សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សិង្ហបុរី ៖ គម្រោងសាងសង់ទីក្រុងបៃតងដ៏អស្ចារ្យមួយនៅចំកណ្តាលប្រទេសសិង្ហបុរី ឬ Forest Town ត្រូវបានអ្នកជំនាញជាច្រើនមើលឃើញថា វានឹងអាចក្លាយទៅជាគំរូមួយក្នុងការផ្លាស់ប្តូររបៀបរបបរស់នៅនៃពលរដ្ឋក្នុងទីក្រុងជាមិនខាន និងជារៀងរាល់រហូត។
ទីក្រុងថ្មីដែលមានឈ្មោះ Tengah ថាជាដែនដីអភិវឌ្ឍបែបអេកូឡូស៊ី និងគ្រោងមានវត្តមានរបស់លំនៅដ្ឋានសរុបដល់ទៅ ៤២ ០០០ ខ្នងគ្មានអគារខ្ពស់ៗច្រើនឡើយ ដែលអាចឲ្យពលរដ្ឋមើលឃើញផ្ទៃមេឃស្រឡះជាងតំបន់ណាណាទាំងអស់ក្នុងប្រទេស ជាពិសេសគឺមិនមានការអនុញ្ញាតឲ្យមានការប្រើប្រាស់រថយន្តនៅក្នុងទីក្រុងថ្មីនេះឡើយ។
រាល់ផ្លូវធ្វើដំណើរទាំងឡាយសម្រាប់រថយន្ត និងចំណតត្រូវបានយកទៅឲ្យដំណើរការនៅពីក្រោមដីទាំងអស់ដែលវានឹងទុកឲ្យទីធ្លាទាំងអស់នៅក្នុងទីក្រុងសម្រាប់តែការរស់នៅ ការធ្វើដំណើរដោយកង់ និងកសិដ្ឋានបែបសហគមន៍ប៉ុណ្ណោះ។ នៅតាមទីសាធារណៈ ភ្លើងអគ្គិសនីត្រូវបានបំពាក់ ប៉ុន្តែជាប្រភេទស្វ័យប្រវត្តិដែលមានន័យថានៅពេលដែលមានមនុស្សដើរឆ្លងកាត់ទើបភ្លើងទាំងនោះបើកដោយខ្លួនឯងដើម្បីសន្សំសំចៃភ្លើងអគ្គិសនី។
ប្រព័ន្ធខ្យល់ត្រូវបានរៀបចំយ៉ាងម៉ត់ចត់ដែលធានាឲ្យមានការទទួលបានខ្យល់បរិសុទ្ធនៅស្ទើរគ្រប់អគារលំនៅដ្ឋានទាំងអស់របស់ទីក្រុងថ្មីបូករួមទាំងប្រព័ន្ធធ្វើឲ្យត្រជាក់ និងប្រព័ន្ធកាត់បន្ថយឧស្ម័នកាបូនឌីអុកស៊ីត និងការបំពុលអាកាសផង ខណៈដែលការប្រើប្រាស់ទៅលើថាមពលអគ្គិសនី និងទឹកត្រូវបានដាក់បញ្ចូលជាមួយនឹងបច្ចេកវិទ្យាដែលអាចឲ្យពលរដ្ឋក្នុងការគ្រប់គ្រង និងមើលទិន្នន័យទាំងអស់តាមរយៈកម្មវិធីរបស់ទូរស័ព្ទ App ។
នៅជុំវិញទីក្រុងទាំងអស់ ព្រៃក្រាស់ជម្រៅប្រហែលជា១០០ម៉ែត្រត្រូវបានគេរៀបចំឡើងជារបងដែលវាក៏នឹងក្លាយទៅជាទីជម្រករបស់សត្វព្រៃមួយចំនួនផងដែរ។ តាមផែនការ អាផាតមិនដំបូងបង្អស់របស់ទីក្រុងថ្មី Tengha នឹងត្រូវសាងសង់រួចរាល់នៅក្នុងឆ្នាំ២០២៣ខាងមុខនេះ។
Tengha គឺជាផ្នែកមួយនៃការអភិវឌ្ឍបៃតងរបស់សិង្ហបុរី ឬ Singapore Green 2030 ដែលក្នុងផែនការមេត្រឹមឆ្នាំ២០៣០ រាល់លំនៅដ្ឋាន និងគ្រប់កន្លែងនៅក្នុងទីក្រុងនឹងចំណាយ
ពេលត្រឹមតែ១០នាទីប៉ុណ្ណោះដើម្បីដើរដោយថ្មើរជើងទៅដល់សួនឧទ្យានណាមួយ និងកាន់តែធ្វើឲ្យបាននូវទីតាំងបៃតងក្នុងទំហំរហូតទៅដល់១០គីឡូម៉ែត្រក្រឡា ផែនការដាំដើមឈើក្នុងទីក្រុងឲ្យបាន១លានដើម ព្រមទាំងបង្កើន ផ្លូវសម្រាប់ធ្វើដំណើរដោយកង់ឲ្យបានកាន់តែធំទូលាយនៅគ្រប់កន្លែងទាំងអស់ក្នុងទីក្រុងផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈតម្លៃប្រេងឆៅលើទីផ្សារអន្តរជាតិធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content