សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ នាយករដ្ឋមន្ត្រីថ្មីរបស់ជប៉ុនបានបង្ហាញពីបំណងចង់ស្តារសេដ្ឋកិច្ចរបស់ប្រទេសឡើងវិញ ជាមួយនឹងផែនការវិនិយោគលើវិស័យសំខាន់ៗចំនួន ១៧ នេះបើយោងតាមការរាយការណ័ពី CNA។
កាលពីខែតុលា លោកស្រី Sanae Takaichi ត្រូវបានតែងតាំងជានាយករដ្ឋមន្ត្រីទី ៥ របស់ប្រទេសជប៉ុន និងបានបង្កើតក្រុមប្រឹក្សាយុទ្ធសាស្ត្រកំណើនសេដ្ឋកិច្ចរបស់ប្រទេស ដោយបានបើកកិច្ចប្រជុំលើកដំបូងកាលពីល្ងាចថ្ងៃចន្ទ សប្ដាហ៍នេះ។ នៅថ្ងៃអង្គារ៍នេះ ឯកសាររបស់រដ្ឋាភិបាលជប៉ុនបានបង្ហាញពីផែនការរបស់នាយករដ្ឋមន្ត្រីថ្មី លោកស្រី Sanae Takaichi ចង់ស្តារសេដ្ឋកិច្ចប្រទេសឡើងវិញ ដោយការវិនិយោគលើវិស័យសំខាន់ៗចំនួន ១៧ រួមមាន បញ្ញាសិប្បនិម្មិត (AI) ឈីប និងការកសាងនាវា។ សេចក្តីសម្រេចចុងក្រោយនៃផែនការនេះនឹងបញ្ចប់នៅឆ្នាំ២០២៦ ខណៈដែលបច្ចុប្បន្ននេះកំពុងរៀបចំកញ្ចប់ថវិកាដើម្បីជំរុញសេដ្ឋកិច្ចថ្មីក្នុងទំហំលើសពី ១០ ទ្រីលានយ៉េន (៦៥ ពាន់លានដុល្លារ)។ លើសពីនេះ នៅមានការរវិនិយោគទៅលើវិស័យការពារជាតិ ឱសថ រ៉ែកម្រសំខាន់ៗ លំហអាកាស សន្តិសុខតាមអ៊ីនធឺណិត បចេ្ចកវិទ្យាកង់ទិច និងនុយក្លេអ៊ែរ។
លោកស្រី Takaichi បានថ្លែងនៅក្នុងកិច្ចប្រជុំដែលចូលរួមដោយរដ្ឋមន្ត្រី និងអ្នកជំនាញថា ៖
«ខ្ញុំស្នើឱ្យរដ្ឋមន្ត្រីពាក់ព័ន្ធធ្វើការលើការធានានូវថវិកាបន្ថែមចាំបាច់ និងអនុវត្តវិធានការពន្ធ ហើយចាប់ផ្តើមធ្វើការឲ្យបានឆាប់រហ័សតាមអ្វីដែលអាចធ្វើបាន» ។
សូមបញ្ជាក់ដែរថា ពលរដ្ឋជប៉ុនភាគច្រើននៅតែមានក្ដីបារម្ភទៅលើខ្ទង់ចំណាយប្រចាំថ្ងៃខ្ពស់ខណៈដែលតម្លៃទំនិញផ្សេងៗមានការកើនឡើង ខណៈកម្រិតនៃអតិផរណានេះ គឺជាមូលហេតុដ៏ធំមួយដែលធ្វើឲ្យអតីតនាយករដ្ឋមន្ត្រី លោក Shigeru Ishiba មិនជាប់ឆ្នោតក្នុងការកាន់តំណែងបន្ត៕
Account
Security
Favourite Content