ស្វែងយល់ពីបច្ចេកទេសដាំត្រាវងាយៗ និងទទួលបានមើមធំៗល្អ

ភ្នំពេញ ៖ ត្រាវ ជាប្រភេទដំណាំមើម ដែលប្រជាកសិករខ្មែរនិយមដាំ ដោយសារតែដំណាំប្រភេទនេះអាចយកទៅច្នៃជាអាហារបានច្រើមុខ ទាំងការធ្វើម្ហូបក៏បាន ក៏ដូចជាបង្អែមក៏បាន។ ហេតុនេះហើយ ទើបអ្នកជំនាញកសិកម្មបានចងក្រងបច្ចេកទេសសំខាន់ៗក្នុងការដាំត្រាវរយៈពេលខ្លី និងអាចទទួលបានទិន្នផលខ្ពស់។

ត្រាវ ជារុក្ខជាតិមួយដែលគេអាចដាំបានស្ទើរតែគ្រប់ប្រភេទដី តែប្រភេទដីដែលត្រាវអាចដុះលូតលាស់បានល្អគឺប្រភេទដីធូរ ជ្រាបទឹកបានល្អ មានស្រទាប់ដាំដុះជ្រៅ ដូចជាដីល្បាចខ្សាច់ ដីល្បាប់មាត់ស្ទឹង ព្រែក ទន្លេ ឬដីក្រហមខ្ពង់រាប។ ក្រៅពីប្រភេទដី ត្រាវក៏ត្រូវការនូវពន្លឺថ្ងៃប្រមាណ ៩-១០ម៉ោងក្នុងមួយថ្ងៃ ដើម្បីជំរុញការលូតលាស់ និងជួយបង្កើនទិន្នផល។

ការរៀបចំដី​ កសិករត្រូវប្រមូលស្មៅ ឬកាកសំណល់ផ្សេងៗចេញពីចំការ ហើយភ្ជួរដីឱ្យជ្រៅ និងហាលដីឱ្យស្ងួតដើម្បីកាត់បន្ថយការដុះស្មៅ​ និងកម្ចាត់សមាសធាតុចង្រពីក្នុងដី ទើបរាស់បំបែកដីឱ្យម៉ត់ល្អិតកៀរដីឱ្យស្មើ។ ការភ្ជួរដី ត្រូវភ្ជួរ ២ទៅ៣លើកដើម្បីឱ្យដីធូរល្អ ទើបលើករងកម្ពស់ប្រមាណ ២៥-៣០សង់ទីម៉ែត ដាក់ជីធម្មជាតិចន្លោះពី ១៥-១៨តោនសម្រាប់ដីមួយហិកតា ដោយបាចលើរង ហើយរាស់កៀរឱ្យស្មើគឺអាចដាំបានហើយ។ សម្រាប់ការបន្ថែមជី គេត្រូវធ្វើបានពីរដំណាក់កាលផ្សេងគ្នាគឺ ដាក់ទ្រាប់បាតមុនពេលដាំ និងដាក់ម្ដងទៀតនៅពេលត្រាវចាប់ផ្ដើមមើម ដោយដាក់តាមចន្លោះជួររួចជ្រោយដី។ ថែមលើនេះ ត្រាវជាដំណាំដែលគេអាចដាំបានទោះកសិករមានដីតូចចង្អៀត ឬគេក៏អាចដាំត្រាវឆ្លាស់ជាមួយដំណាំផ្សេងទៀតដូចជាស្រូវនៅរដូវវស្សា ឬដាំចម្រុះជាមួយប៉េងប៉ោះ សណ្ដែកដី សណ្ដែកបាយ ឬបន្លែផ្សេងៗទៀត។

សម្រាប់ដាំដុះ គេត្រូវជ្រើសរើសកន្លែងដែលមានពន្លឺគ្រប់គ្រាន់ និងរើសយកចុង ខ្នែងត្រាវកាន់តែធំកាន់តែទទួលបានមើមធំដូចគ្នា កាលណាចុង ឬខ្នែងតូចៗ គេត្រូវយកវាទៅបណ្ដុះក្នុងថ្នាលជាមុនសិន​ លុះវាដុះបាន ២-៣សន្លឹក មានកម្ពស់ ១ទៅ២តឹក ទើបអាចដាំបាន។ ការដាំនេះទៀតសោត គេត្រូវដាំឱ្យជ្រៅ ពោលគឺជម្រៅ ១តឹកដើម្បីឱ្យមើមត្រាវអាចលូតលាស់បានល្អ ហើយគេក៏អាចដាំត្រាវបានពីររបៀបទៀតគឺដោយការលើករងនៅរដូវវស្សា និងបុករណ្ដៅសម្រាប់ដាំនៅរដូវប្រាំងដែលភាគច្រើនទទួលបានផលល្អជាងការដាំនៅរដូវវស្សា។

ក្នុងដំណាក់កាលូតលាស់ ដំណាំត្រាវរីកធំធាតុក្នុងបីដំណាក់កាលធំៗគឺ រាប់ចាប់ពីដំណាក់កាលដំបូងប្រមាណ ៨សប្ដាហ៍ដែលត្រាវចាប់ផ្ដើមដុះឫសនិងស្លឹក រហូតដល់ ២០សប្ដាហ៍ត្រាវមានស្លឹកច្រើន មើមក៏រីកបន្តិចម្ដងៗ និងដំណាក់កាលពង្រីកមើមដែលមើមកាន់តែរីកធំ តែស្លឹកត្រាវកាន់តែថយចុះ។

ពាក់ព័ន្ធនឹងការថែទាំវិញ ត្រាវត្រូវការឱ្យអ្នកដាំធ្វើដីឱ្យធូរ ងាយសម្អាតស្មៅចេញ និងធ្វើឱ្យប្រព័ន្ធឫសលូតលាស់ល្អ គេត្រូវដករំលស់កូនត្រាវចេញខ្លះ និងធ្វើការជ្រំជ្រោយដីជុំវិញគុម្ព ដែលភាគច្រើនគេជ្រំនៅក្រោយពេលដាំបាន ១៥-១៨ថ្ងៃ។ ក្រៅពីនេះ គេត្រូវការស្រោចទឹកឱ្យបានគ្រប់គ្រាន់ទៅតាមដំណាក់កាលលូតលាស់របស់ត្រាវផងដែរ។

យ៉ាងណាក៏ដោយ ដំណាំត្រាវក៏អាចរងការយាយីពីជំងឺ និងសត្វល្អិតចង្រៃដូចជាពពួកចៃ គេអាចប្រើថ្នាំកសិកម្ម។ កាលណាមានជំងឺវីរុស ជំងឺរលួយដើម ត្រូវដកចេញ ឬគាស់ចោល ធ្វើការសម្អាតស្មៅ និងបរិវេណក្នុងចំការ ឬដាំដំណាំឆ្លាស់ដើម្បីបំបាត់កាកដំណល់ក្រោយពេលប្រមូលផលរួច។

ចំពោះការប្រមូលផលត្រាវ អាចខុសៗគ្នាទៅតាមរដូវកាលដាំដុះនិងប្រភេទពូជ ដែលគេអាចប្រមូលផលចន្លោះ ៦-១០ខែក្រោយពេលដាំ ឬវែងជាងនេះ។ សម្រាប់លក្ខណៈសម្គាល់ថាត្រាវអាចប្រមូលផលបានគឺពេលស្លឹកវាប្រែជាពណ៌លឿង ហើយងាប់ ដែលកសិករខ្លះគាស់យកមើមទៅស្ងោរភ្លក់សិន ទើបគាស់សរុបពេលក្រោយ ហើយមុនពេលគាស់ គេត្រូវកាត់ធាង និងស្លឹកចេញដោយទុកប្រមាណ ៤-៥តឹកពីដី​។ ក្នុងការប្រមូលផលរួចគេត្រូវរក្សាមើមត្រាវនៅកន្លែងត្រជាក់ បើលក់ទៅផ្សារជិតៗត្រូវលាងសម្អាតសិន តែបើដឹកទៅតំបន់ឆ្ងាយៗ មិនត្រូវលាងទឹកនោះទេអាចបណ្ដាលឱ្យជាំ រលួយសំបកទុកមិនបានយូរ។

គួរបញ្ជាក់ដែរថា ត្រាវ គឺជាបន្លែមើមដែលសម្បូរដោយជាតិម្សៅ និងត្រូវបានគេដាំដុះដំបូងនៅអាស៊ី តែឥឡូវនេះត្រូវបានគេនិយមទូទាំងពិភពលោក។ វាមានស្បែកខាងក្រៅពណ៌ត្នោត និងសាច់ពណ៌ស មានសរសៃពណ៌ស្វាយពាសពេញ។ នៅពេលចម្អិនវាមានរសជាតិផ្អែមស្រាល សាច់ស្រដៀងនឹងដំឡូង។ មើមត្រាវ គឺជាប្រភពនៃជាតិសរសៃ និងសារធាតុចិញ្ចឹមផ្សេងទៀតហើយផ្តល់នូវគុណប្រយោជន៍ជាច្រើនចំពោះសុខភាពដូចជា ជួយគ្រប់គ្រងជាតិស្ករក្នុងឈាម កាត់បន្ថយហានិភ័យនៃជំងឺបេះដូង ប្រឆាំងជំងឺមហារីក ជួយក្នុងការសម្រកទម្ងន់ និងល្អសម្រាប់ពោះវៀនផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»