កម្ពុជា មានសមត្ថភាពផលិត និងផ្គត់ផ្គង់ទីផ្សារក្នុងស្រុកផ្នែកឧស្សាហកម្មកែច្នៃធន់ស្រាល​ ខណៈផលិតផលផ្នែកឧស្សាហកម្មកម្រិតខ្ពស់នៅទន់ខ្សោយ

ភ្នំពេញ ៖ ផ្អែកតាមតថភាពសេដ្ឋកិច្ចនាពេលបច្ចុប្បន្ន ទំនិញ និងផលិតផលក្នុងស្រុកនៅមិនទាន់អាចផ្គត់ផ្គង់តម្រូវការបានទាំងស្រុងនោះទេ ពោលគឺអាចបំពេញបានល្អត្រឹមតែវិស័យស្បៀងអាហារ និងកសិផលមូលដ្ឋាន ដូចជា អង្ករ បន្លែ ផ្លែឈើ សាច់ និងត្រី ប៉ុន្តែសម្រាប់ផលិតផលផ្នែកឧស្សាហកម្មកែច្នៃកម្រិតខ្ពស់ និងទំនិញបច្ចេកវិទ្យាដូចជាឱសថ គ្រឿងសម្អាង សារធាតុគីមីសម្រាប់កែច្នៃអាហារ និងគ្រឿងចក្រជាដើម នៅមិនទាន់អាចផលិតដោយខ្លួនឯងបានឡើយ ។

តើកម្ពុជានៅខ្វះខាតអ្វីទៀត ដែលត្រូវនាំចូលពីក្រៅប្រទេសដើម្បីបំពេញតម្រូវការ ?

ឯកឧត្តម ប៉ែន សុវិជាតិ អ្នកនាំពាក្យក្រសួងពាណិជ្ជកម្ម បានលើកឡើងថា ក្រោយកម្ពុជាកាត់បន្ថយការនាំចូលទំនិញពីថៃ បច្ចុប្បន្នកម្ពុជាប្រើប្រាស់ផលិតផលក្នុងស្រុក ហើយមួយចំនួនទៀតនាំចូលពីវៀតណាម ម៉ាឡេស៊ី ឥណ្ឌូនេស៊ី ចិន សិង្ហបុរី និងប្រទេសមួយចំនួនទៀត។

ឯកឧត្តមរដ្ឋលេខាធិការ បានបញ្ជាក់ឱ្យដឹងថា៖

«ក្រោយមានបញ្ហាព្រំដែនរវាងប្រទេសទាំងពីរ កម្ពុជាបន្តនាំចូលទំនិញមួយចំនួនពីប្រទេសថៃ ប៉ុន្តែចំពោះតែទំនិញណាដែលចាំបាច់បំផុត និងជាតម្រូវការសម្រាប់ខ្សែច្រវាក់ផលិតកម្មក្នុងវិស័យឧស្សាហកម្មប៉ុណ្ណោះ ដូចជាគ្រឿងបង្គុំអេឡិចត្រូនិក គ្រឿងបង្គុំរថយន្ត សម្រាប់ដំណើរការផ្គុំ និងដំឡើងរថយន្តនៅកម្ពុជា។ ចំណែកផលិតផលប្រើប្រាស់ ឬចំណីអាហារ បន្លែ ផ្លែឈើ សាច់ ប្រេងឥន្ធនៈ​ ដែលធ្លាប់នាំចូលពីថៃនាពេលកន្លងមកនោះ កម្ពុជាបានបិទការនាំចូលចាប់តាំងពីប្រទេសថៃបានបិទច្រកព្រំដែនដោយឯកតោភាគីមកម្ល៉េះ» ។


ឧកញ៉ា តែ តាំងប៉ ប្រធាន​សម្ព័ន្ធ​សមាគម​សហគ្រាស​ធុន​តូច​ និង​មធ្យម (FASMEC) បានប្រាប់ AMS Economy ថា ក្រោយពីថៃបិទព្រំដែនឯកតោភាគីមក បណ្តាសហគ្រាសក្នុងស្រុកខិតខំផលិតកែច្នៃផលិតផលដើម្បីបំពេញតម្រុវការទីផ្សារ ដោយគ្រាមុនប្រមាណ ២-៣ភាគរយប៉ុណ្ណោះ ប៉ុន្តែបច្ចុប្បន្នបានកើនឡើងរហូតដល់ជាង៣០ភាគរយ។ បន្ថែមពីនេះ ក្រៅពីផលិតខ្លួនឯង ដើម្បីផ្គត់ផ្គង់ទីផ្សារ និងជំនួសផលិតផលថៃ កម្ពុជាបានទិញទំនិញពីចិនយកមកប្រើប្រាស់បណ្តោះអាសន្ន ខណៈដែលចំនួនរោងចក្រ សហគ្រា និងសិប្បកម្មមានការកើនឡើងគួរឱ្យកត់សម្គាល់។

លោកឧកញ៉ា បានលើកឡើងទៀតថា៖

«ភ្លាមៗស្រាប់តែបិទព្រំដែន យើងមិនបានត្រៀមខ្លួន មិនទាន់ត្រៀមលក្ខណៈជាមុន តែបច្ចុប្បន្ននេះ យើងត្រៀមលក្ខណៈហើយ ។ សិប្បកម្មយើងចេញផលិតផលច្រើនណាស់ ហើយនៅចុងឆ្នាំ២០២៦នេះ នឹងមានសិប្បកម្ម​ រោងចក្រថ្មីបន្ថែមទៀត។ អីចឹងកំណើនផលិតផលក្នុងស្រុកយើងនឹងកើនឡើង»។

យ៉ាងណាក៏ដោយ លោកឧកញ៉ាបានបញ្ជាក់ឱ្យដឹងថា សព្វថ្ងៃនេះ​ កម្ពុជានៅខ្វះវត្ថុធាតុដើម (Raw Material)និងគ្រឿងដែកមួយចំនួនដែលចាំបាច់ត្រូវនាំចូលពីប្រទេសចិន សិង្ហបុរី ម៉ាឡេស៊ី  ដើម្បីយកមកផលិតក្នុងស្រុក។

លោក ញ៉ិល រដ្ឋា ប្រធានសមាគមអតីតនិស្សិតកម្ពុជាមកពីសូវៀត និងជាប្រធានសមាគមពាណិជ្ជករកម្ពុជា -រុស្ស៊ី បានប្រាប់ AMS Economy ថា ៖ ការកាត់ផ្តាច់ច្រកព្រំដែនជាបណ្តោះអាសន្ននេះ បានបង្កឱ្យមានបញ្ហារអាក់រអួលដល់ខ្សែច្រវាក់ផ្គត់ផ្គង់ ព្រោះតែកម្ពុជាធ្លាប់ពឹងផ្អែកខ្លាំងលើការនាំចូលពីប្រទេសថៃ ដោយទំនិញសំខាន់ៗទាំងនោះរួមមានសម្ភារៈផ្នែកកសិកម្មដូចជា ជីគីមី ថ្នាំសម្លាប់សត្វល្អិត និងគ្រាប់ពូជជាដើម ហើយក្រៅពីនោះនៅមានផលិតផលកែច្នៃ ទឹកដោះគោ, ប្រេងឆា, ទឹកស៊ីអ៊ីវ, មីកញ្ចប់ និងគ្រឿងសម្អាង សម្ភារសំណង់ គ្រឿងបរិក្ខារបន្ទប់ទឹក និងប្រេងឥន្ធនៈជាដើម ហើយដើម្បីដោះស្រាយវិបត្តិនេះ កម្ពុជាកំពុងអនុវត្តកិច្ចការសំខាន់ៗចំនួនពីរទន្ទឹមគ្នា ទី១. ការបង្វែរទិសដៅនាំចូល ដោយកម្ពុជាបានធ្វើការនាំចូលជាបន្ទាន់នូវជីកសិកម្ម និងគ្រឿងឧបភោគបរិភោគជំនួសពីបណ្តាប្រទេសនានាតាមរយៈមធ្យោបាយដឹកជញ្ជូនផ្លូវទឹក, ផ្លូវគោក (តាមរយៈកំពង់ផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ)និងតាមផ្លូវអាកាស បើទោះបីជាត្រូវចំណាយលើថ្លៃដឹកជញ្ជូនខ្ពស់ជាងមុនក៏ដោយ តែវាជាដំណោះស្រាយចាំបាច់ចំពោះមុខ។

លោកបានបន្តថា៖

«កម្ពុជានៅតែត្រូវការនាំចូលគ្រឿងចក្រធុនធ្ងន់ និងបច្ចេកវិទ្យាឧស្សាហកម្មអាហារពីប្រទេសចិន និងវៀតណាម ដើម្បីបង្កើនសមត្ថភាពរោងចក្រ សហគ្រាសក្នុងស្រុក ក្នុងការផលិតទំនិញជំនួសឱ្យការនាំចូលពីក្រៅប្រទេស»។

ពាក់ព័ន្ធនឹងយុទ្ធនាការ «ខ្មែរជួយខ្មែរ» ឬ «ខ្មែរទិញទំនិញខ្មែរ» លោក ញ៉ិល រដ្ឋា បានលើកឡើងថា នៅក្នុងកាលៈទេសៈនេះ វាជាចលនាជាតិនិយមបែបអារម្មណ៍ខ្លះ ប៉ុន្តែវាក៏ជាការជួយសេដ្ឋកិច្ចជាតិដែរ ។

លោកបញ្ជាក់ថា ៖

«តាមរយៈចលនាជាតិនិយមនេះ យើងចំណេញបាន ៣ ធំៗ ទី១. ការរក្សាលំនឹងសាច់ប្រាក់ក្នុងស្រុក ព្រោះនៅពេលដែលប្រជាពលរដ្ឋចាប់ផ្តើមកាត់បន្ថយទិញទំនិញថៃ ហើយងាកមកទិញទំនិញខ្មែរ អ៊ីចឹងលុយដុល្លារ និងលុយរៀលរាប់ពាន់លានដុល្លារដែលធ្លាប់ហូរចេញទៅក្រៅនោះ វានឹងត្រូវបានរក្សាទុក ឬនឹងបម្រើនៅក្នុងចរន្តសេដ្ឋកិច្ចរបស់យើង។ ទី២. បង្កើតឱកាសការងារ និងជំរុញការវិនិយោគ ដោយសារការកើនឡើងនៃតម្រូវការទំនិញខ្មែរ យើងត្រូវតែបង្កើតរោងចក្រ បង្កើតសហគ្រាស សិប្បកម្មក្នុងស្រុក ពង្រីកការផលិតដែលនាំឲ្យមានការជួលកម្លាំងពលកម្មបន្ថែម ហើយអាហ្នឹងបង្កើតការងារជូនយុវជន និងកសិករហ្នឹងឯង និងទី៣. ពង្រឹងឯកភាពសេដ្ឋកិច្ច ដែលវាជាឱកាសដ៏សំខាន់ណាស់ក្នុងការកែប្រែទម្លាប់របស់អ្នកប្រើប្រាស់ខ្មែរឲ្យមានទំនុកចិត្តលើផលិតផលរបស់ខ្លួនឯង និងជាសសរទ្រូងមួយនៃស្ថិរភាពសេដ្ឋកិច្ចរយៈពេលវែង»។

គួរជម្រាបថា៖ចាប់តាំងពីមានជម្លោះព្រំដែនជាមួយប្រទេសថៃ ហើយឈានដល់ការបិទព្រំដែនគោកជាឯកតោភាគីពីប្រទេសថៃ កម្ពុជាបានបង្វែរការនាំចូលទំនិញពីប្រទេសសិង្ហបុរី និងម៉ាឡេស៊ី ធ្វើឱ្យកំណើននៃការនាំចូលទំនិញពីប្រទេសទាំងពីរនេះមានអត្រាកំណើនខ្ពស់ ជាក់ស្ដែងយោងតាមស្ថិតិរបស់អគ្គនាយកដ្ឋានគយ និងរដ្ឋាករកម្ពុជា គិតពីខែមករា-មេសាឆ្នាំ២០២៦  ការដោះដូរពាណិជ្ជកម្មរវាងកម្ពុជា និងសិង្ហបុរី មានទំហំទឹកប្រាក់សរុប ៧៧៥,៥លានដុល្លារ ក្នុងនោះ ការនាំចេញរបស់កម្ពុជា មាន ២៣,៨លានដុល្លារ កើន៣០ភាគរយ ខណៈ ការនាំចូលពីសិង្ហបុរីវិញ មានទំហំទឹកប្រាក់ ៧៥១លានដុល្លារ កើនដល់ ២៣៦,៥ ភាគរយ។ ចំណែកការដោះដូរទំនិញកម្ពុជា-ម៉ាឡេស៊ី ​សម្រេច​បានជាង​ ៥០០ ​លានដុល្លារ ​កើនឡើង ៥១,៥% ធៀបនឹងរយៈពេលដូចគ្នា ​នៅឆ្នាំ២០២៥ មានទឹកប្រាក់ ៣៥៣លានដុល្លារ។ ​កម្ពុជា​នាំទំនិញចេញ​ទៅ​ប្រទេសម៉ាឡេស៊ីមានទំហំទឹកប្រាក់ ៦៧ លានដុល្លារ កើនឡើង ៤៧,៤% ​ចំណែកម៉ាឡេស៊ី​នាំ​ចូល​មកវិញមានតម្លៃជាង ៤៦៧ លានដុល្លារ កើនឡើង ៥២,​១%។ រីឯទំហំពាណិជ្ជកម្ម​ទ្វេភាគី​កម្ពុជា-វៀតណាម ៤ខែចុងក្រោយ មានទឹកប្រាក់ ៣,៣៦ ពាន់លានដុល្លារ កើនឡើង ៤,៣% ក្នុងនោះកម្ពុជា​នាំចេញ​ទៅ​វៀតណាម​មានតម្លៃ ១,៩៩ ពាន់លានដុល្លារ កើន​ឡើង ១១,៥% ចំណែកវៀតណាមនាំចូល​មក​វិញ​មាន​តម្លៃ ​១,៣៦ ​ពាន់លានដុល្លារ ​ធ្លាក់ចុះ ៤,៦%៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងឧស្សាហកម្ម អំពាវនាវឱ្យមាននវានុវត្តន៍ហិរញ្ញវត្ថុ ដើម្បីពង្រីកវិសាលភាពវិស័យ SME

ព្រឹត្តិការណ៍, ហិរញ្ញវត្ថុ

• 15/11/2026

ភ្នំពេញ ៖ ថ្លែងនៅក្នុងកិច្ចប្រជុំកំពូល Black Swan Summit Cambodia 2026 ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ថា វេទិកានេះ គឺជាឱកាសដ៏សំខាន់ក្នុងការដោះស្រាយឧបសគ្គរបស់សហគ្រាសផ្នែកហិរញ្ញប្បទាន និងការទាញយកអត្ថប្រយោជន៍ពីនវានុវត្តន៍ហិរញ្ញវត្ថុ ដើម្បីជួយជំរុញកំណើនអាជីវកម្មខ្នាតតូច។

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព

អគ្គលេខាធិការហ្វ្រង់កូហ្វូនី៖កម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះគឺជាការ រំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ

ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ៖ កម្ពុជា ជាបេះដូងអាស៊ីអាគ្នេយ៍ ហើយការដែលកម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះ គឺជាពេលវេលាមួយដែលរំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ និងជាព្រះវរាជបិតាស្ថាបនិករួមនៃអង្គការហ្វ្រង់កូហ្វូនី ។ នេះជាការថ្លែងបញ្ជាក់ពីសំណាក់អគ្គលេខាធិការហ្វ្រង់កូហ្វូនី លោកជំទាវ ល្វីស មូស៊ីគីវ៉ាបូ (Louise Mushikiwabo )។ ថ្លែងក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នាព្រឹកថ្ងៃទី១៥ ខែវិច្ឆិកា

សម្ដេចធិបតី ប្រាប់សមាជិកហ្វ្រង់កូហ្វូនីថា ការប៉ះទង្គិចដោយអាវុធ២លើករវាងកម្ពុជានិងថៃ កម្ពុជាមិនមែនជាអ្នកផ្ដើមបាញ់មុននោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនី នៅព្រឹកថ្ងៃទី១៥ ខែវិច្ឆិកា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា នៅឆ្នាំ២០២៥ ការប៉ះទង្គិចដោយអាវុធរវាងកម្ពុជា និងថៃ បានកើតឡើងចំនួន ២ លើក ដែលក្នុងនោះកម្ពុជាមិនមែនជាអ្នកផ្ដើមបាញ់មុននោះទេ ។ សម្ដេចធិបតីបានមានប្រសាសន៍ថា

Canadia Impact Fund វិនិយោគលើ DOCONCHAIN ​​ដើម្បីគាំទ្រដល់ប្រតិបត្តិការឌីជីថលដែលមានសុវត្ថិភាពនៅក្នុងតំបន់អាស៊ីអាគ្នេយ៍

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) ជាស្ថាប័នមួយក្នុងចំណោមស្ថាប័នដែលគ្រប់គ្រងក្រុមហ៊ុនធុរកិច្ចថ្មីសកម្មច្រើនជាងគេនៅកម្ពុជា បានចុះហត្ថលេខាលើកិច្ចព្រមព្រៀងវិនិយោគជាមួយ DOCONCHAIN។ DOCONCHAIN ​​គឺជាក្រុមហ៊ុនបច្ចេកវិទ្យាដែលមានទីស្នាក់ការកណ្តាលនៅប្រទេសសិង្ហបុរី និងកំពុងប្រតិបត្តិការនៅក្នុងប្រទេសហ្វីលីពីន ដោយផ្តល់សេវាកម្មជួយដល់ធុរកិច្ច និងស្ថាប័នសាធារណៈ ក្នុងការចុះហត្ថលេខា

Canadia Impact Fund វិនិយោគលើក្រុមហ៊ុនធុរកិច្ចថ្មីបារាំង Choose and Connect ដើម្បីផ្សារភ្ជាប់វិស័យអប់រំទៅនឹងឱកាសការងារ

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) បានចុះហត្ថលេខាលើកិច្ចព្រមព្រៀងវិនិយោគជាមួយក្រុមហ៊ុនធុរកិច្ចថ្មី (start-up) ផ្នែកអប់រំរបស់បារាំងមួយឈ្មោះថា «Choose and Connect» ដែលនេះគឺជាការវិនិយោគលើកដំបូងរបស់ CIFC នៅក្នុងក្រុមហ៊ុនធុរកិច្ចថ្មីរបស់បារាំង។

EFI អបអរសាទរខួប ១០ ឆ្នាំនៃឧត្តមភាពផ្នែកអប់រំ និងសម្ពោធឆ្នាំដំបូងនៃសាកលវិទ្យាល័យហ្វ្រង់កូហ្វូននៅអាស៊ី (Université Francophone d’Asie)

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ សាលា École Française Internationale (EFI) ភ្នំពេញ បានប្រារព្ធខួបលើកទី ១០ របស់ខ្លួននៅថ្ងៃសុក្រ ទី ១៣ ខែវិច្ឆិកា ឆ្នាំ ២០២៦ នៅសាលាបុរីកោះពេជ្រ (Koh Pich City

ព្រះមហាក្សត្រខ្មែរ រំលេចពីតម្លៃសន្តិភាព និង «ស្នាមញញឹមខ្មែរ» នៅចំពោះមុខថ្នាក់ដឹកនាំ ៨២ ប្រទេស ក្នុងកិច្ចប្រជុំកំពូលហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានមានព្រះរាជបន្ទូលគូសបញ្ជាក់ពីតម្លៃមិនអាចកាត់ថ្លៃបាននៃសន្តិភាព ការងើបឡើងវិញនៃវប្បធម៌ និងអត្ថន័យនៃស្នាមញញឹមខ្មែរដែលកើតចេញពីការបង្រួបបង្រួមជាតិ នៅក្នុងពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ នារាជធានីភ្នំពេញ ថ្ងៃទី១៥ ខែវិច្ឆិកា ឆ្នាំ២០២៦ ក្រោមវត្តមានប្រមុខរដ្ឋ ប្រមុខរដ្ឋាភិបាល និងគណៈប្រតិភូមកពី

សហគ្រិនខ្មែរ រៀបចំកម្មវិធីជំនួបសហគ្រិនជាលើកទី២ ដើម្បីពង្រឹងលទ្ធភាពចូល ទីផ្សារ និងទទួលបានហិរញ្ញប្បទាន

ព្រឹត្តិការណ៍, អត្ថបទពាណិជ្ជកម្ម

• 14/11/2026

ភ្នំពេញ៖ សហគ្រិនខ្មែរ ថ្ងៃទី១២ ខែវិច្ឆិកា ឆ្នាំ២០២៦​ បានរៀបចំជំនួបសហគ្រិនសម្រាប់ទីផ្សារ និងហិរញ្ញប្បទាន ក្រោមយុទ្ធនាការផ្សព្វផ្សាយប្រព័ន្ធអេកូឡូស៊ីសហគ្រិនភាព ឆ្នាំ២០២៦ ដោយបាន ប្រមូលផ្ដុំសហគ្រិន, សហគ្រាសធុនតូច និងមធ្យម, ធនាគារ, វិនិយោគិន និងប្រតិបត្តិករទីផ្សារ ដើម្បីពង្រឹងការគាំទ្រជាក់ស្តែងដល់សហគ្រាស ក្នុងការទទួលបានទីផ្សារថ្មីៗ និងការទទួលបានប្រភព ទុន។ 

បណ្ឌិត​ អុិន សុផល ៖ ថៃគ្មាន​សិទ្ធិ​មក​កំណត់​គោល​នយោបាយ​ការបរទេសរបស់​កម្ពុជា​នោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 14/11/2026

ភ្នំពេញ ៖ ក្រោយ​ថៃបានព្រមាន​កម្ពុជា​ មិនឱ្យលើកយក​ករណីជម្លោះព្រំដែនមកជជែក​ក្នុងកិច្ចប្រជុំ​ហ្វ្រង់កូហ្វូ​នី​ដែល​កម្ពុជា​ធ្វើជា​ម្ចាស់​ផ្ទះ លោក​បណ្ឌិត​អ៊ិន សុផល ជាសាស្ត្រាចារ្យផ្នែកវិទ្យាសាស្ត្រ​នយោបាយ និងជាអ្នក​និពន្ធសៀវភៅប្រវត្តិសាស្ត្រ នយោបាយ​បានលើកឡើង​ថា ថៃគ្មានសិទ្ធិមក​កំណត់​គោល​នយោបាយការបរទេស​របស់កម្ពុជា​នោះទេ ។​ តាមសំណេររបស់លោកបណ្ឌិត​អ៊ិន​ សុផល​ នៅលើ​គណនី​ហ្វេសប៊ុក​ផ្ទាល់​ខ្លួននៅព្រឹកថ្ងៃទី១៤ វិច្ឆិកា​ ២០២៦​ លោក​បានលើកឡើងថា ការព្រមានរបស់ភាគីថៃ ពាក់ព័ន្ធនឹង​ការលើកឡើងអំពីបញ្ហាព្រំដែនកម្ពុជា-ថៃ នៅក្នុងកិច្ចប្រជុំ​កំពូលហ្វ្រង់កូហ្វូនី​គឺថៃគ្មានសិទ្ធិ


Leave a Reply

Your email address will not be published.Required fields are marked *