ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

បរទេស៖​ យោងតាមប្រភពព័ត៌មានពីរ៉យទ័រ បានរាយការណ៍ថា ក្រសួងពាណិជ្ជកម្មរបស់ប្រទេសចិនបានព្រមានអំពីការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្ម និងចោទប្រកាន់ប្លុកនេះអនុវត្តពាណិជ្ជកម្មអយុត្តិធម៌ក្នុងអំឡុងពេលការស៊ើបអង្កេតប្រឆាំងនឹងការឧបត្ថម្ភធនចំពោះរថយន្តអគ្គិសនីរបស់ចិន។

ការឆ្លើយតបរបស់ចិនបានកើតឡើងបន្ទាប់ពីសហភាពអឺរ៉ុបប្រកាសអំពីការដាក់ពន្ធថ្មីរហូតដល់ ៣៨ ភាគរយលើក្រុមហ៊ុនផលិតរថយន្តអគ្គិសនី EV របស់ចិន។ ជាការឆ្លើយតប ទីក្រុងប៉េកាំងបានបើកការស៊ើបអង្កេតការប្រឆាំងនឹងការលក់បង្ខូចថ្លៃដោយផ្តោតលើផលិតផលសាច់ជ្រូកពីសហភាពអឺរ៉ុប ហើយចិនមានបំណងប្រើប្រាស់វិធីសាស្រ្តនេះជាការសងសឹកចំពោះការដាក់ពន្ធបន្ថែមរបស់សហភាពអឺរ៉ុបលើរថយន្តអគ្គិសនីរបស់ខ្លួន។ ចិននាំចូលសាច់ជ្រូកដែលមានតម្លៃជិត ៣ ពាន់លានដុល្លារពីសហភាពអឺរ៉ុបជារៀងរាល់ឆ្នាំ ខណៈដែលអេស្ប៉ាញ ហូឡង់ ដាណឺម៉ាក និងបារាំងស្ថិតក្នុងចំណោមប្រទេសកំពូលដែលនាំចេញទំនិញសាច់ជ្រូកទៅកាន់ប្រទេសចិន។ កន្លងមក ទីក្រុងប៉េកាំងធ្លាប់ព្រមានថា ខ្លួននឹងកំណត់គោលដៅលើវិស័យអាកាសចរណ៍ និងកសិកម្មរបស់សហភាពអឺរ៉ុប ដើម្បីឆ្លើយតបទៅនឹងការដាក់ពន្ធរបស់ប្លុកនេះ។

កាលពីថ្ងៃសុក្រកន្លងទៅនេះ អ្នកនាំពាក្យក្រសួងពាណិជ្ជកម្មចិនបានលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម។ អ្នក​នាំ​ពាក្យ​រូប​នេះ​បាន​សង្កត់​ធ្ងន់​ថា ទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង។ សេចក្តីថ្លែងការណ៍នេះបានរិះគន់ការស៊ើបអង្កេតប្រឆាំងនឹងការឧបត្ថម្ភធនរបស់សហភាពអឺរ៉ុប ដោយចោទប្រកាន់ថាប្លុកនេះមិនយកចិត្តទុកដាក់លើកិច្ចព្រមព្រៀងដ៏សំខាន់ដែលភាគីទាំងពីរបានសម្រេច។ អ្នកនាំពាក្យបាននិយាយតាមសេចក្តីរាយការណ៍ថា វាអាចបង្កផលប៉ះពាល់មុនពេលចេញលទ្ធផលនៃការស៊ើបអង្កេត ដោយសារការដាក់អត្រាពន្ធមិនសមរម្យអាចធ្វើឱ្យប៉ះពាល់ដល់ផលប្រយោជន៍អាជីវកម្មពីភាគីទាំងពីរ ប៉ះពាល់ដល់កិច្ចសហប្រតិបត្តិការសេដ្ឋកិច្ច និងពាណិជ្ជកម្មចិន-សហភាពអឺរ៉ុបទាំងមូល។ លើសពីនេះ យុទ្ធសាស្ត្រ​របស់សហភាព​អឺរ៉ុបត្រូវបាន​ចាត់​ទុកថាជាកិច្ចការពារនិយម។ កាលពីនៅខែកញ្ញា ឆ្នាំ ២០២៣ ប្រធានគណៈកម្មការអឺរ៉ុប លោកស្រី Ursula von der Leyen បានប្រកាសអំពីការស៊ើបអង្កេតប្រឆាំងនឹងការឧបត្ថម្ភធនក្នុងអំឡុងពេលសុន្ទរកថាប្រចាំឆ្នាំរបស់ សហភាពអឺរ៉ុបដោយមិនជូនដំណឹងដល់ភាគីចិនជាមុន។

ទន្ទឹមនឹងនេះ ក្រុមហ៊ុនផលិតរថយន្តរបស់ចិនបានជំរុញឱ្យទីក្រុងប៉េកាំងដំឡើងពន្ធនាំចូលរហូតដល់ ២៥ ភាគរយលើរថយន្តដែលប្រើសាំងដែលនាំចូលពីអឺរ៉ុប។ ស្ថិតិផ្លូវការបង្ហាញថា ការនាំចេញរថយន្តរបស់សហភាពអឺរ៉ុបទៅកាន់ប្រទេសចិនមានតម្លៃ ១៩,៤ ពាន់លានអឺរ៉ូ (២០,៨ ពាន់លានដុល្លារ) ក្នុងឆ្នាំ២០២៣ ខណៈដែលប្លុកនេះបានទិញរថយន្តអគ្គិសនីមានតម្លៃ ៩,៧ ពាន់លានអឺរ៉ូពីប្រទេសចិន។ មិនត្រឹមតែប៉ុណ្ណោះ ក្រុមហ៊ុនផលិតរថយន្តអាល្លឺម៉ង់នឹងប្រឈមមុខខ្លាំងបំផុតចំពោះការផ្លាស់ប្តូរប្រឆាំងណាមួយពីទីក្រុងប៉េកាំង ដោយសារទីផ្សារចិនគឺជាទីផ្សារដ៏សំខាន់សម្រាប់ការនាំចេញរថយន្តរបស់ប្រទេសនេះ។

គួរកត់សម្គាល់ថា ចំណាត់ការរបស់សហភាពអឺរ៉ុបត្រូវបានធ្វើឡើងបន្ទាប់ពីសហរដ្ឋអាមេរិកបានដំឡើងពន្ធបួនដងលើរថយន្ត EV របស់ចិនដល់ជាង ១០០ ភាគរយនៅដើមខែនេះ ដែលប៉ះពាល់ដល់ទំនិញនាំចូលពីប្រទេសចិនចំនួន ១៨ ពាន់លានដុល្លារ។ ទីក្រុងប៉េកាំងបានព្រមានថា វិធានការបែបនេះបំពានលើគោលការណ៍នៃការប្រកួតប្រជែងដោយយុត្តិធម៌ និងធ្វើឱ្យប៉ះពាល់ដល់ស្ថិរភាពនៃពាណិជ្ជកម្មពិភពលោក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល