សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ចីឥណទានផ្លូវការត្រូវបានទទួលស្គាល់ជាប្រភពទុនសំខាន់សម្រាប់ការពង្រីកអាជីវកម្ម និងការបើកអាជីវកម្ម ទោះយ៉ាងជានេះក្តី បច្ចុប្បន្ន ក៏នៅមានកម្ចីឥណទានក្រៅផ្លូវការដែលបង្កហានិភ័យខ្ពស់ដល់អ្នកប្រើប្រាស់ផងដែរ។
ការប្រើប្រាស់ឥណទានក្រៅផ្លូវការនេះ ត្រូវបានមើលឃើញថា មានហានិភ័យខ្ពស់ ដោយអត្រាការប្រាក់ខ្ពស់ និងអាចរុញច្រានឱ្យអ្នកប្រើប្រាស់ឥណទានក្រៅផ្លូវការជាប់នូវបំណុលលើសលប់។ ទោះបីជាយ៉ាងក៏ដោយ អតិថិជនដែលមានតម្រូវការកម្ចីតែងតែមានការត្អួញត្អែរថា ការទទួលបានឥណទានផ្លូវការពីធនាគារ និងគ្រឹះស្ថានហិរញវត្ថុគឺមានភាពស្មុគស្មាញ និងនីតិវិធីច្រើន ដែលធ្វើឱ្យប្រជាជនមួយចំនួនងាកទៅខ្ចីបុលពីឯកជនដែលជាកម្ចីឥណទានក្រៅផ្លូវការជាជាងប្រើប្រាស់កម្ចីផ្លូវការពីស្ថាប័នធនាគារ និងគ្រឹះស្ថានមីក្រូហិរញ្ញវត្ថុ។
លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារ អេស៊ីលីដា ភីអិលស៊ី បានថ្លែងថា ធម្មតា ឥណទានផ្លូវការនៅតាមគ្រឹះស្ថានធនាគារ និងហិរញ្ញវត្ថុតែងមាន ឬយកផែនការអាជីវកម្មជាគោល ដែលការប្រកាន់គោលការនេះហើយបណ្តាលឱ្យអតិថិជនគិតថា ទី១មានភាពស្មុគស្មាញ , ទី២) ពាក្យស្នើសុំកម្ចី និងបែបបទមានភាពស្មុគស្មាញ និង ទី៣) តម្រូវការបញ្ជាក់ពីអាជ្ញាធរពាក់ព័ន្ធ។
លោកបណ្ឌិតបានលើកឡើងថា ៖
“សួរថា តើគ្រឹះស្ថានធនាគារ និងហិរញ្ញវត្ថុទម្លាក់ការទាមទារ និងការតម្រូវនេះ ចោលទេ? លោកថា យើងមិនទម្លាក់វាចោល ប៉ុន្តែគ្រាន់តែយើងកែសម្រួលពីច្រើនទំព័រមកតិចទំព័រវិញ ដើម្បីឱ្យមានភាពងាយស្រួលក្នុងការដាក់ពាក្យសុំ ក៏ដូចជាការបំពេញផែនការអាជីវកម្ម”
លោកបណ្ឌិត អ៊ិន ចាន់នី បានថ្លែងថា ៖
“ចំពោះសេវាកម្មក្រៅផ្លូវការងាយត្រង់ថា អតិថិជនមិនចាំបាច់ធ្វើទាំងអស់។ ដូច្នេះយើងត្រូវថ្លឹងថ្លែងសេវាទាំងពីរ។ សួរថា តើយើងធ្វើដូចម្តេចចំពោះស្ថាប័នផ្លូវការ យើងសម្រួលបែបបទផ្សេងៗឱ្យវាងាយ ដើម្បីឱ្យអតិថិជនបានប្រើប្រាស់សេវាហិរញ្ញវត្ថុផ្លូវការ”
លោកបណ្ឌិត បានបញ្ជាក់ថា ៖
“ដូច្នេះស្ថាប័នផ្លូវការមានតែសម្រួលទម្រង់ ៣ ដែលខ្ញុំបានលើកឡើង ក្នុងនោះទី១) ពាក្យសុំ ទី២) ផែនការអាជីវកម្ម និងទី៣) តម្រូវអាជ្ញាធរពាក់ព័ន្ធ។ យើងសម្រួលទម្រង់ទាំង ៣ នេះទៅ ដើម្បីអតិថិជនបានប្រើប្រាស់សេវាងាយ ហើយក៏មានប្រ័ពន្ធហេដ្ឋារចនាសម្ព័ន្ធឌីជីថល (Mobile App) ដើម្បីឱ្យអតិថិជនទទួលបានការដាក់ពាក្យខ្ចី និងទម្រង់ហិរញ្ញវត្ថុផ្សេងៗបានច្រើន”
លោក សុខ វឿន ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា (CMA)បានថ្លែងថា ក្នុងនាមជាស្ថាប័នផ្លូវការ គឺត្រូវតែមានលក្ខណៈវិនិច្ឆ័យមួយសមស្រប ហើយមិនអាចបន្ធូរលក្ខណៈវិនិច្ឆ័យឱ្យធ្លាក់ដល់ចំណុចមួយទាបបំផុតនោះទេ។
លោកបានលើកឡើងដូច្នេះថា ៖
“បើយើងទម្លាក់ការទាមទារ ឬការតម្រូវនេះ (Requirement) មានន័យថាម៉េច? បើយើងទម្លាក់ មានន័យថា យើងចេះតែឱ្យកម្ចីដោយគ្មានពិចារណា គ្មានមូលដ្ឋានគ្រឹះនៃការវាយតម្លៃប្រកបដោយទទួលខុសត្រូវ ធ្វើឱ្យអតិថិជនមានបំណុលច្រើនលើសលប់ ធ្វើឱ្យអតិថិជនមានបំណុលដែលមិនអាចសងបាន វាជះឥទ្ធិពលអាក្រក់ដល់គ្រឹះស្ថានមីក្រូហិរញ្ញវត្ថុយើង”
លោក សុខ វឿន បានថ្លែងបន្តថា ដូច្នេះទាក់ទងនឹងបញ្ហាទាំងអស់នេះ ឯកសារតម្រូវ ឬក៏ពិនិត្យពិច្ច័យឱ្យបានច្បាស់លាស់មុនពេលផ្តល់កម្ចី គឺត្រូវអនុវត្តឱ្យខាងតែងបាន មិនអាចលើកលែងបាននោះទេ។ បុគ្គលិក ឬមន្ត្រីនឹងធ្វើការសម្រួលជូនអតិថិជន មានន័យថា នឹងណែនាំប្រាប់គាត់ថា តើឯកសារអ្វីខ្លះ នឹងតម្រូវឱ្យមាន និងលក្ខខណ្ឌអ្វីដែលត្រូវការ។ សូមបញ្ជាក់ថា កម្ចីឥណទានផ្លូវការ គឺកម្ចីដែលផ្តល់ឱ្យដោយគ្រឹះស្ថានធនាគារ និងហិរញ្ញវត្ថុផ្លូវការ ដែលទទួលស្គាល់ធនាគារជាតិនៃកម្ពុជា៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content