេត្តជាប់ព្រំដែនវៀតណាម រួមមានក្រចេះ ស្វាយរៀង ។
អ្នកជំនាញនៃវិស័យអចលនទ្រព្យបានមើលឃើញថា ការវិនិយោគពីប្រទេសចិនបានរួមចំណែកដល់ការអភិវឌ្ឍសេដ្ឋកិច្ចកម្ពុជា តាមរយៈប្រភពចំណូលពន្ធ ការបង្កើតការងារជូនប្រជាពលរដ្ឋ និងផ្ដល់ប្រាក់ចំណូលសម្រាប់ពលរដ្ឋ រួមចំណែកដល់ការនាំចេញទៅកាន់ទីផ្សារអន្តរជាតិ ធ្វើឱ្យកំណើននៃការនាំចេញរបស់កម្ពុជាមានសន្ទុះពីមួយឆ្នាំទៅមួយឆ្នាំ ។ បន្ថែមពីលើនេះ ការវិនិយោគនៅកម្ពុជាធ្វើឱ្យចរន្តនៃការទិញលក់ដីធ្លី ពោលគឺសកម្មភាពនៃទីផ្សារអចលនទ្រព្យមានដំណើរការមួយកម្រិតថែមទៀត ។
Account
Security
Favourite Content