ក្រសួងការងារ ៖ វិស័យឯកជនមិនមែនត្រូវការកម្លាំងពលកម្មដែលមានការសិក្សាខ្ពស់ទាំងស្រុងនោះទេ

ក្រសួងការងារតាមរយៈអ្នកនាំពាក្យបានគូសបញ្ជាក់ពីតម្រូវការរបស់វិស័យឯកជនដែលមិនមែនចង់បានធនធានមនុស្សដែលបានបញ្ចប់ការសិក្សាថ្នាក់បរិញ្ញាបត្រទាំងអស់នោះទេ ប៉ុន្តែពួកគេក៏ត្រូវការកម្លាំងពលកម្មជំនាញមួយផ្នែកទៀតដែលជាធនធានមានបច្ចេកទេស ដោយមិនចាំបាច់មានការសិក្សាចំណេះដឹងទូទៅខ្ពស់ពេកនោះទេ សំដៅលើអ្នកបានឆ្លងកាត់វគ្គបណ្ដុះបណ្ដាលខ្លីនៅតាមវិទ្យាស្ថានបណ្ដុះបណ្ដាលបច្ចេកទេសនានា។

អ្នកនាំពាក្យក្រសួងការងារ បណ្តុះបណ្តាល និងវិជ្ជាជីវៈ ឯកឧត្តម ហេង សួរ បានឱ្យដឹងថា ដើម្បីជួយសម្រួលទៅដល់យុវជនដែលមានតម្រូវការរកចំណូលជូនគ្រួសារបន្ទាប់ពីបញ្ចប់ថ្នាក់មធ្យមសិក្សា ក្រសួងបានបង្កើតជាវិទ្យាស្ថានបណ្ដុះបណ្ដាលជំនាញ និងបច្ចេកទេស (TVET) ទៅតាមបណ្តាខេត្ត ក្រុងស្ទើរទូទាំងប្រទេស។

ការបណ្ដុះបណ្ដាលនៅតាមវិទ្យាស្ថានទាំងនោះនឹងមិនទាមទាររយៈពេលយូរពេកទេ គឺត្រឹម១ឆ្នាំ ២ឆ្នាំ ឬវគ្គខ្លះមានត្រឹមតែរយពេល៦ខែ ដែលអាចឆ្លើយតបបានលឿនទៅនឹងតម្រូវការស្វែងរកការងាររបស់ប្រជាពលរដ្ឋ ជាពិសេសយុវជន និងម្ខាងទៀតក៏ត្រូវនឹងតម្រូវការជ្រើសរើសកម្មករជំនាញរបស់វិស័យឯកជន។ នេះបើតាមការលើកឡើងបន្ថែមរបស់ឯកឧត្តម ហេង សួរ។

ទាំងអស់នេះ ជាការលើកទឹកចិត្តទៅដល់យុវជនខ្មែរ ចំពោះការខិតខំបង្កើតជំនាញរបស់ខ្លួន បើសិនជាខ្លួនមិនមានលទ្ធភាពក្នុងការបន្តការសិក្សាទៅថ្នាក់ឧត្តមសិក្សា។ នេះក៏ជាការបញ្ចាក់ផងដែរថា លទ្ធភាពនៃការទទួលបានការងារ គឺមិនបានស្ថិតនៅលើកម្រិតសិក្សានោះទេ។

បន្ថែមពីនេះផងដែរ អ្នកនាំពាក្យក្រសួងការងារដដែលនេះក៏បានបង្ហាញទិន្នន័យនៃគ្រឹះស្ថាន TVET នៅកម្ពុជាបច្ចុប្បន្នមានចំនួន ១០៧ គ្រឹះស្ថានដែលស្ថិតនៅចំណុះក្រសួង។ ក្នុងនោះមាន ៣៧ ជាគ្រឹះស្ថានរបស់រដ្ឋ ហើយក្នុងចំណោម៣៧ស្ថាប័នរបស់រដ្ឋគឺមាន ២៨ គ្រឹះស្ថានដែលទទួលបានវិញ្ញាបនបត្រ ISO បន្ទាប់ពីគ្រឹះស្ថានទាំងនោះមានការធ្វើទំនើបកម្ម និងកែលំអរប្រព័ន្ធអប់រំ និងបណ្ដុះបណ្ដាល។

គួរបញ្ជាក់ថា ក្នុងចន្លោះឆ្នាំ២០១៨ ដល់ ២០២៣ ក្រសួងការងារបានបណ្ដុះបណ្ដាលផ្នែកវិញ្ញាបនបត្រ​កម្រិតខ្លី​បានជាង ២៦ម៉ឺននាក់ ដែលភាគច្រើនធ្វើឡើងនៅតាមសហគមន៍។ ក្រៅពីនោះក៏មានវគ្គកម្មករជំនាញ ដើម្បីឆ្លើយតបទៅនឹងតម្រូវការកម្លាំងពលកម្មលឿនរបស់វិស័យ ឯកជន និងជាកម្មវិធីដែលមានភាពបត់បែនសម្រាប់បងប្អូនប្រជាពលរដ្ឋផងដែរ។

គួររំលឹកថា ក្នុងឆ្នាំ២០១៣-២០១៧ ព័ត៌មានទីផ្សារការងារដែលក្រសួងប្រមូលបាន និងចងក្រងទុកមានប្រមាណជាង ៣០ម៉ឺនកន្លែង ដោយឡែក សម្រាប់រយៈពេល៥ឆ្នាំចុងក្រោយនេះ ព័ត៌មានទីផ្សារ ការងារដែលប្រមូលបាន និងផ្សព្វផ្សាយបានកើនឡើងដល់ជាង ៥២ម៉ឺនកន្លែង។ ចំនួនអ្នកដែលចុះឈ្មោះស្វែងរកការងារធ្វើនៅក្នុងទីភ្នាក់ងារជាតិ និងមុខរបរក៏បានកើនឡើងពី ៤ម៉ឺនជាង ទៅ៩ម៉ឺនជាងអ្នក រីឯអ្នកដែលទទួលបានការងារធ្វើចេញពីការចុះឈ្មោះស្វែងរកការងារក៏បានកើនឡើងពី១ម៉ឺននាក់ ទៅ២ម៉ឺន១ពាន់នាក់ផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ