សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ វិនិយោគិនចិន នៅតែរក្សាបានលំដាប់លេខ១ក្នុងនាមជាអ្នកបណ្តាក់ទុនច្រើនជាងគេនៅកម្ពុជា ដែលតំណែងនេះរក្សាបានជាប់គ្នាជាច្រើនឆ្នាំមកហើយ។
យោងតាមក្រុមប្រឹក្សាអភិវឌ្ឍន៍កម្ពុជា ក្នុងរយៈពេល១១ខែនៃឆ្នាំ២០២៥ គិតពីខែមករាដល់វិច្ឆិកា គណៈកម្មាធិការវិនិយោគកម្ពុជាបានសម្រេចចុះបញ្ជីគម្រោង វិនិយោគចំនួន ៦០៩គម្រោង ក្នុងទំហំទុនវិនិយោគសរុបប្រមាណ ៩,៥ប៊ីលានដុល្លារអាម៉េរិក។
ក្នុងចំណោមទុនវិនិយោគប្រមាណ ៩,៥ប៊ីលានដុល្លារអាម៉េរិកនេះ ចិនមានចំណែក៥២,៦២ភាគរយ តាមពីក្រោយដោយកម្ពុជា ដែលមានចំណែក៣២,៤៩ភាគរយ និងសិង្ហបុរីជាប់លំដាប់លេខ៣ មាន៤,៤៩% វៀតណាម ៤,៣០% កោះ British Virgin ១,៦៥% ចក្រភពអង់គ្លេស ០,៤២%និង សហរដ្ឋអាមេរិក 0,៤៤% ។
សូមបញ្ជាក់ថា៖ក្នុងគម្រោងវិនិយោគជាង៩ប៊ីលានដុល្លារនេះ ការវិនិយោគលើវិស័យឧស្សាហកម្ម៥,៧ប៊ីលានដុល្លារ ហេដ្ឋារចនាសម្ព័ន្ធនិងវិស័យផ្សេងៗមានចំនួន៣,១ប៊ីលានដុល្លារ វិស័យកសិកម្មនិងកសិឧស្សាហកម្ម៤៣៦លានដុល្លារ និងវិស័យទេសចរណ៍១៧៥លានដុល្លារ។
ឯកឧត្តម លឹម វិសាល អគ្គលេខាធិការរងគណៈកម្មាធិការវិនិយោគកម្ពុជា បានលើកឡើងនាពេលកន្លងមកថ្មីៗនេះថា៖ការកើនឡើងនៃការវិនិយោគ ដោយសារស្ថិរភាពម៉ាក្រូសេដ្ឋកិច្ចកម្ពុជា, កំណើនយ៉ាងគំហុកនៃរំហូរវិនិយោគបរទេសផ្ទាល់មកកម្ពុជាក្នុងរយៈប៉ុន្មានឆ្នាំចុងក្រោយនេះ, វឌ្ឍនភាពនៃការអភិវឌ្ឍតំបន់សេដ្ឋកិច្ចពិសេស, របបលើកទឹកចិត្តវិនិយោគ, កត្តាគន្លឹះនៃការទាក់ទាញវិនិយោគមកកម្ពុជា, កិច្ចសម្រួលនិងការថែទាំវិនិយោគ ព្រមទាំងវិធានការគាំទ្រផ្សេងៗដែលរាជរដ្ឋាភិបាលបានបន្តដាក់ចេញសម្រាប់លើកកម្ពស់បរិយាកាសវិនិយោគនិងធុរកិច្ចនៅកម្ពុជាឱ្យកាន់តែមានភាពប្រកួតប្រជែងខ្ពស់។
គួររម្លឹកថា៖ នៅឆ្នាំ២០២៤ ប្រទេសចិនបានវិនិយោគនៅកម្ពុជា ក្នុងទំហំទឹកប្រាក់ ៣.៤៥ពាន់លានដុល្លារអាមេរិកដែលរួមចំណែកប្រមាណ ៥០%នៃទុនវិនិយោគសរុបដែលកម្ពុជាទទួលបាន ៦.៩ពាន់លានដុល្លារអាមេរិក។នេះបើយោងតាមរបាយការណ៍ក្រុមប្រឹក្សាអភិវឌ្ឍន៍កម្ពុជា។
ចំណែកកម្ពុជាស្ថិតនៅលំដាប់លេខរៀងទី២ ដែលបានរួមចំណែកប្រមាណ៣៤% ក្នុងទំហំទឹកប្រាក់ ២.៣ពាន់លានដុល្លារ ខណៈវៀតណាមស្ថិតនៅលេខរៀងទី៣ រួមចំណែក៨% ក្នុងទំហំទឹកប្រាក់ ០.៥៥ពាន់លានដុល្លារ។ តាមពីក្រោយវៀតណាម គឺប្រទេសសិង្ហបុរី ដែលមានចំណែកវិនិយោគ ៣.៨៣% , កោះ Cayman មានចំណែក ០.៧១% និងម៉ាឡេស៊ី មានចំណែកវិនិយោគ ០.៦៥%៕
Account
Security
Favourite Content