សិស្សបញ្ចប់ការសិក្សាជំនាញ (TVET) តែងត្រូវបានក្រុមហ៊ុនឯកជន​ទទួលយកទៅធ្វើការទាំងអស់

ជាការពិតណាស់ ធនធានជំនាញនៅកម្ពុជាគឺនៅមានកង្វះខាតនៅឡើយ ពោលគឺធនធានដែលមាននាពេលបច្ចុប្បន្ននេះ នៅមិនទាន់ឆ្លើយតប​ជា​មួយ​នឹងតម្រូវការក្នុងទីផ្សារការងារនោះទេ។ នេះក៏មានចំណែកខ្លះមកពីទំនោររបស់សិស្សានុសិស្ស ជាពិសេសអាណាព្យាបាលសិស្សផងដែរ។

ការជ្រើសរើសជំនាញដើម្បីសិក្សាបន្ទាប់ពីបញ្ចប់ការសិក្សាបែរជាត្រូវបានគេយល់ឃើញថា មិនមែនជាជម្រើសល្អទៅវិញ។ មិនមែនជាជម្រើស​ល្អព្រោះថា ពួកគេយល់ថារៀនជំនាញមានភាពលំបាក ហើយការចេញទៅបំពេញការងារទៀតសោតក៏កាន់តែលំបាក។ ផ្ទុយពីអ្វីដែលសិស្ស និង​អាណាព្យាបាលសិស្សមើលឃើញ ទិដ្ឋភាពជាក់ស្ដែងគឺមិនដូច្នោះទេ។

លោក ធឿន គឹមលី ដែលជាគ្រូបង្រៀនជំនាញមេកានិច នៅវិទ្យាស្ថានជាតិពហុបច្ចេកទេសកម្ពុជា (NPIC) បានឱ្យដឹងថា សិស្សដែល​បញ្ចប់​ការសិក្សាផ្នែកជំនាញពីវិទ្យាស្ថាន តែងតែត្រូវបាន​ក្រុមហ៊ុនឯកជនទទួលយកទៅចូលបម្រើការងារ​អស់ៗពីវិទ្យាស្ថានតែម្ដង។

បើតាមការរៀបរាប់របស់លោក ធឿន គឹមលី បច្ចុប្បន្នវិទ្យាស្ថាននេះមានជំនាញកំពុងពេញនិយម និងទីផ្សារការងារជាច្រើន ដូចជា ផ្នែកសំណង់ ស្ថាបត្យកម្ម អគ្គិសនី និងមេកានិចរថយន្តជាដើម។ ដោយឡែកសិស្សផ្នែកមេកានិច ដែលកំពុងសិក្សាឆ្នាំទី៤ បច្ចុប្បន្ននេះគឺមានត្រឹមតែចំនួន ៥០នាក់ប៉ុណ្ណោះ ដែលចំនួននេះគឺតិចតួចណាស់បើធៀបទៅនឹងតម្រូវការពីទីផ្សារការងារ។ ជាក់ស្ដែង ក្នុងមួយឆ្នាំៗ ក្រុមហ៊ុននានាបាន​ទាក់​ទង​ទៅវិទ្យាស្ថានដោយចង់បានបុគ្គលិកជាមធ្យម ៥០០នាក់ ខណៈដែលវិទ្យាស្ថានបណ្ដុះបណ្ដាលធនធានមនុស្សបានមិនដល់ ១០០នាក់​ផង​នោះ។

លោកបានបន្តរៀបរាប់អំពីមូលហេតុដែលមិនសូវមានសិស្សរៀនជំនាញថា ៖

“ដោយសារតែវាមិនទាន់​ទូលំទូលាយនៅឡើយ វាមានកម្រិត ដោយសារតែសិស្សរបស់យើងភាគច្រើនមិនទាន់បានស្គាល់​ឡើយថាជំនាញបច្ចេកទេសទាំងនេះគឺជាអ្វី។ រាល់ថ្ងៃនេះ ជំនាញមេកានិច កំពុង​តែ​ទទួលបានការចាប់អារម្មណ៍ច្រើន ព្រោះពី១ឆ្នាំ ទៅ១ឆ្នាំ សិស្សរបស់ខ្ញុំតែងតែកើនឡើងជានិច្ច ហើយខ្ញុំសង្ឃឹមថា តាមរយៈសកម្មភាពចែក​​រំលែក​​ពីជំនាញសិក្សាជារឿយៗនឹងអាចជួយឱ្យសិស្សានុសិស្ស​យល់ដឹងពីមេកានិចច្រើន​ជាងមុន និងដឹងពីឱកាសទីផ្សារការងារនៃជំនាញ​នេះ​បាន​ច្រើនជាងមុន។”

ជាមួយគ្នានេះ ពាក់ព័ន្ធនឹងការយល់ច្រឡំមួយចំនួនចំពោះការរៀនជំនាញត្រូវបានលោក ធៀន គឹមលី បកស្រាយថា កុំថារៀន ជំនាញមេកានិច​ហើយចេញទៅអត់ដឹងធ្វើ ហើយក៏មិនមែនពេលចប់ទៅផ្សារដែកអីនោះទេ ពោលគឺអាចធ្វើការនៅក្នុងក្រុម​ហ៊ុន​ធំៗបានដូចឯងយ៉ាងដូច្នោះ ខណៈមុខជំនាញមួយនេះមិនសូវមានអ្នកចាប់អារម្មណ៍ និងមិនសូវមានអ្នកចេះច្បាស់នោះទេ។ សម្រាប់ជំនាញមេកានិចនេះផ្ទាល់ លោកបានអះអាងថាមិនសូវជាមានភាពលំបាកនោះទេ ការរៀនជំនាញនេះគឺត្រូវការតែគណិតវិទ្យា និងការ​កែច្នៃ ចំណែកឯភាសាអង់គ្លេសចេះត្រឹមល្មមៗក៏អាចចូលរៀនបានដែរ។ មិនត្រឹមតែប៉ុណ្ណោះ សម្រាប់សិស្សានុសិស្សដែលប្រឡងធ្លាក់ទី១២ ក៏អាចចូលរៀនជំនាញនេះបាន​ដែរ ដោយសិស្សទាំងអស់នឹងត្រូវចំណាយពេល ២ឆ្នាំផ្ដោតលើការអនុវត្ត ហើយរៀនទ្រឹស្ដីតិចតួច​បំផុត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ