សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលកម្ពុជាតាមរយ:ក្រសួងបរិស្ថានដែលជាសេនាធិការ និងរដ្ឋបាលខេត្តព្រះសីហនុ បានបើកកិច្ចប្រជុំ ត្រួតពិនិត្យគម្រោងអភិវឌ្ឍន៍ទេសចរណ៍ផ្សារភ្ជាប់ និងធម្មជាតិខ្នាតតូច ក្នុងតំបន់ការពារធម្មជាតិ និងរបៀងអភិរក្សជីវៈចម្រុះខ្នាតតូចក្រោម ១០ហិកតា នៅក្នុងមូលដ្ឋានខេត្តព្រះសីហនុ។
កិច្ចប្រជុំនេះ ត្រូវបានរៀបចំឡើងដោយមានការស្នើសុំវិនិយោគពីវិស័យឯកជនអភិវឌ្ឃន៍នៅក្នុងខេត្តព្រះសីហនុចំនួន ៥៧គម្រោង ក្រោមវត្តមាន ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងឯកឧត្តម ឡុង ឌីម៉ង់ អភិបាលរងខេត្តព្រះសីហនុ កាលពីថ្ងៃចុងសប្ដាហ៍កន្លងទៅនេះ។
ក្នុងកិច្ចប្រជុំនេះ ឯកឧត្តម ឡុង ឌីម៉ង់ បានស្នើរដ្ឋមន្ត្រីក្រសួងបិរស្ថាន ពិចារណាលើការធ្វើនិរាករណ៍គម្រោងវិនិយោគដែលទទួលបានគោលការណ៍អនុញ្ញាតឱ្យអភិវឌ្ឍទេសចរណ៍ផ្សារភ្ជាប់នឹងធម្មជាតិ តែមិនមានសកម្មភាព ដើម្បីយកទីតាំងដែលមានសក្តានុពលទាំងអស់ត្រឡប់មកវិញ ទុកជូនក្រុមហ៊ុន ឬវិនិយោគិនដែលមានលទ្ធភាពគ្រប់គ្រាន់ក្នុងការអភិវឌ្ឍប្រកបដោយមេត្រីភាពបរិស្ថាន ក្នុងគោលដៅចូលរួមលើកកំពស់សេដ្ឋកិច្ចមូលដ្ឋាន និងធ្វើពិពិធកម្មវិនិយោគិននៅក្នងខេត្ត។
គួររំលឹកផងដែរថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីកន្លងទៅ ក៏ធ្លាប់បានស្នើឱ្យស្ថាប័នពាក់ព័ន្ធ និងអាជ្ញាធរ ត្រូវពង្រឹង និងពង្រីកនៅតាមមូលដ្ឋានភូមិ-ឃុំ ដោយកែច្នៃទៅជាតំបន់ទេសចរណ៍ តាមរយៈការអភិវឌ្ឍទេសចរណ៍ផ្សារភ្ជាប់នឹងទឹកដី ដើម្បីជួយដល់សហគមន៍ការពារព្រៃឈើ និងអភិរក្សធនធានធម្មជាតិ៕
Account
Security
Favourite Content