សៀវភៅ “ដុល្លារូបនីយកម្មនៅកម្ពុជា” បង្ហាញពីការវិភាគស៊ីជម្រៅទៅលើទិដ្ឋភាពដុល្លារូបនីយកម្មនៅកម្ពុជា

ភ្នំពេញ ៖ សៀវភៅ «ដុល្លារូបនីយកម្មនៅកម្ពុជា ៖ បង្ហាញពីគោលនយោបាយក្នុងការអភិវឌ្ឍហិរញ្ញវត្ថុសម្រាប់ប្រទេសអភិវឌ្ឍន៍តិចតួច» របស់ធនាគារជាតិនៃកម្ពុជា បានបង្ហាញពីការវិភាគយ៉ាងស៊ីជម្រៅទៅលើទិដ្ឋភាពដុល្លារូបនីយកម្មនៅប្រទេសកម្ពុជា និងបានបញ្ចូលគោលនយោបាយសំខាន់ៗ ដើម្បីបង្កើនប្រសិទ្ធភាពក្នុងសកម្មភាពអនុវត្តយុទ្ធសាស្ត្រលើកម្ពស់ប្រាក់រៀល។

ទន្ទឹមនេះ ធនាគារជាតិនៃកម្ពុជា បានសិក្សាពិនិត្យតាមដានយ៉ាងលម្អិតអំពីដំណើរវិវត្តន៍នៃចរាចរប្រាក់ដុល្លារ ឬហៅថាដុល្លារូបនីយកម្ម ក្នុងសកម្មភាពសេដ្ឋកិច្ចនៅកម្រិតមូលដ្ឋា​នដែលសំដៅដល់អង្គភាព, គ្រួសារ, សហគ្រាស និងគ្រឹះស្ថានហិរញ្ញវត្ថុនៅទូទាំងព្រះរាជាណាចក្រកម្ពុជា ដើម្បីត្រៀមដាក់ចេញនូវឧបករណ៍គោលនយោបាយលើកកម្ពស់ប្រាក់រៀលថ្មីៗបន្ថែមទៀត។

គម្រោងសិក្សាស្រាវជ្រាវដ៏ស៊ីជម្រៅនេះ ត្រូវបានអនុវត្តរួមគ្នាដោយធនាគារជាតិនៃកម្ពុជា និងវិទ្យាស្ថាន JICA Ogata Sadako Research Institute កាលពីឆ្នាំ២០១៤ និងឆ្នាំ ២០២៧ ក្នុងគោលបំណងប្រមូលមីក្រូទិន្នន័យនៅកម្រិតមូលដ្ឋានទូទាំងប្រទេស​ ដោយសារតែទិដ្ឋភាពក៏ដូចជាស្ថានភាពដុល្លារូបនីយកម្មនៅកម្ពុជាកន្លងមកត្រូវបានសិក្សាពិនិត្យតាមដាននៅត្រឹមតែកម្រិតម៉ាក្រូ ឬហៅថាវិស័យធនាគារ និងហិរញ្ញវត្ថុប៉ុណ្ណោះ។

សៀវភៅស្រាវជ្រាវកម្រិតស៊ីជម្រៅដែលមានចំណងជើងថា «ដុល្លារូបនីយកម្មនៅកម្ពុជា ៖ គោលនយោបាយក្នុងការអភិវឌ្ឍហិរញ្ញវត្ថុសម្រាប់ប្រទេសអភិវឌ្ឍន៍តិចតួច» ត្រូវបានផ្សព្វផ្សាយជាសាធារណៈកាលពីថ្ងៃទី១០ ខែវិច្ឆិកា ឆ្នាំ២០២៣ ក្រោមអធិបតីយភាពឯកឧត្តមបណ្ឌិត ជា ចាន់តូ ទេសាភិបាលកិត្តិយស ធនាគារជាតិនៃកម្ពុជា និងមានវត្តមាន​របស់ថ្នាក់ដឹកនាំធនាគារជាតិនៃកម្ពុជា ព្រមទាំងភ្ញៀវជាតិ និងអន្តរជាតិមកពីក្រសួង-ស្ថាប័នរដ្ឋាភិបាល ដៃគូអភិវឌ្ឍន៍ សមាគម និងអង្គការជាតិ និងអន្តរជាតិជាច្រើន នៅសណ្ឋាគារ Raffles Hotel Le Royal នារាជធានីភ្នំពេញ។

លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ដែលជាការីអ្នកនិ​ពន្ធសៀវភៅស្រាវជ្រាវថ្មីនេះបានមានប្រសាសន៍នៅក្នុងកម្មវិធីនោះថា ក្រុមអ្នកស្រាវជ្រាវ​សេដ្ឋកិច្ចមកពីស្ថាប័នទាំងពីរខាងលើ បានចុះប្រមូលមីក្រូទិន្នន័យពីអង្គភាព, គ្រួសារ, សហគ្រាស និងគ្រឹះស្ថានហិរញ្ញវត្ថុ ទាំង ២៥ខេត្ត-ក្រុង នៃប្រទេស​កម្ពុជា ដើម្បីពិនិត្យតាមដាន​ចរាចរណ៍ប្រាក់ដុល្លារនៅកម្រិតមូលដ្ឋានផ្ទាល់។

លោកជំទាវបណ្ឌិត ជា សិរី បានថ្លែងបន្ថែមទៀតថា ៖

«នៅក្នុងសៀវភៅដែលយើងផ្សព្វផ្សាយថ្ងៃនេះ យើងបានវិភាគយ៉ាងស៊ីជម្រៅទៅលើទិដ្ឋភាពដុល្លារូបនីយកម្មនៅប្រទេសកម្ពុជា ហើយយើងក៏បានបញ្ចូលគោលនយោបាយសំខាន់ៗ ដើម្បីឆ្លើយតបចំពោះបញ្ហាចរាចរណ៍ប្រាក់ដុល្លារ ដែលបានកើតឡើងទាំងក្នុងសកម្មភាពសេដ្ឋកិច្ចទូទៅ និងសេដ្ឋកិច្ចហិរញ្ញវត្ថុ។ ប៉ុន្តែ ទោះជាមានគោលនយោបាយទាំងនោះក៏ដោយ យើងនៅតែត្រូវការការចូលរួមពីស្ថាប័នពាក់ព័ន្ធ ដើម្បីបង្កើនប្រសិទ្ធភាពក្នុងសកម្មភាពអនុវត្តយុទ្ធសាស្ត្រលើកម្ពស់ប្រាក់រៀលបន្ថែមទៀត»។

សៀវភៅស្រាវជ្រាវរបស់ធនាគារជាតិនៃកម្ពុជាបានបញ្ជាក់ថា ក្នុងចំណោមក្រដាសប្រាក់រៀល ដុល្លារ បាត និងដុង ក្រដាសប្រាក់ដុល្លារបានគ្របដណ្តប់រហូតដលទៅជិត ៧៧ ភាគរយក្នុងខ្ទង់ចំណាយរបស់អង្គភាពគ្រួសារ លើម៉ូតូ និងរថយន្ត ខណៈប្រាក់រៀលបានត្រឹម ២០,៤ ភាគរយ តាមពីក្រោយដោយក្រដាសប្រាក់បាត ២,៦ ភាគរយ ប៉ុន្តែ ក្រដាសប្រាក់ដុងមិនមានចំណែកទេ។

អ្នកស្រាវជ្រាវក៏បានរកឃើញផងដែរថា អង្គភាពគ្រួសារប្រើប្រាស់ក្រដាសប្រាក់ដុល្លារច្រើនជាងក្រដាសប្រាក់រៀល ទៅលើខ្ទង់ចំណាយគ្រឿងសង្ហារឹម ផ្ទះជួល ប្រព័ន្ធទំនាក់ទំនង ដែលដូចជា កាតទូរស័ព្ទ និងអ៊ីនធ័រណិត ជាដើម ព្រមទាំងសំភារៈប្រើប្រាស់ចាំបាច់ផ្ទាល់ខ្លួន ដំណើរកម្សាន្ត សម្លៀកបំពាក់ និងស្បែកជើង ក្នុងចន្លោះពី ១២,២ ភាគរយទៅជិត ៤៦ ភាគរយ។

ទោះជាយ៉ាងនេះក្តី ទិន្នន័យស្រាវជ្រាវរបស់ធនាគារជាតិនៃកម្ពុជា និងអង្គការ JICA នៅក្នុងសៀវភៅស្រាវជ្រាវដដែលបានបញ្ជាក់ថា អង្គភាពគ្រួសារទូទាំងប្រទេស​កម្ពុជា រកប្រាក់ចំណូលជារូបីយវត្ថុជាតិប្រមាណ ៧១,៣ ភាគរយ នៃប្រាក់ចំណូលគ្រួសារសរុប ខណៈដែលប្រាក់ដុល្លារអាមេរិក ប្រាក់បាតថៃ និងដុងវៀតណាម ចូលរួមចំណែក ២៣,១ ភាគរយ ៥,៣ ភាគរយ និង ០,៣ ភាគរយ រៀងគ្នា។

សៀវភៅស្រាវជ្រាវនេះមានខ្លឹមសារដូច្នេះថា៖

«អង្គភាពគ្រួសារនៅប្រទេស​កម្ពុជា ជាទូទៅ ប្រើប្រាស់ប្រាក់រៀល សម្រាប់ទិញទំនិញដែលមានតម្លៃទាប ដូចជា ម្អូបអាហារ ភេសជ្ជៈ គ្រឿងស្រវឹង បារី ទឹក អគ្គិសនី និងរបស់របរប្រើប្រាស់ក្នុងបន្ទប់ទឹកជាដើម។ ចំណែកឯខ្ទង់ចំណាយធំៗ [គេ]ប្រើប្រាក់ដុល្លារ»។

ឯកសារស្រាវជ្រាវថ្មីនេះបានបង្ហាញផងដែរថា រាជធានីភ្នំពេញ ហាក់ដូចជាតំបន់ដែលមានចរាចរណ៍ប្រាក់ដុល្លារច្រើនជាងគេក្នុងប្រទេស​កម្ពុជា ដោយសារតែអង្គភាពគ្រួសារ​ដែលត្រូវបានសម្ភាសភាគច្រើនបានបញ្ជាក់ថា ប្រាក់ចំណូលរកបានជាប្រាក់ដុល្លារមាន ៤៥,១ ភាគរយ​នៃចំនួនទឹកប្រាក់ចំណូលគ្រួសារសរុប។ ប៉ុន្តែ សកម្មភាពសេដ្ឋកិច្ចដែលផ្តល់ប្រាក់ចំណូលជារូបីយវត្ថុជាតិ “រៀល” រួមមាន កសិកម្ម និងអាជីវកម្មលក់ដូរ ដែលគ្របដណ្តប់រហូតដល់ទៅ ៨៥,៥ ភាគរយ និង ៨២,៩ ភាគរយរៀងគ្នា ចំណែកឯប្រាក់ដុល្លារបានចូលរួមចំណែកត្រឹមតែ ៣,៥ ភាគរយ និង ១៤,៤ ភាគរយប៉ុណ្ណោះ ខណៈដែលសកម្មភាពសេដ្ឋកិច្ចដែលផ្តល់ប្រាក់ចំណូលជាប្រាក់ខែ ឬប្រាក់ឈ្នួលមានចំណែកជាប្រាក់ដុល្លាររហូតដល់ទៅ ៣៤,១ ភាគរយ។ ប្រាក់ចំណូលជាប្រាក់រៀលភាគច្រើនមានចំនួនចាប់ពី ៣០០ ដុល្លារចុះក្រោម ខណៈដែលប្រាក់ចំណូលជាប្រាក់ដុល្លារភាគច្រើនមានចំនួនលើសពី ៥ ០០០ ដុល្លារ។

ទាក់ទងនឹងប្រាក់កម្ចី សៀវភៅសេដ្ឋកិច្ចថ្មីនេះបញ្ជាក់ថា អង្គភាពគ្រួសារចំនួន ២ ២៧៣ ដែលក្រុមអ្នកស្រាវជ្រាវបានចុះសម្ភាស មានកម្ចីសរុបចំនួន ៧៨២ កម្ចី ហើយក្នុងចំណោមកម្ចីទាំងនោះ ៥៦០ ឬ ៧១,៦ ភាគរយ ជាកម្ចីជាប្រាក់ដុល្លារ ខណៈដែលកម្ចីជាប្រាក់រៀល និងប្រាក់បាតថៃមាន ២៤.៦ ភាគរយ និង ៣.៨ ភាគរយរៀងគ្នា។

សៀវភៅនេះមានខ្លឹមសារដូច្នេះថា ៖

«អតិថិជនគ្រឹះស្ថានធនាគារ និងមីក្រូហិរញ្ញវត្ថុជ្រើសរើសឥណទានជាប្រាក់រៀល ឬដុល្លារ អាស្រ័យទៅលើប្រតិបត្តិការសេដ្ឋកិច្ចរបស់គាត់ផ្ទាល់ ប៉ុន្តែគាត់ជ្រើសរើសយកឥណទានជាប្រាក់ដុល្លារ ដោយសារតែឥណទានជាប្រាក់ដុល្លារ ឬរូបីយប័ណ្ណបរទេសផ្សេងៗទៀត មានភាពងាយស្រួលជាងប្រាក់រៀល ប្រសិនបើឥណទាននោះមានទំហំធំ»។

អ្នកនិពន្ធសៀវភៅនេះក៏បានបកស្រាយផងដែរថា ៦០,៩ ភាគរយ ឬ ១,៣៨៥ អង្គភាពគ្រួសារ ក្នុងចំណោមអង្គភាពគ្រួសារដែលត្រូវបានសម្ភាស បាន និងកំពុងសន្សំប្រាក់ ជាពិសេសសម្រាប់ដោះស្រាយបញ្ហាសុខភាពក្នុងករណីបន្ទាន់ និងផែនការពង្រីកមុខរបរ ប៉ុន្តែមានតែ ២៦៦ អង្គភាពគ្រួសារប៉ុណ្ណោះដែលសន្សំប្រាក់ក្នុងប្រព័ន្ធផ្លូវការជាមួយគ្រឹះស្ថានធនាគារ និងមីក្រូហិរញ្ញវត្ថុ។

អ្នកនិពន្ធបានបញ្ជាក់ថា ៖ «យើងសង្កេតឃើញថា ចំនួនអង្គភាពគ្រួសារដែលដាក់ប្រាក់សន្សំជាមួយគ្រឹះស្ថានធនាគារ ឬមីក្រូហិរញ្ញវត្ថុកើនឡើង ប្រសិនបើប្រាក់ចំណូលរបស់គាត់កើនឡើង … អាចដោយសារតែពួកគាត់មានចំណេះដឹងផ្នែកហិរញ្ញវត្ថុ។ ប៉ុន្តែ បើពិនិត្យមើលកម្រិតប្រាក់ចំណូលវិញ យើងឃើញថា ប្រាក់សន្សំជារៀលមិនសូវជាពេញនិយមទេ នៅពេលប្រាក់ចំណូលកើនឡើង»។

លោក Kazumasa Sanui ប្រធានតំណាង JICA ប្រចាំកម្ពុជា បានមានប្រសាសន៍ថា សៀវភៅថ្មីនេះប្រមូលផ្តុំទិដ្ឋភាពជាច្រើនផ្សេងៗគ្នា និងស៊ីជម្រៅខ្លាំងជុំវិញដុល្លាររូបនីយកម្មនៅប្រទេស​កម្ពុជា ដូចជា ទិន្នន័យបរិមាណ និងប្រតិបត្តិការប្រើប្រាស់ប្រាក់ដុល្លារ ដែលប្រមូលបានពីភ្នាក់ងារសេដ្ឋកិច្ចនៅកម្រិតមូលដ្ឋាន ដូចជា អង្គភាពគ្រួសារ សហគ្រាស និងគ្រឹះស្ថានហិរញ្ញវត្ថុនៅទូទាំងប្រទេស។

លោកបានមានប្រសាសន៍ថា ៖

«ខ្ញុំមានទំនុកចិត្តថា សៀវភៅនេះនឹងផ្តល់គុណប្រយោជន៍យ៉ាងច្រើនដល់អ្នកអាន ដូចជា អ្នកតាក់តែងគោលនយោបាយ អ្នកស្រាវជ្រាវ និងសិស្ស-និស្សិត ដែលធ្វើការពាក់ព័ន្ធនឹងដុល្លាររូនីយកម្ម និងសេដ្ឋកិច្ច»។

លោកបានបន្ថែមថា ទោះបីជាគម្រោងសិក្សាស្រាវជ្រាវនេះនឹងត្រូវបញ្ចប់ក្នុង​ពេលឆាប់ៗខាងមុខនេះក៏ដោយ ក៏អង្គការ JICA កំពុងធ្វើការលើគម្រោងបច្ចេកទេស​ថ្មីជាមួយ ធនាគារជាតិនៃកម្ពុជា ពោលគឺគម្រោងពង្រឹងសមត្ថភាព​វិភាគ ស្រាវជ្រាវ និងប្រតិបត្តិការសេដ្ឋកិច្ច សម្រាប់គោលនយោបាយរូបីយវត្ថុ ដែលបានចាប់ផ្តើមជាផ្លូវការក្នុងឆ្នាំនេះ។

ចំណែកឯក្នុងផ្នែកអង្គភាពអាជីវកម្មវិញ ឯកសារស្រាវជ្រាវដដែលបានលើកឡើងថា ភាគច្រើនក្នុងចំណោមសហគ្រាសទាំងនោះ ត្រូវការឥណទានជាប្រាក់ដុល្លារ ខណៈដែលប្រាក់រៀលមានតិចតួចប៉ុណ្ណោះ ដោយសារតែម្ចាស់អាជីវកម្មបានបញ្ជាក់ទៅកាន់ក្រុមអ្នកស្រាវជ្រាវ​ថា ប្រតិបត្តិការអាជីវកម្មតម្រូវឲ្យពួកគេទូទាត់ជារូបិយប័ណ្ណបរទេស។ មូលហេតុសំខាន់ៗពីរទៀតគឺថា រូបិយប័ណ្ណបរទេស​មានភាពអំណោយផលច្រើនជាងរូបិយវត្ថុជាតិ សម្រាប់ឥណទានដែលមានទំហំធំ ហើយរូបិប័ណ្ណបរទេស​ស្ថិតក្នុងចំណោមលក្ខខណ្ឌតម្រូវសម្រាប់សហគ្រាសក្នុងការស្វែងរកឥណទាន។

អ្នកនិពន្ធបានពន្យល់ក្នុងសៀវភៅនេះថា៖

«អាចបណ្តាលមកពីទីផ្សារឥណទាននៅកម្ពុជាមិនទាន់អភិវឌ្ឍសំណាញ់ការពារករណីឃ្វាងគ្នារវាងរូបិយប័ណ្ណឲ្យបានពេញលេញ ជាហេតុនាំឲ្យសហគ្រាសក្នុងប្រទេស​ងាយប្រឈមខ្ពស់នឹងហានិភ័យនេះ ដែលអាចកើតឡើងនៅចន្លោះប្រតិបត្តិការអាជីវកម្ម និងទទួលបានកម្ចី»៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧