សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្របទៅនឹងបរិបថដែលសង្គមវិវឌ្ឍន៍ទៅរកសម័យកាលឌីជីថលកាន់តែជឿនលឿន សកម្មភាពរស់នៅប្រចាំថ្ងៃរបស់មនុស្សក៏ត្រូវពឹងផ្អែកលើ ឌីជីថលផងដែរ។ ដោយឡែកសម្រាប់ការគ្រប់គ្រងហិរញ្ញវត្ថុ វាក៏មិនមែនជារឿងថ្មីនោះដែរ ប៉ុន្តែក៏នៅតែជា បញ្ហាមួយដែលមនុស្សភាគច្រើនតែងតែជួបប្រទះជាញឹកញាប់។
ទាំងនេះគឺជាវេបសាយ ក៏ដូចជាកម្មវិធីមួយចំនួន ដែលយើងអាចប្រើប្រាស់ដើម្បីជំរុញ តាមដាន ចំណូលនិងចំណាយ ឱ្យកាន់តែមានភាពល្អប្រសើរជាងមុន។
១. Mint ៖ Mint ជាឈ្មោះគេហទំព័រមួយដែលផ្តល់ការចូលប្រើប្រាស់ ឬសិក្សាដោយឥតគិតថ្លៃ និងមានអត្ថប្រយោជន៍សម្រាប់ការគ្រប់គ្រងហិរញ្ញវត្ថុ។
លោកអ្នកអាចបែងចែកប្រភេទចំណូល ចំណាយ ធ្វើរបាយការណ៍ចំណូល និងចំណាយប្រចាំខែ ព្រមទាំងរៀបចំគោលដៅហិរញ្ញវត្ថុ។ មិនត្រឹមតែប៉ុណ្ណោះ គេហទំព័រមួយនេះនឹងជូនដំណឹងដល់អ្នកប្រើប្រាស់ប្រសិនបើអ្នកចាយលើសខ្ទង់។
២. Prism ៖ Prism គឺជាកម្មវិធីសម្រាប់ទូរស័ព្ទដៃដែលជួយអ្នករក្សាវិក្កយបត្ររបស់អ្នកទាំងអស់ឱ្យមានរបៀបរៀបរយ និងធ្វើបច្ចុប្បន្នភាពជាប្រចាំ។ ជាមួយកម្មវិធីនេះ អ្នកអាចភ្ជាប់វិក្កយបត្ររបស់អ្នកទៅនឹងគណនីទូទាត់នានា បន្ទាប់មក Prism នឹងតាមដានការចំណាយថ្មីណាមួយ ហើយជូនដំណឹងដល់អ្នកប្រើប្រាស់នៅពេលដែលការទូទាត់ដល់កំណត់។
៣. Wally ៖ នេះគឺជាកម្មវិធីទូរស័ព្ទឥតគិតថ្លៃ ដែលធ្វើឱ្យការរៀបចំការចំណាយផ្ទាល់ខ្លួនរបស់អ្នកមានភាពរលូន។ វាអាចជួយបង្កើនភាពងាយស្រួលបានច្រើនដល់អ្នកប្រើប្រាស់ដោយគ្រាន់តែថតរូបវិក័យបត្រ ហើយបង្ហោះទៅក្នុងគណនី Wally របស់អ្នក កម្មវិធីនឹងតាមដានថាតើអ្នកចំណាយអស់ប៉ុន្មាន និងកន្លែងណាខ្លះ។ វាថែមទាំងមានមុខងារ GPS ដែលអាចប្រាប់អ្នកពីកន្លែងដែលលុយរបស់អ្នកទៅ ដោយផ្អែកលើទីតាំងហាងដែលអ្នកបានទៅ។ កម្មវិធីនេះក៏នឹងរក្សាទុកព័ត៌មានទាំងអស់ដែលអ្នកបានប្រើប្រាស់ដោយមានសុវត្ថិភាព ជាពិសេសគឺការពារឯកជនភាពរបស់អ្នកប្រើប្រាស់បានយ៉ាងល្អ។
៤. Notion ៖ គេអាចប្រើប្រាស់ Notion ជាកម្មវិធីក្នុងទូរស័ព្ទក៏បាន ឬប្រើប្រាស់តាមវេបសាយក៏បាន។ មិនត្រឹមតែមានទម្រង់ (Platform) ស្រាប់ៗអំពីការគ្រប់គ្រងហិរញ្ញវត្ថុនោះទេ គេក៏អាចស្វែងរកទម្រង់ផ្សេងៗជាច្រើនទៀតផងដែរដូចជា ការរៀបចំផែនការដំណើរកម្សាន្ដ កាលវិភាគសម្រាប់ការងារ និងការងារជាដើម។
អ្នកប្រើប្រាស់អាចបញ្ចូលទិន្នន័យពីការចំណាយ និងចំណូលរបស់ខ្លួន ឬសូម្បីតែគោលដៅនៃការសន្សំនានាផងដែរ ហើយកម្មវិធីនេះនឹងគណនាឱ្យថាអ្នកនៅសល់ទឹកប្រាក់ប៉ុន្មាន សន្សំបានប៉ុន្មានជាដើម៕
Account
Security
Favourite Content