សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សមាគមមីក្រូហិរញ្ញវត្ថុកម្ពុជា (CMA) បានផ្តល់ផលបត្រឥណទានសរុបចំនួន ៧,៧៣០ ពាន់លានដុល្លារអាមេរិកដល់អតិថិជនជិត ២ លាននាក់ ក្នុងឆមាសទីមួយនៃឆ្នាំនេះ ខណៈដែលអតិថិជនសរុបប្រមាណ ២,៨ លាននាក់បានដាក់ប្រាក់ទៅគ្រឹះស្ថានមីក្រូហិរញ្ញវត្ថុដែលមានទឹកប្រាក់សរុបចំនួន ៣,៨៨៣ លានដុល្លារអាមេរិក។
ប្រធានសមាគមមីក្រូហិរញ្ញវត្ថុកម្ពុជា លោក គា បូរាណ បានថ្លែងនៅក្នុងកិច្ចប្រជុំតាមប្រព័ន្ធវីដែអូដែលបានធ្វើឡើងកាលពីថ្ងៃសប្តាហ៍មុនថា អតិថិជនរបស់គ្រឹះស្ថានមីក្រូហិរញ្ញវត្ថុភាគច្រើនជាស្ត្រីដែលបានដើរតួនាទីយ៉ាងសំខាន់ក្នុងការជំរុញកំណើនសេដ្ឋកិច្ចទាំងនៅទីក្រុង និងជនបទ។
លោក គា បូរាណ បានមានប្រសាសន៍ថា ៖
« នៅឆ្នាំ ២០២០ ប្រាក់កម្ចីសរុបចំនួន ២១ភាគរយ ត្រូវបានផ្តល់ជូនអតិថិជនសម្រាប់ពង្រីកអាជីវកម្ម និងពាណិជ្ជកម្ម។ ម៉្យាងទៀតដើម្បីកាត់បន្ថយបន្ទុកលើវិស័យនេះ និងបុគ្គលមួយចំនួនដែលរងផលប៉ះពាល់ដោយសារជំងឺកូវីដ-១៩ គ្រឹះស្ថានធនាគារ និងហិរញ្ញវត្ថុនៅកម្ពុជាបានរៀបចំរចនាសម្ព័ន្ធប្រាក់កម្ចីស្មើនឹងទឹកប្រាក់សរុបប្រមាណ ៦,៦ ពាន់លានដុល្លារអាមេរិក ដោយគិតត្រឹមខែកក្កដា ឆ្នាំ២០២១នេះ»
លោក ផល វ៉ាន់ឌី នាយកប្រតិបត្ដិសមាគមមីក្រូហិរញ្ញវត្ថុកម្ពុជា (CMA) បានថ្លែងប្រាប់ AMS ថា តួលេខនេះគិតនៅក្នុងបរិបទកូវីដ-១៩ វាពិតជាមានការថយចុះខ្លះ ដោយសារតែមានហានិភ័យនៃអាជីវកម្ម។
លោក ផល វ៉ាន់ឌី បានមានប្រសាសន៍ថា ៖
«ដោយសារប្រាក់ដែលនៅទំនេរច្រើនគួរសម ព្រោះតម្រូវការនៃអ្នកខ្ចីទាបជាងមុន ហើយហានិភ័យនៃអាជីវកម្មមានខ្ពស់ ដូច្នេះ មុននឹងឱ្យខ្ចីគ្រឹះស្ថានមានការប្រុងប្រយ័ត្ន ចំណែកឯអ្នកដែលត្រូវខ្ចី មុននឹងខ្ចីក៏ប្រយ័ត្នដែរ»
លោកបានបញ្ជាក់ថា តួលេខជាង ៧,៧ពាន់លានជាងនេះ បើប្រៀបធៀបឆ្នាំចាស់គឺប្រហាក់ប្រហែលគ្នា ព្រោះថាមុនកូវីដ កម្ចីសម្រាប់វិស័យមីក្រូមានល្បឿនលឿនបន្តិច ដោយសារមានសកម្មភាពសេដ្ឋកិច្ច ទីផ្សារ អាជីវកម្មនៅមានដំណើរការ ។ ប៉ុន្តែនៅក្នុងបរិបទកូវីដ កម្ចីក្នុងវិស័យមីក្រូនៅតែមាន ប៉ុន្តែស្ថិតក្នុងទម្រង់យឺត ព្រោះអ្នកធ្វើអាជីកម្មដែលខ្ចីទៅ ពុំសូវសមប្រកបក្នុងអាជីវកម្ម រកស៊ីមិនទទួលចំណូល។ ដូច្នេះម្ចាស់អាជីវកម្មផ្សេងៗមានភាពខ្លាចរអារ។ តាមការពិនិត្យទៅលើកម្ចីដែលគ្រឹះស្ថានមីក្រូហិរញ្ញវត្ថុទទួលបាន គឺកម្ចីដែលយកទៅប្រើប្រាស់ស្ថិតនៅក្នុងវិស័យផលិតកម្មកសិកម្ម មុខរបរ អាជីវកម្មខ្នាតតូច និងតម្រូវការបន្ទាន់៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
សមាគមមីក្រូហិរញ្ញវត្ថុកម្ពុជា និងអង្គការ water.org ពិភាក្សាជាមួយធនាគារ ARDB លើកកម្ពស់ហិរញ្ញប្បទានបៃតង និងវិស័យទឹកស្អាត
Top News, ព្រឹត្តិការណ៍, ហិរញ្ញវត្ថុ
• 19/02/2026
សមាគមមីក្រូហិរញ្ញវត្ថុកម្ពុជា និងអង្គការ water.org ពិភាក្សាជាមួយធនាគារ ARDB លើកកម្ពស់ហិរញ្ញប្បទានបៃតង និងវិស័យទឹកស្អាត នៅកម្ពុជា
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ចាប់ផ្តើមឥឡូវនេះ គឺល្អបំផុត! មានទឹកប្រាក់តិចតួចក៏អាចចាប់ផ្តើមសន្សំសម្រាប់កូនៗលោកអ្នកបាន!
សមាគមមីក្រូហិរញ្ញវត្ថុកម្ពុជា បង្ហាញការគាំទ្ររបស់វិស័យមីក្រូហិរញ្ញវត្ថុដល់កងទ័ពជួរមុខ និងជនភៀសសឹកដោយសារជម្លោះព្រំដែន
Account
Security
Favourite Content