សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ចាប់តាំងពីកម្ពុជា-ថៃ បានបិទព្រំដែនផ្អាកការចរាចរណ៍ទំនិញ ទៅវិញទៅមក បានជំរុញឱ្យសកម្មភាពផលិតរបស់សហគ្រាសក្នុងស្រុកកើនឡើងខ្ពស់ មិនធ្លាប់មាននៅរយៈពេលចុងក្រោយនេះ។នេះជាប្រសាសន៍លើកឡើងរបស់លោកឧកញ៉ា តែ តាំងប៉ ប្រធានក្រុមប្រឹក្សាភិបាលសម័្ពន្ធសមាគមសហគ្រាសធុនតូច និងមធ្យមកម្ពុជា(FASMEC) ។
លោកឧកញ៉ា បានបន្តថា៖ សហគ្រាសក្នុងស្រុកនានាបានពង្រីកចង្វាក់ផលិតកម្មរបស់ខ្លួន ដើម្បីផ្កត់ផ្គង់ទៅតាមតម្រូវការប្រើប្រាស់នៅលើទីផ្សារក្នុងស្រុក និងដាក់លក់ក្នុងតម្លៃទាបជាងមុនទៀតផង។
ទោះជាមិនមានការបញ្ជាក់អំពីតួលេខក៏ដោយ ប៉ុន្តែលោកឧកញ៉ា តែ តាំងប៉ មានប្រសាសន៍ថា៖ កាផលិតមានការកើនឡើងរហូតដល់៣ទៅ៤ដង ធៀបនឹងពេលដែលកម្ពុជា មិនទាន់បិទទ្វារព្រំដេនជាមួយថៃ ។នេះបង្ហាញថាសហគ្រាសក្នុងស្រុកមានសមត្ថភាពគ្រប់គ្រាន់ក្នុងការផ្គត់ផ្គង់ផលិតផល ទៅតាមតម្រូវការប្រើប្រាស់របស់ប្រជាជនខ្មែរ។
លោកស្រី នុត សម្ភស្ស អគ្គនាយិកាក្រុមហ៊ុនផលិតសាប៊ូប្រើប្រាស់ប្រចាំថ្ងៃមួយ បានមានប្រសាសន៍ថា៖ សម្រាប់ផលិតសាប៊ូនៅក្នុងក្រុមហ៊ុនលោកស្រី ផលិតឡើងគិតគូរពីគុណភាពសម្រាប់អ្នកប្រើប្រាស់ និងដាក់លក់តម្លៃសមរម្យទៅតាមជីវភាពប្រជាពលរដ្ឋក្នុងស្រុក និងមិនថ្លៃដូចការនាំចូលនោះឡើយ។
លោកស្រីអះអាងថា ចាប់តាំងពីពលរដ្ឋធ្វើពហិកាមិនប្រើប្រាស់ផលិតផលថៃ បានធ្វើឱ្យសន្ទុះនៃការគាំទ្រផលិតផលការកើនឡើងរហូតផលិតមិនគ្រប់តាមតម្រូវការប្រើប្រាស់ និងកំពុងពង្រីកចង្វាក់ផលិតខ្លួនទៀតផង ។
យោងតាមរបាយការណ៍ថ្នាក់ជាតិ ស្តីពីលទ្ធផលចុងក្រោយនៃជំរឿនសេដ្ឋកិច្ច នៅព្រះរាជាណាចក្រកម្ពុជារបស់វិទ្យាស្ថានជាតិស្ថិតិ នៃក្រសួងផែនការបានបង្ហាញថា កម្ពុជាមានសហគ្រាសធុនមីក្រូ តូច និងមធ្យមចំនួនជាង ៧៥ម៉ឺន សហគ្រាស មានកម្លាំងពលកម្មសរុបជាង ២លាននាក់ ក្នុងនោះស្ត្រីមានជាង ១លាន នាក់។ លទ្ឋផលជំរឿនបង្ហាញថា វិស័យសហគ្រាសធុនមីក្រូ តូច និងធម្យម បានចូលរួមក្នុងផលតផលក្នុងស្រុកសរុបស្មើនឹង ៦៣% និងផ្តល់ការងារលើពី ៧០% ដោយមិនរាប់បញ្ចូលវិស័យកសិកម្មនោះទេ៕
Account
Security
Favourite Content