សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ តាមសេចក្តីប្រកាសព័ត៌មានរបស់គ្រឹះស្ថានអង្គរបានឱ្យដឹងថា ក្នុងរយៈពេល១១ខែ ឆ្នាំ២០២៤នេះ មានភ្ញៀវទេសចរចំនួន ៨៩៨ ៣៣៩នាក់ បានទិញសំបុត្រចូលទស្សនាអង្គរ ជាមួយនឹងប្រាក់ចំណូលបានជិត ៤២លានដុល្លារ កើនឡើងប្រមាណ ២៨.៣៣ភាគរយ បើធៀបរយៈពេលដូចគ្នាកាលពីឆ្នាំ២០២៣។
សូមជម្រាបថា បច្ចុប្បន្នសម្រាប់តម្លៃសំបុត្រចូលទស្សនារមណីយដ្ឋានអង្គរ ត្រូវបានចែកចេញជា ៣ ប្រភេទ គឺសំបុត្រចូលទស្សនា ១ថ្ងៃមានតម្លៃ ៣៧ដុល្លារ, រយៈពេល ៣ថ្ងៃតម្លៃ ៦២ ដុល្លារមានសុពលភាព១០ថ្ងៃ និង ៧ថ្ងៃមានតម្លៃ ៧២ ដុល្លារ មានសុពលភាព៣០ថ្ងៃ។
ដោយឡែក ចំណូលបានមកពីការលក់បណ្ណនៅប្រាសាទកោះកេរ រយៈពេល១១ខែ ឆ្នាំ២០២៤ មានចំនួន១៨ ៥៨១នាក់ ស្មើនឹង ២៧៨,៧១៥ដុល្លារ។ សម្រាប់ចំណូលដែលបានមកពីការលក់សំបុត្រទូកនៅកំពង់ផែចុងឃ្នៀសក្នុងរយៈពេល ១១ខែ ឆ្នាំ២០២៤ មានចំនួន ៧០០,០០៤ដុល្លារ ជាមួយនឹងចំនួនទូកសរុប ២៥៦៦៨ ។
សូមជម្រាបថា គិតតែក្នុងខែវិច្ឆិកាឆ្នាំ២០២៤ ចំនួនភ្ញៀវទេសចរបរទេសមានចំនួន ១២៤ ១៣៦នាក់ បានទិញសំបុត្រចូលទស្សនាអង្គរ ដែលចំនួននេះទទួលបានចំណូល ៥ ៩២០ ៨៧២។ រីឯចំណូលពីការលក់បណ្ណនៅនៅប្រាសាទកោះកេរ សម្រាប់ខែវិច្ឆិកា ឆ្នាំ២០២៤ មានចំនួនសរុប ៣ ៣៣៦នាក់ស្មើនឹង៥០,០៤០ដុល្លារ។
ចំណែកចំណូល ដែលបានមកពីការលក់សំបុត្រទូកនៅកំពង់ផែចុងឃ្នៀស សម្រាប់ខែវិច្ឆិកា ឆ្នាំ២០២៤ មានចំនួនទូកសរុប ២ ៩៩០ស្មើនឹង ៩១ ៧៨៨ដុល្លារ។ ចំពោះចំណូលឧបត្ថម្ភមូលនិធិ គន្ធបុប្ផាក្នុងខែវិច្ឆិកាឆ្នាំ២០២៤ មានចំនួនសរុប២៤៨,២៧២ ដុល្លារ ៕
Account
Security
Favourite Content