សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នគរូបនីយកម្ម និងសំណង់ បានក្លាយជាវិស័យមួយដើរតួនាទីយ៉ាងសំខាន់ក្នុងការទាក់ទាញវិនិយោគិនចូលមកបណ្ដាក់ទុន និងរស់នៅក្នុងប្រទេសកម្ពុជា ជាក់ស្ដែងនៅក្នុងរាជធានីភ្នំពេញ នារយៈពេលប៉ុន្មានឆ្នាំចុងក្រោយនេះមានជនបរទេស និងពលរដ្ឋកម្ពុជាពីបណ្ដាខេត្តនានាចូលមករស់នៅភ្នំពេញកាន់តែច្រើន។
ឯកឧត្តម នួន ផារ័ត្ន អភិបាលរងរាជធានីភ្នំពេញ បានមានប្រសាសន៍ថា រាជធានីភ្នំពេញក្នុងរយៈពេលពីរទសវត្សរ៍ចុងក្រោយនេះ មានការអភិវឌ្ឍរីកចម្រើនលើគ្រប់វិស័យ ក្នុងនោះវិស័យនគរូបនីយកម្ម សំណង់ ទេសចរណ៍ និងសេដ្ឋកិច្ច បានដើរតួនាទីឈានមុខគេ និងបានទាក់ទាញប្រជាពលរដ្ឋពីបណ្តាខេត្តនានា ក៏ដូចជាវិនិយោគិន ឱ្យចូលមករស់នៅ ធ្វើការប្រកបអាជីវកម្ម សិក្សារៀនសូត និងដាក់ទុនវិនិយោគ កើនឡើងជាលំដាប់ពីមួយឆ្នាំទៅមួយឆ្នាំ។
ឯកឧត្តមបន្តថា កំណើនប្រជាពលរដ្ឋកើនឡើងយ៉ាងឆាប់រហ័ស តម្រូវឱ្យរដ្ឋបាលរាជធានីភ្នំពេញត្រូវបង្កើនការយកចិត្តទុកដាក់ខ្ពស់ជាងមុនឱ្យស្របតាមតម្រូវការ និង សំណូមពររបស់ប្រជាពលរដ្ឋ ក្នុងនោះរួមមានប្រសិទ្ធភាព និងគុណភាព នៃការផ្គត់ផ្គង់ទឹកស្អាត អគ្គិសនី ការពង្រីកហេដ្ឋារចនាសម្ព័ន្ធ (ផ្លូវ ថ្នល់ ស្ពានអាកាស…) ការបញ្ចៀសការកកស្ទះចរាចរណ៍ ការគ្រប់គ្រងសំណល់រឹង-រាវ ដែលកិច្ចការទាំងនេះទាមទារឱ្យមានការគ្រប់គ្រងឱ្យបានល្អិតល្អន់ល្អប្រសើរប្រកបដោយនិរន្តរភាព និងសុវត្ថិភាព។
សម្រាប់រដ្ឋបាលរាជធានីភ្នំពេញ ការងារគ្រប់គ្រងទឹកកខ្វក់ និងសំណល់ភក់បង្គន់ គឺជាការងារអាទិភាពមួយ តាមរយៈការគ្រប់គ្រងឱ្យបាន៥០ភាគរយនៅត្រឹមឆ្នាំ២០៣០ សំដៅចូលរួមគាំទ្រឈានទៅសម្រេចបានគោលដៅអភិវឌ្ឍន៍ប្រកបដោយចីរភាពរបស់កម្ពុជា។ ផ្តើមចេញពីតម្រូវការជាក់ស្តែង និងឈរលើគោលដៅលើកកម្ពស់ វិស័យអនាម័យ ស្របតាមស្តង់ដានៃសង្គមស៊ីវិល័យក្នុងការគ្រប់គ្រង ទឹកកខ្វក់ និងសំណល់ភក់បង្គន់នេះហើយ ទើបផែនការមេស្ដីពី “ប្រព័ន្ធអនាម័យសម្រាប់ទាំងអស់គ្នាក្នុងទីក្រុង” របស់រាជធានីភ្នំពេញ ត្រូវបានបង្កើតឡើង ដែលអ្នកជំនាញការនឹងធ្វើបទបង្ហាញអំពីលទ្ធផលនៃការសិក្សាជូនអង្គសិក្ខាសាលាជ្រាបនាពេលបន្តិចទៀតនេះ ។
តាមការកត់សម្គាល់ជាក់ស្ដែងបានបង្ហាញ កំណើននៃអគារខ្ពស់ៗ និងកំណើនប្រជាពលរដ្ឋចូលមករស់នៅភ្នំពេញកាន់តែច្រើននេះ បានធ្វើឱ្យតម្រូវការនៃការប្រើប្រាស់ទឹក ប្រើប្រាស់អគ្គិសនីក៏មានការកើនឡើងដែរ ដូច្នេះ រដ្ឋាភិបាលក៏បានខិតខំក្នុងការអភិវឌ្ឍ និងបង្កើនការផ្គត់ផ្គង់ទឹក និងអគ្គិសនីបន្ថែមទៀត ដើម្បីបំពេញតម្រូវការពលរដ្ឋ ។
បើតាមអ្នកអភិវឌ្ឍន៍អចលនទ្រព្យជាច្រើននៅក្នុងប្រទេសកម្ពុជាបានបញ្ជាក់ថា រាល់ការវិនិយោគរបស់ពួកគេ គឺគេយកភ្នំពេញជាគោលដៅអាទិភាព បន្ទាប់មកគឺខេត្តព្រះសីហនុ ខេត្តសៀមរាប ជាក់ស្ដែងតំបន់ទាំងបីនេះ មានការរីកដុះដាលលើសំណង់អគារខ្ពស់ ហើយរដ្ឋាភិបាលក៏បានចំណាយថវិកាជាច្រើនដើម្បីអភិវឌ្ឍន៍តំបន់នេះឱ្យលេចធ្លោជាងគេដែរ ៕
Account
Security
Favourite Content