សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅក្នុងជីវភាពនៃការរស់នៅប្រចាំថ្ងៃ មនុស្សគ្រប់គ្នាតែងមានតម្រូវការក្នុងការដោះដូរ ការខ្ចី និងការបង្វិលប្រាក់ ដើម្បីសេដ្ឋកិច្ចគ្រួសារមានចរន្ដ។ កម្ចីនេះទៀតសោត អាចធ្វើឡើងក្នុងរូបភាពជាច្រើន ដូចជាកម្ចីអ្នកស្គាល់គ្នា ឬកម្ចីពីអ្នកចងការប្រាក់ជាដើម។ ប៉ុន្តែកម្ចីប្រភេទនេះ ត្រូវបានគេចាត់ទុកថាជាកម្ចីក្រៅផ្លូវការ ដែលមិនមានការទទួលស្គាល់ពីធនាគារកណ្ដាល ហើយអាចបង្កជាហានិភ័យនៅពេលដែលមិនមានលទ្ធភាពសងត្រលប់។
កម្ចីឥណទានពីធនាគារ និងមីក្រូហិរញ្ញវត្ថុឯណោះវិញ គឺត្រូវបានគេហៅថាជាកម្ចីផ្លូវការ។ ផ្លូវការព្រោះថា ស្ថាប័នពួកគេបានឆ្លងកាត់ការវាយតម្លៃពីធនាគារជាតិ និងមានការអនុវត្តស្របតាមច្បាប់រួមមួយ។ ហេតុដូច្នេះហើយ គ្រឹះស្ថានធនាគារ និងមីក្រូហិរញ្ញវត្ថុនេះ ពិតជាមានចំណែកសំខាន់ណាស់ក្នុងការអភិវឌ្ឍសេដ្ឋកិច្ចឱ្យរីកចម្រើនបាន។
លោក ផល វ៉ាន់ឌី អគ្គលេខាធិការនៃសមាគមមីក្រូហិរញ្ញវត្ថុកម្ពុជា បានរៀបរាប់ថា គ្រប់ស្ថាប័នផ្ដល់កម្ចីផ្លូវការ គឺត្រូវតែដើរតាមប្រព័ន្ធឥណទានមួយច្បាស់លាស់ ពួកគេមិនអាចចេះតែដាក់ការប្រាក់ខ្ពស់តាមតែអំពើចិត្តរហូតប៉ះពាល់ដល់លទ្ធភាពសងនោះទេ។
អ្នកជំនាញរូបនេះបន្តគូសបញ្ជាក់ទៀតថា៖
«កន្លងមក យើងខំបង្កើតឱ្យមានទី១គឺវប្បធម៌ឥណទាន ដែលខ្ចីត្រូវសង ទី២ យើងត្រូវកសាងប្រព័ន្ធឥណទានមួយដែលដឹកនាំដោយធនាគារកណ្ដាលជាប្រព័ន្ធមួយដែលមានភាពរឹងមុំា មានកិច្ចការពារដោយច្បាប់។ ទី៣ គឺវិន័យឥណទាន មានន័យថាជាវិន័យមួយដែលទាំងអ្នកផ្ដល់សេវាត្រូវផ្ដល់ដោយវិជ្ជាជីវៈ ក្រមសីលធម៌ ហើយអ្នកដែលខ្ចីត្រូវមានកាតព្វកិច្ចសងត្រលប់មកវិញ»។
លោកបន្តថា៖
«បើយើងបាត់បង់ទាំងអស់នោះ ប្រទេសយើងមិនអាចជឿនលឿនបានទេ បើសិនប្រព័ន្ធធនាគារដួលរលំ ប្រទេសយើងនឹងដើរថយក្រោយ ដែលពិបាកក្នុងការស្រោចស្រង់»។
ត្រង់ចំណុចនេះ លោកបានបកស្រាយផងដែរថា ការធ្វើអាជីវកម្មស្ទើរតែទាំងអស់ដែលពឹងផ្អែកខ្លាំងលើកម្ចីក្នុងការពង្រីកការរកស៊ី ម្លោះហើយពួកគេត្រូវការកម្ចីឥណទានដែលច្បាស់លាស់មួយ ពោលគឺឥណទានដែលស្របច្បាប់ និងមានការការពារដោយច្បាស់ត្រឹមត្រូវ។
បើសិនជាគ្មានវត្តមានធនាគារ និងមីក្រូហិរញ្ញវត្ថុនោះទេ អាជីវកម្មទាំងនោះនឹងមិនអាចរីកធំធាត់បាន និងមិនអាចដើរបានឆ្ងាយនោះទេ ហើយប្រសិនបើអាជីវកម្មភាគច្រើន មិនមានលទ្ធភាពក្នុងការរីកធំធាត់ នោះវានឹងធ្វើឱ្យសេដ្ឋកិច្ចជាតិទាំងមូលនៅទ្រឹង ឬមានការរីកចម្រើនក្នុងទំហំតិចតួច៕
Account
Security
Favourite Content