សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សមាគមមីក្រូហិរញ្ញវត្ថុកម្ពុជា បានរៀបចំសិក្ខាសាលាបណ្តុះបណ្តាលប្រធានសាខាថ្នាក់ស្រុក និងខេត្តរបស់គ្រឹះស្ថានមីក្រូហិរញ្ញវត្ថុ និងធនាគារជាសមាជិកនៅទូទាំងប្រទេស ដើម្បីពង្រឹងសមត្ថភាពគ្រប់គ្រងសាខាប្រកបដោយប្រសិទ្ធភាព ចីរភាព ក្រមសីលធម៌ និងវិជ្ជាជីវៈ។
សិក្ខាសាលាថ្នាក់តំបន់ ត្រូវបានរៀបចំឡើងបន្ទាប់ពីសមាគមមីក្រូហិរញ្ញវត្ថុកម្ពុជា រួមជាមួយសមាគមធនាគារនៅកម្ពុជា និងសហព័ន្ធហិរញ្ញវត្ថុ និងបច្ចេកវិទ្យានៃកម្ពុជា ដាក់ឱ្យប្រើជាផ្លូវការនូវក្រមប្រតិបត្តិវិស័យធនាគារ និងហិរញ្ញវត្ថុ កាលពីដើមខែមីនា ឆ្នាំ២០២២។
សិក្ខាសាលាពង្រឹងសមត្ថភាពនេះ ត្រូវបានរៀបចំជា៥តំបន់ ដោយចាប់ផ្តើមពីរាជធានីភ្នំពេញចន្លោះពីថ្ងៃទី២៨ ដល់ ៣០ ខែមីនា ឆ្នាំ២០២២ និងបន្តទៅខេត្តព្រះសីហនុ ខេត្តបាត់ដំបង ខេត្តព្រៃវែង និងខេត្តក្រចេះ នាខែបន្តបន្ទាប់។ ប្រធានសាខាថ្នាក់ខេត្ត-ស្រុក-តំបន់ តាមតំបន់នីមួយៗ នឹងត្រូវចូលរួមវគ្គបណ្តុះបណ្តាលរយៈពេលបីថ្ងៃនេះ ក្នុងគោលបំណង ១.ពង្រឹងសមត្ថភាពនិងគុណវុឌ្ឍិ ក្នុងក្របខ័ណ្ឌការងាររបស់ប្រធានសាខា ២.ផ្តល់ឱកាសជូនប្រធានសាខា ដើម្បីស្វែងយល់អំពី ក្រម និងបទប្បញ្ញត្តិនានាពាក់ព័ន្ធនឹងប្រតិបត្តិការហិរញ្ញវត្ថុ និងកិច្ចការពារអតិថិជន និង៣.ផ្តល់ជាវេទិកាចែករំលែកចំណេះដឹង បទពិសោធន៍ កត្តាប្រឈម ដំណោះស្រាយ និងការកសាងបណ្តាញទំនាក់ទំនងរវាងប្រធានសាខា សមាគមមីក្រូហិរញ្ញវត្ថុកម្ពុជា និងនិយ័តករ។
លោក សុខ វឿន ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជាបានមានប្រសាសន៍ថា ៖
“កន្លងមកសមាគមមីក្រូហិរញ្ញវត្ថុកម្ពុជា បានយកចិត្តទុកដាក់ទៅលើការពង្រឹងឧត្តមភាពនៃធនធានមនុស្សដែលជាប្រតិបត្តិករហិរញ្ញវត្ថុតាមរយៈវគ្គបណ្តុះបណ្តាលនានា ដែលបានរៀបចំដោយសមាគម និងវិទ្យាស្ថានធនាគារនិងហិរញ្ញវត្ថុ ក្នុងការលើកកម្ពស់សេវាហិរញ្ញវត្ថុប្រកបដោយការទទួលខុសត្រូវ និងបរិយាប័ន្នតាមវិធាននានា ដូចជា ក្រមនិងវិធានផ្ទៃក្នុងនៅក្នុងវិស័យរួមមាន វិធានផ្តល់ប្រាក់កម្ចី កិច្ចការពារអតិថិជន និងការដោះស្រាយបណ្តឹងជាដើម ជាពិសេសទៅទៀត សមាគមបានសម្របសម្រួល និងផ្តល់កម្មវិធីនានាដែលជាការអប់រំផ្នែកហិរញ្ញវត្ថុជូនភាគីពាក់ព័ន្ធជាចំណែកដើម្បីជ្រុំជ្រែងភាពរឹងមាំនៃវិស័យរបស់យើង”
ការគ្រប់គ្រងសាខាប្រកបដោយគុណភាព និងប្រសិទ្ធភាព ត្រូវបានចាត់ទុកជាមុខងារដ៏សំខាន់នៅក្នុងវិស័យធនាគារ និងហិរញ្ញវត្ថុ។ ថ្នាក់ដឹកនាំគ្រប់គ្រងសាខា គឺជាតួអង្គជួរមុខដ៏សំខាន់ដែលនាំឱ្យធុរៈកិច្ចហិរញ្ញវត្ថុទទួលបានជោគជ័យ ឬបរាជ័យ។ ក្នុងនោះផងដែរ សមត្ថភាពគ្រប់គ្រង និងដឹកនាំរបស់ប្រធានសាខា គឺជាកត្តាចាំបាច់ក្នុងការជំរុញប្រសិទ្ធភាពប្រតិបត្តិការ និងផលចំណេញរបស់សាខា។ លើសពីនេះទៅទៀត ប្រធានសាខាជាមេដឹកនាំដែលនាំមកនូវកេរ្តិ៍ឈ្មោះល្អរបស់ក្រុមហ៊ុនផងដែរ ពីព្រោះគាត់ជាអ្នកដឹកនាំក្រុមការងាររបស់ខ្លួនផ្ទាល់ ដើម្បីប្រតិបត្តិការសេវាហិរញ្ញវត្ថុ ប្រាស្រ័យទាក់ទង និងបម្រើសេវាជូនអតិថិជនដោយផ្ទាល់។ មុខងារអាទិភាពចម្បងៗរបស់ប្រធានសាខា រួមមាន៖ ការដឹកនាំក្រុមការងារដើម្បីរកប្រាក់ចំណូលជូនក្រុមហ៊ុន ការគ្រប់គ្រងធនធានមនុស្ស ការប្រតិបត្តិផែនការអាជីវកម្ម និងសេវាបម្រើអតិថិជន។
លោក គិត សុវណ្ណារិទ្ធ អគ្គនាយករងត្រួតពិនិត្យទី១ នៃធនាគារជាតិនៃកម្ពុជា បានថ្លែងក្នុងពិធីបើកថា ៖
“សិក្ខាសាលានេះ ពិតជាមានសារៈសំខាន់ខ្លាំងណាស់ក្នុងការពង្រឹងក្រមសីលធម៌ និងសមត្ថភាពសម្រាប់ថ្នាក់ដឹកនាំជួរមុខរបស់គ្រឹះស្ថានហិរញ្ញវត្ថុ ដែលបាននិងកំពុងផ្តល់សេវា ជាចាំបាច់សម្រាប់ប្រជាជនកម្ពុជា។ ដើម្បីធានាបាននូវនិរន្តរភាពវិស័យ ក៏ដូចជាការផ្តល់សេវាប្រកបដោយការទទួលខុសត្រូវ ប្រធានសាខានីមួយៗត្រូវធានាបានថាសេវារបស់ខ្លួនធ្វើឱ្យអតិថិជនទទួលបានជោគជ័យពិតប្រាកដ ហើយនេះទើបជាជោគជ័យពិតរបស់វិស័យធនាគារ និងហិរញ្ញវត្ថុទាំងមូល”
សិក្ខាសាលាទំាង៥តំបន់នេះ ក៏ទទួលបានការរួមសហការជាមួយការិយាល័យឥណទានកម្ពុជា (CBC) ក្រោមការចង្អុលបង្ហាញពីធនាគារជាតិនៃកម្ពុជា នឹងចូលរួមលើកកម្ពស់និរន្តរភាព របស់គ្រឹះស្ថានហិរញ្ញវត្ថុផង ជាឧត្តមប្រយោជន៍ដល់អតិថិជនផង និង វិស័យហិរញ្ញវត្ថុទាំងមូលផង ក៏ដូចជាចូលរួមចំណែកជួយជម្រុញកំណើនសេដ្ឋកិច្ចជាតិ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សមាគមហិរញ្ញវត្ថុ ២ បង្ហាញការប្តេជ្ញាចិត្តការពារអតិថិជន និងដោះស្រាយបណ្តឹងដោយតម្លាភាព
វិស័យមីក្រូហិរញ្ញវត្ថុ នៅតែជាប្រភពទុនសំខាន់សម្រាប់អាជីវកម្មខ្នាតមីក្រូតូច និងមធ្យម ដែលទ្រទ្រង់ដល់ចរន្តសេដ្ឋកិច្ច
Account
Security
Favourite Content