រយៈពេល​ ២ ខែ ការនាំចេញ​ទំនិញពីតំបន់សេដ្ឋកិច្ចពិសេសមួយនៅភ្នំពេញ សម្រេចបានទឹកប្រាក់​ជាង ​៣២០ លានដុល្លារ

ភ្នំពេញ ៖ ការនាំចេញទំនិញពីតំបន់​សេដ្ឋកិច្ចពិសេស​រ៉ូយ៉ាល់គ្រុប​ភ្នំពេញក្នុងរយៈពេល ​២ ខែដើមឆ្នាំ ២០២៦​ នេះ មានទឹកប្រាក់ ៣២៥,៣៦ លានដុល្លារអាម៉េរិក បើធៀបនឹង​រយៈពេល​ដូចគ្នា​ក្នុងឆ្នាំ ២០២៥ មានកំណើន ១៣,៨ ភាគរយ​។ តាមរយៈទំហំនៃការ​នាំចេញនេះ​បានបង្ហាញពី​ភាពរឹងមាំរបស់តំបន់សេដ្ឋកិច្ចពិសេស​រ៉ូយ៉ាល់​ភ្នំពេញ សម្រាប់ឆ្នាំ២០២៦។

យោងតាម​របាយការណ៍របស់ក្រុមហ៊ុន​រ៉ូយ៉ាល់គ្រុប សកម្មភាពពាណិជ្ជកម្ម​នៅក្នុងតំបន់​សេដ្ឋកិច្ចពិសេស​រ៉ូយ៉ាល់​គ្រុប​ភ្នំពេញ បាន​បញ្ជាក់ពី​កំណើនគួរឱ្យចាប់អារម្មណ៍ផងដែរ ដែលបង្ហាញពីការ​កើនឡើង​នៃទំនុកចិត្ត​របស់​វិនិយោគិន និងការពង្រីក​ប្រតិបត្តិការឧស្សាហកម្ម​។

ជាក់ស្ដែង​ក្នុងរយៈពេល ​២ ខែ​ ឆ្នាំ ២០២៥ ការនាំចេញទំនិញពី​តំបន់សេដ្ឋកិច្ចពិសេស​មានទឹកប្រាក់ ២៨៥,៨៧ លានដុល្លារអាម៉េរិក ហើយសម្រាប់ ២ ខែឆ្នាំ ២០២៦ នេះ ការនាំចេញពីតំបន់​សេដ្ឋកិច្ច​ពិសេស​នេះ​មានទឹកប្រាក់​កើនឡើងដល់ ៣២៥,៣៦ លានដុល្លារអាម៉េរិក​។ ការកើនឡើង​នៃទំហំទឹកប្រាក់នាំចេញនេះ បានបង្ហាញពីការ​ពង្រីក​សមត្ថភាព​ផលិតកម្មជា​បន្ត​បន្ទាប់ ​និងការ​ពង្រីក​សកម្មភាពខ្សែច្រវាក់​ផ្គត់ផ្គង់​នៅក្នុងតំបន់។​

របាយការណ៍ដដែល​ឱ្យដឹងថា គិតត្រឹមខែកុម្ភៈ ឆ្នាំ២០២៦ តំបន់​សេដ្ឋកិច្ចពិសេស​រ៉ូយ៉ាល់​គ្រុប​ភ្នំពេញ មាន​កម្មករ កម្មការិនី​កំពុង​បំពេញការងារ រហូតដល់​ ៥៥ ៩៣៥ នាក់​ ដែល​បានជួយ​សម្រួលដល់ជីវភាពក្រុមគ្រួសារ​របស់ពួកគេ និងបានរួម​ចំណែក​ដល់ការអភិវឌ្ឍ​កម្លាំង​ពលកម្ម​ជំនាញផងដែរ។

អ្នកឧកញ៉ា​គិត ម៉េង ប្រធាន​ក្រុម​ប្រឹក្សាភិបាល​នៃក្រុមហ៊ុន រ៉ូយ៉ាល់​គ្រុប​ភ្នំពេញ អេសអ៊ីហ្សិត​ បាន​មានប្រសាសន៍ថា ការ​រីក​ចម្រើន​ជា​បន្តបន្ទាប់ និង​ប្រតិបត្តិការឈាន​មុខ​ជា​លំដាប់​របស់​ក្រុមហ៊ុន​តំបន់សេដ្ឋកិច្ច​ពិសេសនេះ គឺបានឆ្លុះ​បញ្ចាំងពី​ទំនុកចិត្ត​ដែលក្រុមហ៊ុន​បាន​ទទួលពី​វិនិយោគិន និងការ​ខិតខំប្រឹង​ប្រែងរបស់ភាគីពាក់ព័ន្ធទាំងអស់​នៅក្នុងតំបន់នេះ។

អ្នក​ឧកញ៉ា​បានបន្ត​ថា ក្រុមហ៊ុនពិត​ជា​មានមោទនភាពជា​ខ្លាំង ក្នុងការ​ចូលរួម​ចំណែកដល់ការ​អភិវឌ្ឍសេដ្ឋកិច្ច​របស់​ប្រទេសកម្ពុជា ដោយការ​គាំទ្រ​ដល់​ការ​ពង្រីកវិស័យ​ឧស្សាហកម្ម កំណើន​ពាណិជ្ជកម្ម និងការ​បង្កើត​ឱកាស​ការងារ។

អ្នកឧកញ៉ា​ក៏បានកោតសរសើរ​​ និង​ដឹងគុណដល់រាជរដ្ឋាភិបាលកម្ពុជា ដែលបានគាំទ្រ​ដល់​តំបន់​សេដ្ឋកិច្ច ក្នុងការ​រក្សា​បរិយាកាស​វិនិយោគដ៏មាន​ស្ថិរភាព និងងាយស្រួលសម្រាប់អាជីវកម្ម ។ ភាពជាដៃគូដ៏រឹងមាំនេះ បានដើរតួនាទីយ៉ាងសំខាន់​ក្នុងការ​ទាក់ទាញ​វិនិយោគ​ និងជំរុញវឌ្ឍនភាពសេដ្ឋកិច្ច​ប្រកបដោយចីរភាពសម្រាប់ប្រទេស​ជាតិ។​

យោងតាមរបាយការណ៍របស់ក្រសួងឧស្សាហកម្ម វិទ្យាសាស្ត្រ​ បច្ចេកវិទ្យា និង​នវានុវត្ត​ន៍ បានឱ្យដឹងថា គិតត្រឹម​ឆ្នាំ ២០២៥​​ នៅទូទាំងប្រទេស​កម្ពុជា មានតំបន់​សេដ្ឋកិច្ចពិសេសដែលកំពុងដំណើរ​ការ​សរុប ​៣៤​តំបន់ ស្ថិតនៅក្នុង​ ១១ រាជធានី-ខេត្ត ដែលមានកំណើន​ ៤ តំបន់ ធៀបនឹងឆ្នាំ ២០២៤។

ក្នុង​ចំណោម​រាជធានី/ខេត្តទាំង ​១១ ដែល​មានតំបន់សេដ្ឋកិច្ចពិសេស​ដំណើរការ ឃើញថា ​ខេត្ត​ស្វាយរៀង​មានតំបន់​សេដ្ឋកិច្ច​ដែលមានរោងចក្រ​ដំណើរការ​ច្រើន​ជាង​គេរហូតដល់ ១២ ​តំបន់​ បន្ទាប់មកគឺខេត្តព្រះសីហនុ មានចំនួន ​៦ ​តំបន់ ខេត្ត​កណ្ដាល ៣ តំបន់ ខេត្តកោះកុង ៣ តំបន់ ខេត្ត​បន្ទាយមានជ័យ ​៣ តំបន់ កំពង់​ស្ពឺ ២ តំបន់។ ដោយឡែក​ខេត្ត​ចំនួន ​៥ ផ្សេង​ទៀត រួមមានខេត្ត​កំពង់ចាម កំពត ក្រចេះ ពោធិ៍សាត់ និ​ងរាជធានីភ្នំពេញ មានតំបន់សេដ្ឋកិច្ចចំនួន ​១ ​តំបន់​ដូចគ្នា៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​


Leave a Reply

Your email address will not be published.Required fields are marked *