សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កាលពីខែសីហា ឆ្នាំ២០២២កន្លងទៅនេះ សន្ទស្សន៍ថ្លៃទំនិញសម្ភារៈប្រើប្រាស់ និងសេវាកម្មនៅរាជធានីភ្នំពេញ បានកើនឡើង ៤,៩% ធៀបនឹងខែដូចគ្នាកាលពីឆ្នាំមុន ខណៈក្នុងខែសីហា ឆ្នាំ២០២២ សេដ្ឋកិច្ចកម្ពុជាបន្តនិន្នាការកើនឡើង និងគាំទ្រដោយភាពល្អប្រសើរនៃតម្រូវការសកល បើទោះបីរងការប៉ះទង្គិចពីការផ្ទុះឡើងសង្គ្រាមរវាងរុស្ស៊ី និងអ៊ុយក្រែនយ៉ាងណាក្តី។ នេះបើយោងតាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុស្តីពីនិន្នាការសេដ្ឋកិច្ចសង្គម ប្រចាំខែសីហា ឆ្នាំ២០២២។
ក្នុងខែសីហា ឆ្នាំ២០២២ សេដ្ឋកិច្ចកម្ពុជា រំពឹងថានឹងបន្តនិន្នាការកើនឡើងដោយបន្តគាំទ្រដោយភាពល្អប្រសើរនៃតម្រូវការសកល បើទោះបីរងការប៉ះទង្គិចពីការផ្ទុះឡើងនូវសង្គ្រាមរវាងរុស្ស៊ី និងអ៊ុយក្រែនយ៉ាងណាក្តី។ ទន្ទឹមនេះ ការសម្រេចបាននូវអត្រាខ្ពស់នៃការចាក់វ៉ាក់សាំង និងការបើកប្រទេសឡើងវិញបានអនុញ្ញាតឱ្យសកម្មភាពសេដ្ឋកិច្ចក្នុងស្រុកចាប់ផ្តើមវិលត្រលប់ទៅរកប្រក្រតីភាពវិញ។
ឈរលើការងើបឡើងវិញនៃសេដ្ឋកិច្ច-សង្គមនាពេលបច្ចុប្បន្ន, ទស្សនវិស័យនៃសេដ្ឋកិច្ចកម្ពុជានៅបន្តមានភាពល្អប្រសើរ ជាពិសេស ស្ថានភាពផលិតកម្ម ឆ្លុះបញ្ចាំងតាមរយៈការបន្តកើនឡើងនៃការនាំចេញផលិតផលឧស្សាហកម្ម ផលិតផលកាត់ដេរ និងកម្មន្តសាលមិនមែនកាត់ដេរ។
បន្ថែមលើនេះ, រាជរដ្ឋាភិបាលបានដាក់ឱ្យអនុវត្ត ក្របខណ្ឌយុទ្ធសាស្ត្រ និងកម្មវិធីស្តារ ជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវី-១៩ តាមគន្លងប្រក្រតីភាពថ្មីសម្រាប់ឆ្នាំ២០២១-២០២៣ ដែលនឹងជួយស្តារ និងជំរុញវិស័យដែលជាចន្ទល់នៃសេដ្ឋកិច្ចឱ្យកាន់តែប្រសើរឡើង ក្នុងនោះរួមមាន វិស័យកាត់ដេរ ឧស្សាហកម្ម ទេសចរណ៍ និងកសិកម្ម។
នៅក្នុងខែសីហា ឆ្នាំ២០២២កន្លងទៅផងដែរ តម្លៃប្រេងសាំងថ្លៃជាមធ្យម ៤ ៧០០/លីត្រ ធ្លាក់ចុះ១១% និងប្រេងម៉ាស៊ូតថ្លៃជាមធ្យម ៥ ០៨៣ រៀល ធ្លាក់ចុះ១០,៨% ធៀបនឹងខែកក្កដា ឆ្នាំ២០២២ ស្របគ្នាជាមួយនឹងថ្លៃនៅលើទីផ្សារអន្តរជាតិ ដែលក្នុងនោះប្រេងឆៅ (Brent) ថ្លៃមធ្យម ៩៨,៦ ដុល្លារក្នុង១បារ៉ែល ធ្លាក់ចុះ ៩,៥% និងប្រេងឆៅ(WTI) ថ្លៃមធ្យម ៩១,៦ ដុល្លារក្នុង១បារ៉ែល ធ្លាក់ចុះ ៨,៣% ធៀបនឹងខែកក្កដា ឆ្នាំ២០២២។
ដោយឡែក ក្នុងរយៈពេល៨ខែ ឆ្នាំ២០២២ ការនាំចេញទំនិញ(ដកមាស) មានទំហំទឹកប្រាក់ចំនួន ១៤ ០៩២,១ លានដុល្លារ បានកើនឡើង ២៨% ធៀបនឹងរយៈពេលដូចគ្នាឆ្នាំមុន។ កំណើននាំចេញ(ដកមាស) ត្រូវបានជំរុញដោយកំណើនវិជ្ជមាននៃការនាំចេញផលិតផលវាយនភណ្ឌ, កង់ និងទំនិញផ្សេងៗ (ដែលមានដូចជា គ្រឿងសង្ហារិម, សូឡា, ជ័រកៅស៊ូ, ខ្សែភ្លើង និងបង្គំខ្សែភ្លើង, សម្ភារសម្រាប់ជាងសំណង់ធ្វើពីប្លាស្ទិក, គ្រឿងបង្គំអេឡិចត្រនឹក, គ្រឿងបង្គំរថយន្ត, ស្ករស, ចេក, ដំឡូងមី, គ្រាប់ស្វាយចន្ទី និងផលិតផលផ្សេងៗមួយចំនួនទៀត)។ ទន្ទឹមនេះ ការនាំចូល(ដកមាស) មានទំហំទឹកប្រាក់ចំនួន ១៧ ៤៨៤,៤ លានដុល្លារអាមេរិក បានកើនឡើង ២០,១% ធៀបនឹងរយៈពេលដូចគ្នាឆ្នាំកន្លងទៅ។ កំណើននាំចូល (ដកមាស) នេះ បានគាំទ្រដោយកំណើននៃការនាំចូលក្រណាត់, ប្រេងឥន្ទនៈ, គ្រឿងសំណង់, យានយន្ត និងទំនិញផ្សេងៗ (ផលិតផលវាយនភណ្ឌ (ថ្មី), ទូរទឹកកក និងទូក្លាស្ស, ម៉ាស៊ីនត្រជាក់, គ្រឿងឧបភោគបរិភោគ, ស្ករស, ប៊ីចេង, ប្រេងឆា, ស្រាចំរុះ, ស្រាបៀរ និងផលិតផលផ្សេងៗ មួយចំនួនទៀត) ខណៈដែលស្ថានភាពភ្ញៀវទេសចរបានបង្ហាញពីកំណើនខ្ពស់គួរឱ្យកត់សម្គាល់។
ក្នុងរយៈពេល៨ខែ ឆ្នាំ២០២២, ចំនួនគម្រោងដែលទទួលបានការអនុញ្ញាតសាងសង់សរុបមាន ២ ៨១១ គម្រោង បានធ្លាក់ចុះ ៩០គម្រោង និងតម្លៃគម្រោងសរុបមាន ១ ៦៦២លានដុល្លារ បានធ្លាក់ចុះ ៥៦,៧% ក្នុងនោះ ប្រភេទសំណង់លំនៅដ្ឋានមាន ២ ៥២១ គម្រោង (ស្មើនឹង ៨៩,៧% នៃសំណើសុំសាងសង់សរុប) បានធ្លាក់ចុះ ៩ គម្រោងធៀបនឹងរយៈពេលដូចគ្នាឆ្នាំមុន ។ ដោយឡែក ស្ថានភាពវិនិយោគបានបង្ហាញពីភាពល្អប្រសើរបន្តិច ជាក់ស្តែងគម្រោងវិនិយោគឯកជនសរុបមានចំនួន ៩៤គម្រោង បានកើនឡើង ១៩គម្រោង, លទ្ធភាពបង្កើតកម្លាំងពលកម្មថ្មីប្រមាណជា ៧៩ ពាន់នាក់ កើនឡើង ៣៧,៨% និង ទុនវិនិយោគសរុប ២ ៥៩២លានដុល្លារ កើនឡើង ១៣៤, ៤% ធៀបនឹងរយៈពេលដូចគ្នាឆ្នាំមុន។ ក្នុងខែសីហា ឆ្នាំ២០២២ សន្ទស្សន៍ថ្លៃទំនិញប្រើប្រាស់ និងសេវាកម្មនៅរាជធានីភ្នំពេញ កើនឡើង ៤,៩% ធៀបនឹងខែដូចគ្នាឆ្នាំមុន។ កំណើននេះ គឺត្រូវបានជម្រុញដោយអត្រាកំណើនខ្ពស់នៃក្រមសន្ទស្សន៍ថ្លៃសំខាន់ៗដែល មានទំងន់ធំៗ ដូចជាសន្ទស្សន៍ថ្លៃអាហារនិងភេសជ្ជៈមិនមានជាតិស្រវឹង ៤,៣%, ផ្ទះសំបែង ទឹក អគ្គិសនី ឧស្ម័ន និងឥន្ធនៈ ដទៃទៀត ៤,៩% ជាពិសេសការដឹកជញ្ជូន ៨,៨%៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content