សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រធាននាយកប្រតិបត្តនៃការិយាល័យឥណទានកម្ពុជា (CBC) បានលើកឡើងថា វិស័យមីក្រូហិរញ្ញវត្ថុដើរតួយ៉ាងសំខាន់ក្នុងការអភិវឌ្ឍសង្គម និងសេដ្ធកិច្ចកម្ពុជាតាមរយៈការផ្តល់នូវសេវាកម្មហិរញ្ញវត្ថុ ជាពិសេស ការធ្វើឱ្យមានបរិយាប័ន្នហិរញ្ញវត្ថុ និងភាពងាយស្រួលក្នុងការទទួលបានហិរញ្ញវត្ថុសម្រាប់ប្រជាជនខ្មែរទូទាំងប្រទេស។
យោងតាមរបាយការណ៍របស់ ស៊ីប៊ីស៊ី បានឱ្យដឹងថា បច្ចុប្បន្ននេះ ស៊ីប៊ីស៊ី មានសមាជិកជាគ្រឹះស្ថានមីក្រូហិរញ្ញវត្ថុចំនួន ៨៦ ស្ថាប័ន ដែលតួលេខនេះស្មើនឹង ៤៦% នៃចំនួនសមាជិកទាំងអស់ ជាមួយនឹងសមតុល្យឥណទាន ដែលមានទឹកប្រាក់ចំនួន ៨ ពាន់លានដុល្លារអាមេរិក។
លោក អឿ សុធារ័ត្ន ប្រធាននាយកប្រតិបត្តនៃការិយាល័យឥណទានកម្ពុជាបានបញ្ជាក់ថា ៖
“យើងដឹងហើយថា វិស័យមីក្រូហិរញ្ញវត្ថុដើរតួយ៉ាងសំខាន់ក្នុងការអភិវឌ្ឍសង្គម និងសេដ្ធកិច្ចកម្ពុជាតាមរយៈ ការផ្តល់នូវសេវាកម្មហិរញ្ញវត្ថុ ជាពិសេស ការធ្វើឱ្យមានបរិយាប័ន្នហិរញ្ញវត្ថុ និងភាពងាយស្រួលក្នុងការទទួលបានហិរញ្ញវត្ថុសម្រាប់ប្រជាជនខ្មែរទូទាំងប្រទេស បើទោះបីជាក្នុងអំឡុងពេលកូវីដ-១៩ ក៏ដោយ”
លោកបានថ្លែងបន្តថា ៖
“ដោយហេតុនេះហើយ ការពង្រឹងសមត្ថភាពគ្រប់គ្រងប្រកបដោយប្រសិទ្ធភាព ចីរភាព ក្រមសីលធម៌ និងវិជ្ជាជីវៈ របស់គ្រឹះស្ថានមីក្រូហិរញ្ញវត្ថុ ពិតជាចាំបាច់ណាស់ ដើម្បីអាចឲ្យវិស័យនេះមានភាពរឹងមាំ និងនិរន្តភាព ក្នុងការបន្តបេសសកម្មរបស់ខ្លួនក្នុងការផ្តល់សេវាកម្មហិរញ្ញវត្ថុទៅកាន់អតិថិនជននៅតាមតំបន់ជនបទ ក៏ដូចជាអតិថិជន មានប្រាក់ចំណូលទាប និងមធ្យម”
គួរកត់សម្គាល់ដែរថា គ្រឹះស្ថានមីក្រូហិរញ្ញវត្ថុ ជាទូទៅ តែងជួបនូវបញ្ហាប្រឈមក្នុងការរក្សាប្រាក់ចំណេញ និងការគ្រប់គ្រងប្រតិបត្តិការ ប្រកបដោយប្រសិទ្ធភាពក្នុងពេលតែមួយ។
ជាមួយគ្នានេះដែរ លោក អឿ សុធារ័ត្ន បានថ្លែងថា ជាមួយនឹងការគាំទ្រយ៉ាងពេញទំហឹងពីធនាគារជាតិនៃកម្ពុជា ក៏ដូចជាសមាគមមីក្រូហិរញ្ញវត្ថុកម្ពុជា និងសមាជិកគ្រឹះស្ថានទាំងអស់ បានធ្វើឲ្យវិស័យមីក្រូហិរញ្ញវត្ថុកម្ពុជានៅតែរឹងមាំ និងមានតុល្យភាពរវាងការផ្តល់ឥណទានប្រកបដោយវិជ្ជាជីវៈ និងប្រសិទ្ធភាពប្រតិបត្តិការ តួយ៉ាងដូចជា ការដាក់ឱ្យប្រើប្រាស់នូវក្រមប្រតិបត្តិក៏ជាយុទ្ធនាការឆ្លាតវៃនៃស្តង់ដាសាកលលើការការពារអតិថិជនកន្លងមក។
លោកបានថ្លែងបន្តថា បច្ចុប្បន្ន ដោយមានតម្រូវការនៃការធ្វើពិពិធកម្មផលិតផលក្នុងវិស័យមីក្រូហិរញ្ញវត្ថុ ក៏ដូចជាភាពរីកចម្រើនន បច្ចេកវិទ្យា គ្រឹះស្ថានចាំបាច់ត្រូវតែបន្តអភិវឌ្ឍនូវជំនាញគ្រប់គ្រងធនធានមនុស្សជំនាញទីផ្សារ ជំនាញប្រតិបត្តិការ និងការធ្វើឱ្យប្រសើរឡើងនូវការគ្រប់គ្រងហានិភ័យសម្រាប់ការផ្តល់ឥណទានប្រកបដោយការទទួលខុសត្រូវ ដើម្បីគ្រប់គ្រង និងបញ្ចៀសរាល់បញ្ហានានាដែលអាចនឹងកើតឡើង។
យោងតាមរបាយការណ៍ចុងក្រោយរបស់ធនាគារជាតិនៃកម្ពុជា បានឱ្យដឹងថា ទ្រព្យសកម្មរបស់គ្រឹះស្ថានមីក្រូហិរញ្ញវត្ថុនៅកម្ពុជាក្នុងឆ្នាំ២០២១ បានកើនឡើង ១៧% (ដល់ ៤០,១ ទ្រីលានរៀល ស្មើនឹង ៩,៨ ពាន់លានដុល្លារអាមេរិក) ធៀបនឹងឆ្នាំ២០២០ ដែលក្នុងនោះឥណទានអតិថិជនបានកើនឡើង ២៥,៦% (ដល់ ៣៤,៦ ទ្រីលានរៀល ស្មើនឹង ៨,៥ ពាន់លានដុល្លារអាមេរិក) ជាមួយនឹងគណនីចំនួន ២ លានគណនី។ ឥណទានទាំងនេះបានផ្តល់ទៅកាន់វិស័យសំខាន់ៗក្នុងសេដ្ឋកិច្ច រួមមាន៖ ក្រុមគ្រួសារ ៣៣,៣% (មានកំណើន ២,៨%) ពាណិជ្ជកម្ម និងជំនួញ ២១,៨% (មានកំណើន ១៩,៩%) កសិកម្ម ១៨,៨% (មានកំណើន ១៣,៦%) សេវាកម្ម ១៤,១% (មានកំណើន ០,៥%) ដឹកជញ្ជូន ៥,៥% (មានកំណើន ១,៥%) សំណង់ ៣,៨% (មានកំណើន ៨,១%) កម្មន្តសាល ១,៥% (មានកំណើន ៧៩,៨%) និងផ្សេងៗ ១,២% (ថយចុះ -២១,៣%)៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
ព្រឹត្តិការណ៍, អត្ថបទពាណិជ្ជកម្ម
• 21/08/2026
សមាគមធនាគារនៅកម្ពុជា(ABC) បានរៀបចំ សន្និសីទធនាគារនៅកម្ពុជា ឆ្នាំ២០២៦រយៈពេល២ថ្ងៃកាលពីថ្ងៃទី១៩ និង២០ ខែសីហា នៅសណ្ឋាគារ សុខា ភ្នំពេញ ក្រោមមូលបទ “ការរក្សាស្ថិរភាព ការពង្រឹងសុចរិតភាពហិរញ្ញវត្ថុ ទំនុកចិត្ត និងភាពជឿជាក់លើប្រព័ន្ធធនាគារ”
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
ព្រឹត្តិការណ៍, អត្ថបទពាណិជ្ជកម្ម
• 21/08/2026
គ្រឹះស្ថាន ខេមា មីក្រូហិរញ្ញវត្ថុ លីមីតធីត និង Mission Alliance ប្រចាំប្រទេសកម្ពុជា បានចុះអនុស្សរណៈយោគយល់គ្នា ដើម្បីរួមគ្នាលើកកម្ពស់ចំណេះដឹងហិរញ្ញវត្ថុ និងជំនាញអាជីវកម្មដល់ម្ចាស់អាជីវកម្មខ្នាតមីក្រូ និងបុគ្គលស្វ័យនិយោជន៍ នៅតាមតំបន់ប្រតិបត្តិការរបស់គ្រឹះស្ថាន ខេមា
ព្រះមហាក្សត្រ ស្ដេចយាងសម្ពោធដាក់ឱ្យប្រើប្រាស់វិមានសាមគ្គីភាពនៃព្រឹទ្ធសភាកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
វិមានសាមគ្គីភាព នៃព្រឹទ្ធសភានៃព្រះរាជាណាចក្រកម្ពុជាត្រូវបានចាត់ទុកថា ការឆ្លុះបញ្ចាំងនូវយុគសម័យរុងរឿងរបស់កម្ពុជា ដែលមានមូលដ្ឋានកើតចេញពីគ្រឹះនៃសន្តិភាព ឯកភាពជាតិ និងកម្លាំងសាមគ្គីភាពជាតិដ៏រឹងមាំ
ចិន បង្ហាញក្ដីបារម្ភខ្លាំង ខណៈជប៉ុនមានលទ្ធភាពអាចផលិតនុយក្លេអ៊ែរបានរាប់ពាន់គ្រាប់
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
រដ្ឋាភិបាលក្រុងប៉េកាំង បានសម្តែងក្ដីបារម្ភចំពោះសមត្ថភាពនុយក្លេអ៊ែរដែលកំពុងកើនឡើង និងការផ្លាស់ប្តូរគោលជំហរក្នុងវិស័យការពារជាតិរបស់ក្រុងតូក្យូ ប្រទេសជប៉ុន ចង់ផលិតអាវុធនុយក្លេអ៊ែរ
បច្ចេកវិទ្យា AI កំពុងស្រូបទាញទុនរាប់ទ្រីលានដុល្លារ បង្កក្តីបារម្ភពីហានិភ័យហិរញ្ញវត្ថុ
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
ក្តីបារម្ភជុំវិញកំណើនបែបពពុះផុយស្រួយ (កំណើនពពុះស្រួយ) ផ្នែកហិរញ្ញវត្ថុ ក្នុងវិស័យបច្ចេកវិទ្យាបញ្ញាសិប្បនិម្មិត (AI) កំពុងក្លាយជាសំណួរដ៏សំខាន់ ខណៈក្រុមហ៊ុនបច្ចេកវិទ្យាយក្សនៅសហរដ្ឋអាមេរិកគ្រោងចំណាយថវិកា ១,១ ទ្រីលានដុល្លារ ចាប់ពីឆ្នាំ ២០២៦ ដល់ឆ្នាំ ២០២៩ ហើយការវិនិយោគលើវិស័យ AI ទូទាំងពិភពលោកត្រូវបានព្យាករណ៍ថានឹងកើនលើស ២,៥ ទ្រីលានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content