សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាការពិតណាស់ មនុស្សជាច្រើនសុទ្ធតែបានដឹងរួចមកហើយថា ធនាគារ និងគ្រឹះស្ថានមីក្រូហិរញ្ញវត្ថុស្របច្បាប់គឺជាប្រភពទុនសម្រាប់ប្រជាពលរដ្ឋយកទៅប្រើប្រាស់ដើម្បីបង្កើត ឬពង្រីកអាជីវកម្មបានយ៉ាងប្រសើរ។ ប៉ុន្តែសម្រាប់អ្នកដែលប្រើប្រាស់កម្ចីពីធនាគារ និងគ្រឹះស្ថានមីក្រូហិរញ្ញវត្ថុ ហើយគេចវេសមិនសងត្រឡប់ អាចនឹងជួបផលលំបាកក្នុងការស្វែងរកកម្ចីនាពេលក្រោយ។
នៅពេលដែលអតិថិជនយកកម្ចីមកប្រើប្រាស់ ហើយគេចវេសមិនព្រមសងវិលត្រឡប់ តើនឹងមានអ្វីកើតឡើងខ្លះចំពោះអ្នកខ្ចី ?
ក្នុងករណីដែលអតិថិជនប្រើកម្ចី ហើយមិនសងវិលត្រឡប់វិញអាចនឹងជួបផលលំបាក និងភាពអវិជ្ជមានដូចខាងក្រោម ៖
១.អ្នកខ្ចីនឹងជាប់បញ្ជីខ្មៅ (ខូចប្រវត្តិឥណទានរបស់ខ្លួន)
២. នៅពេលខូចប្រវត្តិឥណទាន អ្នកខ្ចីពិបាកទទួលបានកម្ចីផ្លូវការនៅពេលគាត់ដាក់ពាក្យស្នើសុំទៅកាន់គ្រឹះស្ថានធនាគារ ឬមីក្រូហិរញ្ញវត្ថុណាមួយសាជាថ្មី
៣. ក្នុងករណីប្រវត្តិឥណទានខូចខ្លាំង អាចនឹងលែងមានលទ្ធភាពទទួលបានកម្ចីតែម្តង
៤. តាមច្បាប់ព្រះរាជាណាចក្រកម្ពុជា គ្រឹះស្ថានធនាគារ និងហិរញ្ញវត្ថុ មិនអាចរឹបអូសទ្រព្យធានារបស់អតិថិជនដោយមិនឆ្លងកាត់និតិវីធីតុលាការឡើយ។ ដរាបណាអតិថិជនមានភាពស្មោះត្រង់ និងឆន្ទៈក្នុងការសងត្រឡប់ គ្រឹះស្ថាននឹងមិនងាយប្តឹងអតិថិជនរបស់ខ្លួនឡើងតុលាការឡើយ។
ដូច្នេះហើយ ចូរប្រើប្រាស់កម្ចីឱ្យចំគោលដៅ និងមានផែនការហិរញ្ញវត្ថុច្បាស់លាស់ ដែលវាអាចជួយឱ្យយើងមានជីវភាពប្រសើរឡើងជាងមុន។ ធនាគារ និងគ្រឹះស្ថានមីក្រូហិរញ្ញវត្ថុ តែងតែរង់ចាំក្នុងការផ្តល់សេវាហិរញ្ញវត្ថុជានិច្ច ហើយបានពង្រីកសាខាជាច្រើននៅទូទាំងប្រទេស និងបង្កភាពងាយស្រួលសម្រាប់អតិថិជនក្នុងការទទួលបានកម្ចីលឿន រហ័ស និងប្រកបដោយបរិយាបន្ន៕ ប្រភព ៖ សមាគមមីក្រូហិរញ្ញវត្ថុ
Account
Security
Favourite Content