សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា កម្ពុជាមានពេល៥ឆ្នាំ ដើម្បីអភិវឌ្ឍឧស្សាហកម្ម និងថែបំប៉នសហគ្រាសធុនតូច និង មធ្យមឱ្យមានសមត្ថភាពបំពេញតម្រូវការទីផ្សារនាពេលអនាគត។ ការលើកឡើងដូច្នេះនៅក្នុងឱកាសជួបជាមួយគណៈប្រតិភូអង្គការអភិវឌ្ឍន៍ឧស្សាហកម្មរបស់អង្គការសហប្រជាជាតិ (UNIDO) កាលពីថ្ងៃទី០៥ ខែកុម្ភៈ ឆ្នាំ២០២៥ ដែល ដឹកនាំដោយលោក Gunther Beger នាយកគ្រប់គ្រងផ្នែកនវានុវត្តន៍គោលដៅអភិវឌ្ឍន៍ប្រកបដោយចីរភាព និងបរិវត្តកម្មសេដ្ឋកិច្ចដើម្បីពិភាក្សាអំពីកិច្ចសហប្រតិបត្តិការបន្តនិងអនាគតនៃវិស័យឧស្សាហកម្មរបស់កម្ពុជា។
លោក Gunther Beger បានកោតសរសើរចំពោះភាពរីកចម្រើនរបស់កម្ពុជា ជាពិសេសក្នុងការអភិវឌ្ឍឧស្សាហកម្ម និងនវានុវត្តន៍សហគ្រាសធុនតូច និងមធ្យម។ លោកបានលើកឡើងថា UNIDO នៅតែប្តេជ្ញាចិត្តគាំទ្រក្រសួងឧស្សាហកម្ម និងរាជរដ្ឋាភិបាលកម្ពុជា ក្នុងការជំរុញបរិវត្តកម្មឧស្សាហកម្ម និងការអភិវឌ្ឍសេដ្ឋកិច្ចប្រកបដោយចីរភាព។
លោកក៏បានលើកឡើងពីគម្រោងអភិវឌ្ឍន៍ជលផលក្រោយប្រមូលផល (CAPFISH) ដែលគាំទ្រសហគ្រាសធុនតូច និងមធ្យម ក្នុងវិស័យកសិ-ឧស្សាហកម្ម និងបានស្នើឱ្យក្រសួងផ្តល់កិច្ចសហការក្នុងការរៀបចំ ”កម្មវិធីភាពជាដៃគូប្រចាំប្រទេស” (PCP) ថ្មីរបស់ខ្លួន ដើម្បីធ្វើសមាហរណកម្មកម្ពុជាបន្ថែមទៀតទៅក្នុងបណ្តាញពាណិជ្ជកម្មនិរន្តរភាពសកល ។
ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានស្វាគមន៍សំណើនេះ ដោយបញ្ជាក់ពីភាពចាំបាច់នៃការបន្តកិច្ចសហប្រតិបត្តិការ សំដៅបង្កើនផលិតភាព និងភាពប្រកួតប្រជែងនៃឧស្សាហកម្មកម្ពុជា។
ជាមួយគ្នានេះ ឯកឧត្តមក៏បានបង្ហាញពីកិច្ចស្វាគមន៍ចំពោះបណ្តាអង្គការដែលជាដៃអភិវឌ្ឍន៍ប្រកបដោយចីរភាព និងបរិវត្តកម្មសេដ្ឋកិច្ច ដើម្បីពិភាក្សាអំពីកិច្ចសហប្រតិបត្តិការក្នុងគោលដៅបង្កើនភាពរីកចម្រើន និងធ្វើឱ្យប្រសើរឡើងនូវវិស័យឧស្សាហកម្មរបស់កម្ពុជា៕
Account
Security
Favourite Content