សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា ពន្ធរបស់សហរដ្ឋអាម៉េរិកកំពុងមានផលប៉ះពាល់មួយចំនួនលើវិស័យបច្ចេកវិទ្យា ប៉ុន្តែតម្រូវការសម្រាប់បញ្ញាសិប្បនិមិត្ត (AI) នៅតែរឹងមាំ និងបន្តលើសពីការផ្គត់ផ្គង់។
គោលនយោបាយពាណិជ្ជកម្មរបស់ប្រធានាធិបតីសហរដ្ឋអាម៉េរិក Donald Trump បានបង្កើតភាពមិនច្បាស់លាស់ជាច្រើនសម្រាប់ឧស្សាហកម្មបន្ទះឈីបពិភពលោក ជាពិសេសក្រុមហ៊ុនផលិតឈីបរបស់តៃវ៉ាន់ TSMC ដែលជាអ្នកផលិតគ្រឿងផ្គុំឈីបដ៏ទំនើបបំផុតរបស់ពិភពលោកដល់អតិថិជន ដូចជា Apple និង Nvidia ជាដើម។ យ៉ាងណាមិញ TSMC បានលើកឡើងថា ពួកគេមិនទាន់បានឃើញការផ្លាស់ប្តូរណាមួយពីអតិថិជននៅឡើយទេ ដោយសារតែភាពមិនប្រាកដប្រជានៃពន្ធគយ ប៉ុន្តែស្ថានភាពអាចនឹងកាន់តែច្បាស់នៅក្នុងប៉ុន្មានខែខាងមុខនេះ។
កាលពីថ្ងៃអង្គារ៍ អគ្គនាយកប្រតិបត្តិ TSMC លោក C.C. Wei បាននិយាយនៅក្នុងកិច្ចប្រជុំម្ចាស់ភាគហ៊ុនប្រចាំឆ្នាំថា “ពន្ធមានផលប៉ះពាល់ខ្លះដល់ TSMC ប៉ុន្តែមិនមែនដោយផ្ទាល់ទេ ដោយសារតែពន្ធត្រូវបានដាក់លើអ្នកនាំចូល មិនមែនអ្នកនាំចេញទេ ហើយ TSMC គឺជាអ្នកនាំចេញ។ ទោះយ៉ាងណាក្តី ពន្ធអាចធ្វើឱ្យតម្លៃខ្ពស់ជាងមុនបន្តិច ហើយនៅពេលដែលតម្លៃឡើងថ្លៃ នោះតម្រូវការអាចនឹងធ្លាក់ចុះ។ ប្រសិនបើតម្រូវការធ្លាក់ចុះ អាជីវកម្មរបស់ TSMC អាចនឹងរងផលប៉ះពាល់ ប៉ុន្តែក្រុមហ៊ុនអាចធានាថា តម្រូវការ AI នៅតែមានភាពរឹងមាំខ្លាំង និងតែងតែលើសពីការផ្គត់ផ្គង់។
កាលពីខែមេសា TSMC បានព្យាករណ៍អំពីការកើនឡើងតម្រូវការដ៏រឹងមាំសម្រាប់កម្មវិធី AI ក្នុងឆ្នាំ ២០២៥។ ជាមួយនឹងសញ្ញានៃតម្រូវការខ្លាំងក្លា លោក Wei បានលើកឡើងថា ការងាររបស់ TSMC គឺផ្តល់ឱ្យអតិថិជនរបស់ខ្លួនជាមួយនឹងបន្ទះឈីបគ្រប់គ្រាន់ ហើយខ្លួនកំពុងខិតខំលើការងារនេះ ប៉ុន្តែវានៅតែមិនទាន់គ្រប់គ្រាន់នៅឡើយ។ ទន្ទឹមនឹងនេះ TSMC កំពុងវាយតម្លៃការសាងសង់រោងចក្រផលិតបន្ទះឈីបនៅក្នុងប្រទេសអារ៉ាប់រួម ដោយសារពួកគេមិនទាន់មានគម្រោងសម្រាប់រោងចក្របែបនេះនៅខាងមជ្ឈិមបូព៌ានៅឡើយទេ៕
Account
Security
Favourite Content