សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី ADP Live បានរាយការណ៍ថា ការិយាល័យគ្រប់គ្រងទ្រព្យសកម្មបរទេសរបស់សហរដ្ឋអាមេរិកបានបង្កកទ្រព្យសម្បត្តិដែលមានតម្លៃ ២៦ លានដុល្លារ និងជាកម្មសិទ្ធិរបស់ក្រុមហ៊ុនពេជ្រឥណ្ឌា។
ទន្ទឹមនឹងនេះ ហេតុផលនៅពីក្រោយការបង្កកទ្រព្យសម្បត្តិនេះគឺដោយសារទំនាក់ទំនងស្និទ្ធស្នាលរវាងពាណិជ្ជករពេជ្រឥណ្ឌាទៅកាន់ភាគីរុស្ស៊ី ដោយករណីនេះពាក់ព័ន្ធនឹងឥណ្ឌានាំចូលពេជ្ររដុប ឬ ពេជ្រមិនទាន់ច្នៃពីរុស្ស៊ី ហើយពេជ្រទាំងនោះត្រូវបានប៉ូលា និងផលិតជាផលិតផលសម្រេចក្នុងប្រទេសឥណ្ឌា។ ចាប់តាំងពីមានសង្គ្រាមរវាងរុស្ស៊ី-អ៊ុយក្រែនមក ដៃគូពាណិជ្ជកម្មជាមួយរុស្ស៊ីត្រូវបានដាក់ទណ្ឌកម្មដោយលោកខាងលិចដោយមានសហរដ្ឋអាមេរិកនាំមុខ។ ដូច្នោះហើយ ការនាំចូលទាំងនោះត្រូវបានត្រួតពិនិត្យ ហើយទំនិញដែលទទួលបានការយល់ព្រមជាផ្លូវការប៉ុណ្ណោះដែលត្រូវបានអនុញ្ញាតនាំចូល រួមទាំងការនាំចូលប្រេងឆៅផងដែរ។
បន្ទាប់ពីការស៊ើបអង្កេតរបស់ការិយាល័យគ្រប់គ្រងទ្រព្យសកម្មបរទេសរបស់សហរដ្ឋអាមេរិក USOFAC ទ្រព្យសម្បត្តិរបស់ក្រុមហ៊ុនពេជ្រឥណ្ឌាត្រូវបានបង្កក ខណៈដែលនិយតករអាមេរិកកំពុងឃ្លាំមើលយ៉ាងដិតដល់នូវករណីរំលោភបំពានលើទណ្ឌកម្មទាក់ទងនឹងពាណិជ្ជកម្មជាមួយរុស្ស៊ី។ លើសពីនេះ និយតករទាំងនេះកំពុងស៊ើបអង្កេតកិច្ចព្រមព្រៀងសកលដើម្បីរកមើលចន្លោះប្រហោង។ មិនត្រឹមតែប៉ុណ្ណោះ ចំណាត់ការនេះក៏ជាសញ្ញាព្រមានទៅកាន់អ្នកនាំចូលប្រេងឆៅពីរុស្ស៊ីផងដែរ។ ជាការឆ្លើយតបទៅនឹងបញ្ហានេះ ឥណ្ឌាបានតស៊ូមតិលើការនាំចូលទាំងនេះដោយលើកឡើងពីសន្តិសុខថាមពល។
ស្របពេលនេះដែរ ក្រុមប្រឹក្សាលើកកម្ពស់ការនាំចេញត្បូង និងគ្រឿងអលង្ការឥណ្ឌាបានស្វែងរកជំនួយពីរដ្ឋាភិបាលឥណ្ឌា ដើម្បីស្វែងរកការអន្តរាគមន៍ក្នុងបញ្ហានេះ។ លើសពីនេះ ក្រុមហ៊ុនបុត្រសម្ព័ន្ធរបស់ឥណ្ឌាដែលមានមូលដ្ឋាននៅអារ៉ាប់រួម (UAE) បានរងផលប៉ះពាល់ពីការរឹតបន្តឹងមួយនេះ ដោយសារការទូទាត់ជាប្រាក់ដុល្លារដែលធ្វើឡើងដោយក្រុមហ៊ុនទាំងនេះត្រូវបានជាប់គាំង ដោយសារការសង្ស័យទៅលើរុស្ស៊ីជាអ្នកផ្គត់ផ្គង់ពេជ្ររបស់ឥណ្ឌា៕
Account
Security
Favourite Content