សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជាទូទៅ ការផ្ដល់កម្ចី គឺមិនចេះតែឱ្យទៅគ្រប់អតិថិជននោះទេ ស្ថាប័នផ្ដល់កម្ចីផ្លូវការដែលរួមមានធនាគារ និងមីក្រូហិរញ្ញវត្ថុ មានគោលការណ៍ក្នុងការវាយតម្លៃអតិថិជនមុននឹងសម្រេចបញ្ចេញកម្ចីឥណទានណាមួយ។ ការវាយតម្លៃនេះធ្វើឡើងដើម្បីធានានូវលទ្ធភាពក្នុងការសងត្រឡប់មកវិញរបស់អតិថិជន ជាពិសេសធានាថាអតិថិជននោះយកកម្ចីទៅប្រើប្រាស់ត្រូវគោលដៅ។
លោក លី ប៊ុនរឹទ្ធិ នាយកប្រតិបត្តិប្រតិបត្តិការនៃគ្រឹះស្ថានមីក្រូហិរញ្ញវត្ថុចម្រើន បានពន្យល់បន្ថែមនូវចំណុចនេះថា ទាក់ទងនឹងការផ្ដល់កម្ចីទៅដល់អតិថិជន ជាទូទៅគេនិយាយអំពីគោលការណ៍ 5C ។
អ្នកជំនាញរូបនេះបន្តរៀបរាប់ទៀតថា៖
«គោលការណ៍នេះ អាចឱ្យយើងមើលពីអត្តចរឹករបស់អ្នកខ្ចី លទ្ធភាពសងរបស់គាត់ ប្រាក់ដើមទុនរបស់គាត់ដែលគាត់ត្រូវប្រើប្រាស់កម្ចី ស្ថានភាពអាជីវកម្ម ក្រុមគ្រួសារ លក្ខខណ្ឌឥណទាន និងចុងក្រោយគឺទ្រព្យធានា»។
ទោះជាយ៉ាងណា លោកបានគូសបញ្ជាក់ថា នៅក្នុងវិស័យមីក្រូហិរញ្ញវត្ថុ និងធនាគារ មិនមែនសុទ្ធតែត្រូវការទ្រព្យធានាគ្រប់ឥណទាននោះទេ។ មានឥណទានប្រភេទខ្លះមិនទាមទារឱ្យអតិថិជនមានទ្រព្យធានាទេ។ ជាក់ស្ដែង បច្ចុប្បន្ននេះ អតិថិជនអាចស្នើសុំកម្ចីចន្លោះពី ៤លានរៀល ទៅ៦លានរៀល ដោយមិនដាក់ទ្រព្យធានាទេ។
ចំពោះព័ត៌មានផ្សេងៗដែលមន្ត្រីឥណទានតែងតែសួរនាំទៅកាន់អតិថិជនមុនពេលផ្ដល់កម្ចីវិញ អ្នកជំនាញរូបនេះបានឱ្យដឹងដែរថា សំណួរទាំងនោះជាការវាយតម្លៃ និងធ្វើឱ្យប្រាកដចិត្តថា ស្ថាប័នផ្ដល់កម្ចីពិតជាផ្ដល់ឥណទានត្រូវគោលដៅពិតមែន ពោលគឺអតិថិជនរូបនោះពិតជាត្រូវការកម្ចីដើម្បីប្រើប្រាស់ក្នុងគោលបំណងត្រឹមត្រូវ។
គួររំលឹកថា កន្លងមកគ្រឹះស្ថានផ្ដល់កម្ចីក៏ធ្លាប់ជួបនូវបញ្ហាផងដែរ ដោយអតិថិជនមានការត្អូញត្អែរអំពីការសួរនាំច្រើនពេករបស់គ្រឹះស្ថានមីក្រូហិរញ្ញវត្ថុ និងធនាគារ។
ត្រង់ចំណុចនេះ លោកបានគូសបញ្ជាក់ផងដែរថា៖
«ពេលខ្លះអតិថិជនគាត់រអ៊ូថាហេតុអ្វីយើងប្រមូលព័ត៌មានច្រើនម្ល៉េះ ទាំងដែលការធ្វើបែបនេះគឺដើម្បី ធានាថាការផ្ដល់ឥណទាននោះត្រូវ ហើយគាត់មានលទ្ធភាពសងត្រលប់មកវិញ»៕
Account
Security
Favourite Content