សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការបង្ហោះខ្លែងឯក ជាល្បែងប្រពៃណីមួយប្រភេទដែលមានដើមកំណើតយូរលុងណាស់មកហើយ ដែលបច្ចុប្បន្នបងប្អូនប្រជាពលរដ្ឋខ្មែរ ជាពិសេសអ្នកដែលរស់នៅតាមតំបន់ជនបទតែងតែបង្ហោះលេងនៅរដូវធ្លាក់ខ្យល់ ហើយក្នុងនោះខ្លែងឯកខ្មែរ ដែលជាខ្លែងមួយប្រភេទមានរូបរាងធំ និងមានឯកជាឧបករណ៍បង្ករ សំឡេងយ៉ាងលន្លង់លន្លោចនៅពេលបង្ហោះទៅលើអាកាសនោះចាប់ផ្ដើមល្បីល្បាញឡើងវិញក្រោយស្ងប់ស្ងាត់ជាច្រើនឆ្នាំ ហើយថែមទាំងមានកម្មវិធីប្រកួតគ្នាយកពាន់រង្វាន់ថែមទៀតផង។
ដោយសារពាក្យចចាអារាមមួយចំនួនដែលបានបំភ្លើសថា កាលណាខ្លែងឯកធ្លាក់លើដំបូលផ្ទះអ្នកណានឹងនាំនូវភាពចង្រៃដល់ផ្ទះនោះ ដែលពំនោលនេះបានធ្វើឱ្យប្រជាប្រិយភាពរបស់ខ្លែងឯកខ្មែរធ្លាក់ចុះជាបន្តបន្ទាប់ ក៏ប៉ុន្តែនៅពេលបច្ចុប្បន្ននេះ ប្រជាប្រិយភាពខ្លែងឯកខ្មែរចាប់ផ្តើមមានប្រជាប្រិយភាពឡើងវិញជាបណ្តើរៗពីសំណាក់អ្នកជំនាន់ក្រោយបន្ទាប់ពីមានការពន្យល់របកស្រាយពីអត្ថន័យរបស់ខ្លែងឯកជាបន្តបន្ទាប់រហូតធ្វើឲ្យមានអ្នកចង់ចេះធ្វើខ្លែងឯកខ្មែរថែមទៀតផង។
លោក ឃីម យន ជាអ្នកជំនាញធ្វើខ្លែងឯកខ្មែរ ស្ថិតក្នុងភូមិព្រៃពង្រ សង្កាត់ពញាពន់ ខណ្ឌព្រែកព្នៅ រាជធានៅភ្នំពេញបានប្រាប់ AMS ឲ្យដឹងថា បច្ចុប្បន្ននេះ ខ្លែងឯកខ្មែរហាក់ដូចជាមានការពេញនិយមឡើងវិញ ដោយសារសម្បូរក្មេងៗក្នុងភូមិចង់ចេះធ្វើ ហើយមករៀនធ្វើជាបន្តបន្ទាប់ ចំណែកឯក្រសួងវិចិត្រសិល្បៈក៏ចាប់អារម្មណ៍គាំទ្រក្នុងការធ្វើយ៉ាងណាឲ្យមានប្រជាប្រិយភាពឡើងវិញច្រើនដែរ។
អ្នកជំនាញរូបនេះបានបន្តឲ្យថា គាត់តែងធ្វើខ្លែងឯកខ្មែរនេះនៅពេលទំនេរពីការងារ ដើម្បីបង្ហោះលេងកម្សាន្តប៉ុណ្នោះ ពុំមានជាអាជីវកម្មធំដុំឡើយ ប៉ុន្តែនៅពេលមានអ្នកស្គាល់មកសុំទិញ គាត់ក៏ធ្វើឱ្យគេ និងយកឈ្នួល ៦០ដុល្លារសម្រាប់ខ្លែងឯកមួយដែលមានទំហំ ៥តឹក និងតម្លៃ ១០០ដុល្លារ ចំពោះខ្លែងឯកទំហំ ៧តឹក។
លោកបន្ថែមថា សព្វថ្ងៃនេះលោកផលិតខ្លែងឯកមិនទាន់សម្រាប់តម្រូវការអតិថិជននោះទេ ដោយសារការធ្វើខ្លែងឯកត្រូវការភាពស្ងប់ស្ងាត់ ចំណាយពេលច្រើន និងផ្ដោតអារម្មណ៍ខ្លាំងទើបអាចផលិតបានល្អ ជាពិសេសត្រូវស្វែងរកស្លាបឯកណាដែលស័ក្ដិសមនឹងទំហំតួខ្លែង ហើយត្រូវនឹងជំនោរខ្យល់ផងដែរ។ ក្រៅពីនេះ គេក៏ត្រូវការវត្ថុធាតុដើមច្រើនក្នុងការផលិត ដូចជា តួខ្លែងគេត្រូវការ ឫស្សីដែលមានខ្លឹមល្អអាចទប់ទល់នឹងខ្យល់បាន ក្រដាសប្លាស្ទិច និងក្រណាត់ ចំណែកឯផ្នែកឯក គេត្រូវការផ្ដៅអំបោះទើបឮសំឡេងពីរោះល្អ។ ដោយឡែកសម្រាប់ការផលិតខ្លែងឯកខ្មែរនេះ គេត្រូវការរយៈពេលប្រមាណពីរថ្ងៃក្នុងករណីមានសម្ភារស្រាប់ ឬអាចយូរជាងនេះបើគេមិនទាន់មានសម្ភារគ្រប់គ្រាន់សម្រាប់ផលិត។
អ្នកជំនាញផលិតខ្លែងឯកខ្មែរដែលមានវ័យ ៥២ឆ្នាំរូបនេះបានបន្ថែមថា កាលពីជំនាន់មុន ការបង្ហោះខ្លែងគេច្រើនលេងនៅពេលរសៀល ឬពេលព្រលប់ព្រោះមានលំហូរខ្យល់ខ្លាំង ប៉ុន្តែបច្ចុប្បន្នភាគច្រើនគេលេងនៅពេលព្រឹក ព្រោះក្រៅពីមានលំហូរខ្យល់សមល្មមអាចបង្ហោះឡើងបានល្អ គឺអាចមើលឃើញផ្ទាល់ភ្នែកច្បាស់។ ជាងនេះទៅទៀត ការបង្ហោះខ្លែងឯក គេក៏ត្រូវផ្សារភ្ជាប់ទៅនឹងប្រស្នា ៣ខ គឺ ទី១.តំណាងឱ្យការរីកចម្រើន, ទី២.ជួយឱ្យក្រុមគ្រួសាររកស៊ីឡើងដូចខ្លែង ទី៣. ជួយឱ្យញាតិមិត្តសុខសប្បាយ និងឡើងខ្ពស់ដូចខ្លែង។
គួរបញ្ជាក់ដែរថា លោក ឃីម យន បាន និងកំពុងទទួលបង្រៀនអ្នកដែលមានចំណូលចិត្តចង់ចេះ ចង់ដឹងពីការធ្វើខ្លែងឯកខ្មែរនេះដោយមិនយកថវិកាអ្វីឡើយ ហើយក្រៅពីនេះលោកក៏បានបង្រៀនអក្សរសាស្ត្រដល់ក្មេងៗក្នុងភូមិផងដែរ។ សម្រាប់អនាគត លោកជឿថា ខ្លែងឯកខ្មែរនេះនឹងកាន់តែមានប្រជាប្រិយភាព ប្រសិនបើយុវជនជំនាន់ក្រោយចូលរួមថែរក្សា ផ្សព្វផ្សាយ និងរៀនពីបច្ចេកទេសធ្វើខ្លែងឯកខ្មែរនេះឱ្យត្រឹមត្រូវក្បួនខ្នាត៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content