សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា វៀតណាម បានបិទអាកាសយានដ្ឋាន សាលារៀន និងចាប់ផ្តើមការជម្លៀសពលរដ្ឋជាច្រើន ខណៈដែលនឹងជួបព្យុះដ៏ខ្លាំងបំផុតនៅឆ្នាំនេះ។
ទីភ្នាក់ងារអាកាសធាតុរបស់វៀតណាម បានលើកឡើងថា ព្យុះទីហ្វុង Kajiki មានល្បឿនដល់ទៅ ១៦៦ គីឡូម៉ែត្រក្នុងមួយម៉ោង ខណៈដែលវានឹងសំដៅមកឆ្នេរសមុទ្រភាគកណ្តាលរបស់ប្រទេស ហើយត្រូវបានគេព្យាករណ៍ថាល្បឿននឹងកាន់តែខ្លាំងមុនពេលបោកបក់នៅរសៀលថ្ងៃចន្ទ ទី២៥ ខែសីហា នេះ។ ព្យុះនេះមានចម្ងាយ ១៥០ គីឡូម៉ែត្រពីឆ្នេរសមុទ្រកណ្តាល ហើយវានឹងវាយប្រហារតំបន់មួយរវាងខេត្ត Thanh Hoa និង Nghe An។ Kajiki ឆ្លងកាត់តាមឆ្នេរសមុទ្រភាគខាងត្បូងនៃកោះ Hainan របស់ប្រទេសចិន ដោយបង្ខំឱ្យទីក្រុង Sanya បិទអាជីវកម្មជាច្រើន ហើយវានឹងព្យុះនេះសំដៅមកកាន់ប្រទេសវៀតណាម។ ជាមួយនឹងឆ្នេរសមុទ្រដ៏វែងជាប់ជាមួយនឹងសមុទ្រចិនខាងត្បូង វៀតណាមងាយនឹងទទួលរងនូវព្យុះកាចសាហាវដែលអាចឆក់យកអាយុជីវិត និងបង្កជាគ្រោះទឹកជំនន់ និងការរអិលបាក់ដី។
កាលពីថ្ងៃអាទិត្យ មនុស្សជាងកន្លះលាននាក់ត្រូវបានជម្លៀសចេញ ហើយអាកាសយានដ្ឋានចំនួនពីរនៅក្នុងខេត្ត Thanh Hoa និងខេត្ត Quang Binh ត្រូវបានបិទ។ លើសពីនេះ ក្រុមហ៊ុនអាកាសចរណ៍ Vietnam Airlines និងក្រុមហ៊ុន Vietjet បានលុបចោលជើងហោះហើរទៅមកនៅតំបន់នោះ។កាលពីយប់ថ្ងៃអាទិត្យ រដ្ឋាភិបាលវៀតណាមបាននិយាយនៅក្នុងសេចក្តីថ្លែងការណ៍មួយថា នេះគឺជាព្យុះដ៏គ្រោះថ្នាក់បំផុត ដោយព្រមានថា Kajiki នឹងនាំមកនូវភ្លៀងធ្លាក់ខ្លាំង ទឹកជំនន់ និងការបាក់ដី។ គេព្យាករណ៍ថា Kajiki នឹងមានកម្លាំងខ្លាំងដូចព្យុះទីហ្វុង Yagi ដែលបានវាយប្រហារប្រទេសនេះកាលពីខែកញ្ញា និង សម្លាប់មនុស្សប្រហែល ៣០០ នាក់ ជាមួយនឹងការឱ្យខូចខាតទ្រព្យសម្បត្តិចំនួន ៣,៣ ពាន់លានដុល្លារអាមេរិក៕
Account
Security
Favourite Content