ធនាគារពិភពលោកផ្តល់ហិរញ្ញប្បទាន ១១០ លានដុល្លារកែលម្អផ្លូវជាតិលេខ៤

ភ្នំពេញ ៖ ក្រោមហិរញ្ញប្បទាន ១១០លានដុល្លារពីធនាគារពិភពលោក ក្រសួងសាធារណការ និងដឹកជញ្ជូន បានចាប់ផ្តើមសាងសង់ និងកែលម្អផ្លូវជាតិលេខ៤ (NR4) ក្នុងគោលបំណងឆ្លើយតបទៅនឹងកំណើនចរាចរណ៍នាពេលបច្ចុប្បន្ន និងជួយសម្រួលដល់វិស័យដឹកជញ្ជូនធុនធ្ងន់។

សេចក្តីប្រកាសព័ត៌មានរបស់ក្រសួងសាធារណការ និងដឹកជញ្ជូន កាលពីថ្ងៃចន្ទម្សិលមិញនេះបានឱ្យដឹងថា ការសាងសង់ និងកែលម្អផ្លូវជាតិលេខ ៤ ចាប់ផ្តើមពីឃុំបែកចាន ស្រុកអង្គស្នួល ខេត្តកណ្តាល ដល់ឃុំបិតត្រាំង ស្រុកព្រៃនប់ ខេត្តព្រះសីហនុ ដោយគម្រោងនេះបានចាប់ផ្តើមជាផ្លូវការនៅខែធ្នូ ឆ្នាំ២០២១ ហើយគ្រោងនឹងបញ្ចប់នៅខែធ្នូ ឆ្នាំ២០២៦។

ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានបញ្ជាក់ថា ផ្លូវជាតិលេខ៤ពីភ្នំពេញទៅខេត្តព្រះសីហនុ ដែលស្តារ និងស្ថាបនាឡើងវិញ គឺដើម្បីធ្វើយ៉ាងណាពង្រីកផ្លូវកៅស៊ូមួយនេះឱ្យក្លាយជាផ្លូវដែលមានភាពងាយស្រួលទាំងការដឹកជញ្ជូន និងការធ្វើដំណើររបស់សាធារណជន ខណៈដែលរាជរដ្ឋាភិបាលកម្ពុជាកំណត់យកខេត្តមួយនេះជាប៉ូលទី២ នៃច្រកសេដ្ឋកិច្ចប្រទេសកម្ពុជា ទំាងវិស័យទេសចរណ៍ និងការវិនិយោគ។

ឯកឧត្តមទេសរដ្ឋមន្ត្រី ស៊ុន ចាន់ថុល បានមានប្រសាសន៍ថា ៖

“ផ្លូវជាតិលេខ៤ ពីភ្នំពេញទៅខេត្តព្រះសីហនុ ដែលជាជំនួយរបស់សហរដ្ឋអាមេរិកពីមុនមកនោះ នឹងត្រូវពង្រីកឱ្យធំជាងពេលបច្ចុប្បន្ន ដោយគ្រោងចំណាយថវិកាប្រមាណជាង១១០លានដុល្លារអាមេរិក ជាកម្ចីហិរញ្ញប្បទានរបស់ធនាគារពិភពលោក”

យោងតាមក្រសួងសាធារណការ និងដឹកជញ្ជូន បានបញ្ជាក់ថា ការសាងសង់ និងកែលម្អផ្លូវជាតិលេខ៤ រួមមានការពង្រីកផ្លូវបច្ចុប្បន្នពី ៧ ទៅ ១១ ម៉ែត្រ ការកែលម្អស្ពានបេតុង និងលូបង្ហូរទឹកចំនួន ៤៦ កន្លែង និងការសាងសង់ស្ពានថ្មីចំនួន ៨ ដើម្បីធានាចរាចរណ៍ និងទប់ទល់នឹងទឹកជំនន់ផ្លូវជាតិលេខ៤ មានប្រវែងជាង ២៣០គីឡូម៉ែត្រ តភ្ជាប់ពីរាជធានី ទៅកំពង់ផែទឹកជ្រៅក្នុងខេត្តព្រះសីហនុ។ ផ្លូវនេះត្រូវបានសាងសង់ក្នុងអំឡុងទសវត្សរ៍ឆ្នាំ១៩៥០ ជាមរតកនៃទំនាក់ទំនងរវាងប្រទេសកម្ពុជា និងសហរដ្ឋអាមេរិក។

ផ្លូវជាតិលេខ៤ តភ្ជាប់ពីភ្នំពេញ ឆ្ពោះទៅក្រុងព្រះសីហនុ និងមានប្រវែង ២៣២គីឡូម៉ែត្រ ត្រូវបានធនាគារពិភពលោកអនុម័តហិរញ្ញប្បទានចំនួន ១១០លានដុល្លារអារមេរិក សម្រាប់ប្រើប្រាស់លើការបង្កើនគុណភាពបណ្តោយផ្លូវឱ្យល្អជាងមុន និងការរៀបចំកែលម្អចិញ្ចើមសងខាងផ្លូវដាក់លូបង្ហូរទឹក និងធ្វើស្ពានឱ្យមានភាពធន់ទៅនឹងអាកាសធាតុ។ គម្រោងផ្លូវនេះ ក៏នឹងផ្តោតផងដែរទៅលើការបង្កើនគុណភាពស្ថានីយថ្លឹងទម្ងន់រថយន្តធំ ដែលមានស្រាប់ កាត់បន្ថយហានិភ័យនៃការដឹកលើសទម្ងន់ ការដំឡើងសញ្ញាតំបន់ល្បឿនមានកម្រិត សញ្ញានាំផ្លូវ ប្រព័ន្ធភ្លើងបំភ្លឺប្រើថាមពលពន្លឺព្រះអាទិត្យ និងកាមេរ៉ាចាប់ល្បឿនបើកបរ។ សូមបញ្ជាក់ថា ផ្លូវជាតិលេខ ៤ ត្រូវបានចាត់ទុកថា ជាផ្លូវយុទ្ធសាស្រ្តសេដ្ឋកិច្ចសម្រាប់ការដឹកជញ្ជូនទំនិញគ្រប់ប្រភេទទាំងការនាំចេញ និងនាំចូលកំពង់ផែក្រុងព្រះសីហនុ ព្រលានយន្តហោះអន្តរជាតិភ្នំពេញ និងរាជធានីភ្នំពេញ ក៏ដូចជាការចរាចរណ៍គ្រប់ប្រភេទនៃរថយន្ត និងអ្នកដំណើរ។ ផ្លូវជាតិលេខ ៤នេះ ជាផ្លូវអាស៊ានដ៏សំខាន់ក្នុងចំណោមផ្លូវហាយវ៉េសំខាន់ៗរបស់ប្រទេសកម្ពុជា៕

លោក កែ ផុស | Mr. Ker Phors

ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

ទំនាក់ទំនងភ្ជាប់សេវាកម្ម៖

093 222 034 ឬ 088 222 0765

www.neocomisp.com NeocomISP Limited

ទំនាក់ទំនងលេខទូរសព្ទ៖

023 22 02 02 ឬ 1800 200 200

ការប្រាក់ត្រឹមតែ

សម្រាប់ឆ្នាំទី១

ទំហំកម្ចីជាង២០.០០០ដុល្លារ

របាយការណ៍ថ្មីៗ

មើលទាំងអស់ ➧

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

អាជីវកម្មថ្មី ប្លែក យកក្រដាសលុយរៀលច្នៃជាបាច់ផ្កាគួរឱ្យទាក់ទាញ កំពុងទទួលបានការគាំទ្រខ្លាំង

ជំនួញ, បទយកការណ៍

• 20/10/2023

បាច់ផ្កា ជាវត្ថុអនុស្សាវរីយ៍ដែលគេនិយមទិញជូនគ្នានៅពេលមានកម្មវិធីអបអរ ឬក្នុងឱកាសពិសេសណាមួយ ដែលគេអាចប្រើបានទាំងបាច់ផ្កាធ្វើពីផ្កាស្រស់ ផ្កាជ័រ ឬច្នៃទៅតាមតម្រូវការរបស់អតិថិជន....

សិប្បកម្មកែច្នៃត្រីបឹងរំពេរ មានសមត្ថភាពកែច្នៃត្រីគ្រប់ប្រភេទ និងកំពុងជំរុញផលិតផលចូលទីផ្សារឱ្យបានច្រើន

ជំនួញ, បទយកការណ៍

• 15/09/2023

កំពង់ធំ ៖ សិប្បកម្មស្ត្រីកែច្នៃត្រីបឹងរំពេរ គឺជាសិប្បកម្មកែច្នៃត្រីមួយកន្លែងស្ថិតនៅភូមិចំបក់ ឃុំតាំងក្រសាំង ស្រុកសន្ទុក ខេត្តកំពង់ធំ បានប្រកាសថាខ្លួនមានសមត្ថភាពផលិតត្រីប្រកបដោយគុណភាព.....

ក្រូចឆ្មារសហគមន៍ពោធិ៍សាត់ កំពុងមានតម្រូវការខ្ពស់តាមរយៈការលក់របស់សហគមន៍

ជំនួញ, បទយកការណ៍

• 27/01/2023

ក្រូចឆ្មារ មានតម្រូវការទីផ្សារខ្ពស់ ទើបសហគមន៍មួយនៅខេត្តពោធិ៍សាត់បានប្រមូលផ្ដុំគ្នាដាំ និងចែកចាយក្រូចឆ្មារទៅកាន់អតិថិជនទូទាំងប្រទេស.....

អាជីវកម្មកំប៉ុសគោក ចំណេញទាំងបរិស្ថាន ល្អទាំងដំណាំ ថែមទាំងលើកស្ទួយជីវភាពប្រជាជនក្នុងសហគមន៍

ជំនួញ, បទយកការណ៍

• 25/01/2023

សហគមន៍មួយបានប្រមូលផ្ដុំគ្នាផលិតជីកំប៉ុសលក់ ក្នុងគោលបំណងកាត់បន្ថយកាកសំណល់ ច្នៃធ្វើជាជី និងអាចរកចំណូលបន្ថែមសម្រាប់សេដ្ឋកិច្ចគ្រួសារ.....

មុខរបរដាំត្រកួនលក្ខណៈគ្រួសារ ងាយស្រួល និងអាចដាំបានខួបប្រាំងខួបវស្សា

ជំនួញ, បទយកការណ៍

• 23/11/2022

ត្រកួន ជាដំណាំម្យ៉ាងដែលបងប្អូនយើងចូលចិត្តដាំ ដោយសារតែវាងាយស្រួលដាំ ងាយថែទាំ ឆាប់បានផល ពិសេសគឺជាអាហារដ៏មានប្រយោជន៍សម្រាប់សុខភាព ថែមទាំងមានទីផ្សារគួរសមផងដែរ

តើអាជីវកម្មទាំង ៥ ប្រភេទនេះ អាចនឹងមានទីផ្សារខ្លាំងទៀតទេ ក្រោយពេលកូវីដ១៩ ត្រូវបានបញ្ចប់?

បទយកការណ៍, អាជីវកម្មថ្មី និងនវានុវត្ត

• 14/10/2021

អាជីវកម្ម ៖ មកដល់ពេលនេះ អ្នកដឹកនាំអាជីវកម្មព្រមទាំងសហគ្រិនថ្មីៗភាគច្រើនកំពុងស្វែងរកយុទ្ធសាស្ត្រទប់ទល់នឹងការខាតបង់....

ព័ត៌មានទូទៅ

មើលទាំងអស់ ➧

សេដ្ឋវិទូ ៖ សេដ្ឋកិច្ចថៃនឹងប្រឈមសម្ពាធកាន់តែធ្ងន់ជាមួយការរក្សាអត្រាពន្ធគយ ៣៦% ពីសហរដ្ឋអាម៉េរិក ខណៈដែលវៀតណាម នៅត្រឹម ២០% ប៉ុណ្ណោះ

ព្រឹត្តិការណ៍, សេដ្ឋកិច្ច

• 08/07/2025

ប្រធានាធិបតីសហរដ្ឋអាម៉េរិក Donald Trump រក្សាអត្រាពន្ធ ៣៦% មិនផ្លាស់ប្តូរលើការនាំចូលពីប្រទេសថៃ ដែលជំរុញឱ្យប្រទេសប្រឈមនឹងភាពតានតឹងសម្រាប់ការចរចាមុនកាលកំណត់ថ្ងៃទី១ ខែសីហាខាងមុខនេះ

រាជរដ្ឋាភិបាល កំពុងពិនិត្យទីតាំងគម្រោងវិនិយោគចំនួន ៣១ ដែលធុរជនកំពុងស្នើសុំការលើកទឹកចិត្តពិសេស

ព្រឹត្តិការណ៍, អចលនទ្រព្យ

• 08/07/2025

ថ្មីៗនេះ គម្រោងវិនិយោគចំនួន ៣៥បន្ថែមទៀត ក្រោមទុនវិនិយោគសរុបចំនួន ៣២៧ លានដុល្លារ ដែលអាចបង្កើតការងារប្រមាណ ៣ ៣៦៣ កន្លែង ត្រូវបានទទួលការលើកទឹកចិត្តពិសេស និងជួយសម្របសម្រួលនីតិវិធីពីសំណាក់រាជរដ្ឋាភិបាលកម្ពុជា។

ជប៉ុន ប្រគល់នាវាចម្បាំងខ្នាតមធ្យម (Destroyers) ប្រើប្រាស់រួចជាច្រើនគ្រឿងឲ្យហ្វីលីពីន ដើម្បីដំឡើងអំណាចយោធាជើងទឹក

ព្រឹត្តិការណ៍, អាជីវកម្មថ្មី និងនវានុវត្ត

• 08/07/2025

នៅសប្តាហ៍នេះបានរាយការណ៍ថា រដ្ឋាភិបាលនៃប្រទេសជប៉ុននឹងធ្វើការប្រគល់នាវាចម្បាំងខ្នាតមធ្យមប្រភេទ destroyers ជាច្រើនគ្រឿងទៅឲ្យសម្ព័ន្ធមិត្តរបស់ខ្លួននៅក្នុងតំបន់អាស៊ាន គឺ ប្រទេសហ្វីលីពីន

ឈប់បារម្ភ ! បាត់ប្លង់ដី អាចធ្វើថ្មីបាន គ្រាន់តែស្វែងយល់ពីនីតិវិធីក្នុងការដាក់ពាក្យស្នើសុំធ្វើប្លង់រឹងឡើងវិញតែប៉ុណ្ណោះ

ព្រឹត្តិការណ៍, អចលនទ្រព្យ

• 08/07/2025

ក្នុងករណីបាត់ប្លង់ដីដោយប្រការណាមួយ ដូចជា ករណីអគ្គីភ័យ ឬច្រលំដៃបាត់ដោយជាយថាហេតុ ម្ចាស់កម្មសិទ្ធិក៏អាចដាក់ពាក្យស្នើសុំធ្វើប្លង់ដីនោះឡើងវិញបានដែរ តែក្នុងប្លង់ដីថ្មីនោះ ត្រូវបញ្ជាក់ថា «ទុតិយតា»

កម្ពុជា អនុម័តគម្រោងវិនិយោគវិស័យថាមពលអគ្គិសនីថ្មីចំនួន ៧គម្រោង មានទំហំទឹកប្រាក់ជិត ១,២ពាន់លានដុល្លារ

ព្រឹត្តិការណ៍, សេដ្ឋកិច្ច

• 08/07/2025

ក្នុងរយៈពេល៦ខែ ឆ្នាំ២០២៥កន្លងទៅនេះ កម្ពុជាបានអនុម័តគម្រោងវិនិយោគលើវិស័យថាមពលអគ្គិសនី ចំនួន៧គម្រោង និងមានទឹកប្រាក់សរុបជិត ១,២ពាន់លានដុល្លារអាម៉េរិក

ធនាគារពិភពលោក ប្តេជ្ញាផ្តល់ការគាំទ្ររយៈពេលវែងសម្រាប់វិស័យទឹកស្អាតនៅកម្ពុជា

ព្រឹត្តិការណ៍, សេដ្ឋកិច្ច

• 08/07/2025

ធនាគារពិភពលោក (World Bank) បានប្តេជ្ញាផ្តល់ការគាំទ្ររយៈពេលវែងសម្រាប់អភិវឌ្ឍន៍វិស័យទឹកស្អាតនៅព្រះរាជាណាចក្រកម្ពុជា

សមាគមកាហ្វេកម្ពុជា ប្ដេជ្ញាក្នុងការបង្កើនការផលិត ដើម្បីផ្គត់ផ្គង់ទីផ្សារក្នុងស្រុក និងអាចឈានដល់ការនាំចេញ

ព្រឹត្តិការណ៍, អត្ថបទពាណិជ្ជកម្ម

• 08/07/2025

សមាគមកាហ្វេកម្ពុជាដែលទើបបង្កើតឡើងកាលពីថ្ងៃទី១៩ ខែមិថុនា ឆ្នាំ២០២៥ បានប្ដេជ្ញាក្នុងការបង្កើនការផលិតកាហ្វេដើម្បីផ្គត់ផ្គង់ទីផ្សារក្នុងស្រុក ខណៈបច្ចុប្បន្នការនាំចូលកាហ្វេពីខាងក្រៅប្រទេសមកផ្គត់ផ្គង់ក្នុងស្រុកមានរហូតដល់៩៥ភាគរយឯណោះ

ពន្ធលើទំនិញកម្ពុជាធ្លាក់មកត្រឹម ៣៦% ខណៈជប៉ុន ដែលជាសម្ព័ន្ធមិត្តអាម៉េរិក កើនឡើង ១%វិញ

ព្រឹត្តិការណ៍, សេដ្ឋកិច្ច

• 08/07/2025

ប្រទេសជប៉ុន និងកូរ៉េខាងត្បូង ដែលជាសម្ព័ន្ធមិត្តចាក់ទឹកមិនលិចរបស់សហរដ្ឋអាម៉េរិក បែរជាមិនទទួលបានលទ្ធផលល្អពីការចរចានោះទេ ផ្ទុយទៅវិញត្រូវបានដំឡើងអត្រាពន្ធគយបន្ថែមទៀត

ហេតុផលនៅពីក្រោយការសម្រេចចិត្តរបស់អាម៉េរិក លើការទម្លាក់ពន្ធគយទំនិញនាំចូលពីវៀតណាមត្រឹម ២០%

ព្រឹត្តិការណ៍, សេដ្ឋកិច្ច

• 08/07/2025

ប្រធានាធិបតីសហរដ្ឋអាម៉េរិក Donald Trump នឹងបន្ទាបពន្ធគយលើការនាំចូលទំនិញភាគច្រើនរបស់វៀតណាមតាមការសន្យាត្រឹមអត្រា ២០ភាគរយប៉ុណ្ណោះ ដែលជាចំនួនទាបជាងបណ្តាប្រទេសនានាក្នុងតំបន់អាស៊ី

សមាគមមីក្រូហិរញ្ញវត្ថុកម្ពុជា ពង្រឹងកិច្ចការពារអតិថិជនក្រោមកិច្ចសហការជាមួយដៃគូអភិវឌ្ឍន៍ជាតិ និងអន្តរជាតិ

ព្រឹត្តិការណ៍, ហិរញ្ញវត្ថុ

• 07/07/2025

សមាគមមីក្រូហិរញ្ញវត្ថុកម្ពុជា (CMA) នារសៀលថ្ងៃទី៧ ខែកក្កដា ឆ្នាំ២០២៥នេះ បានបញ្ជាក់ជាថ្មីនូវការប្តេជ្ញាចិត្តរយៈពេលយូរអង្វែងរបស់ខ្លួនក្នុងកិច្ចការពារអតិថិជននៅទូទាំងប្រទេសតាមរយៈការពង្រឹងប្រព័ន្ធនានារបស់ខ្លួន ស្តង់ដាររបស់ស្ថាប័ន ព្រមទាំងការអនុវត្តការដែលពង្រឹងភាពស្មើភាព តម្លាភាព និងការគោរពអតិថិជនទាំងអស់