សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បច្ចុប្បន្ននេះ សេដ្ឋកិច្ចសកលកំពុងបន្តជួបបញ្ហាធ្ងន់ធ្ងរ ខណៈពេលនៃនយោបាយអន្តរជាតិក៏មានការប្រែប្រួលខ្លាំងក្នុងរយៈពេលប៉ុន្មានឆ្នាំចុងក្រោយនេះ។ សម័យកាលឌីជីថលឧស្សាហកម្ម ៤.០ គ្រប់អាជីវកម្ម និងសកម្មភាពពាក់ព័ន្ធសេដ្ឋកិច្ចមិនអាចខ្វះបាននូវការបញ្ចូលគ្នានៃបច្ចេកវិទ្យាទោះនៅក្នុងវិស័យណាក្តី។
រំលឹកឡើងវិញកាលពីជាងពាក់កណ្តាលសតវត្សរ៍មុនបច្ចេកវិទ្យាថ្មីស្រឡាងមួយបានបង្ហាញខ្លួននៅក្នុងដំណើរការនៃពិភពលោកឆ្ពោះមកឧស្សាហកម្ម៤.០នោះគឺជាបន្ទះឈីប ឬអាចហៅវាថាជា Semiconductor ឬ Microchip។
ទសវត្សរ៍ឆ្នាំ១៩៦០ បន្ទះឈីប ឬ Semiconductor ត្រូវបានដាក់លក់នៅលើទីផ្សារជាលើកដំបូងដែលគ្រានោះវាមានបំពាក់មកជាមួយនឹងសមត្ថភាពត្រង់ស៊ីស្ទ័រត្រឹមតែ៤ដើមប៉ុណ្ណោះ ប៉ុន្តែមកទល់បច្ចុប្បន្ននេះគិតត្រឹមស្មាតហ្វូនមួយគ្រឿងប៉ុណ្ណោះ បន្ទះឈឺបខ្លះអាចមានបំពាក់ជាមួយនឹងត្រង់ស៊ីស្ទ័រដល់ទៅជាង១០ពាន់លានដើមក៏មាន។
អ្នកវិភាគអន្តរជាតិម្នាក់ដែលបានផ្តល់បទសំភាសជាមួយនឹង WEFORUM លើកឡើងថាទោះបីជាតម្លៃរបស់បន្ទះឈីបទាំងនោះហាក់ដូចជាមិនមានអ្វីប្រែប្រួលខ្លាំងក្តី ប៉ុន្តែពេលនេះបន្ទះឈីបបានក្លាយទៅជាឧបករណ៍ចាក់ស្រេះចូលក្នុងចរន្តផលិតកម្មនៃគ្រប់ផលិតផលបច្ចេកវិទ្យាចាប់រាប់ពីអំពូលអគ្គិសនីរហូតទៅដល់ស្មាតហ្វូន និងរថយន្ត ឬយន្តហោះ។ ពន្យល់ឲ្យងាយយល់បន្ទះឈីបគឺជាឧបករណ៍ដ៏ចាំបាច់សម្រាប់បង្កើតមុខងារនានានៃផលិតផលបច្ចេកវិទ្យាដោយផ្អែកសំខាន់ទៅលើប៊ូតុងជាអ្នកគ្រប់គ្រង។ ឧទាហរណ៍មុខងារបើកទ្វាររថយន្តដោយស្វ័យប្រវត្ត មុខងារហ្វ្រាំង មុខងារបើកភ្លើងជាដើម ដូច្នេះហើយក្នុងរថយន្តទំនើបមួយគ្រឿងគេនឹងអាចត្រូវការបញ្ចូលបន្ទះឈីបចន្លោះប្រហែលជា ១០០០ដើម។
របាយការណ៍ដែលបានស្រាវជ្រាវដោយ WEFORUM ជឿជាក់ថាបន្ទះឈីបដល់ជាង ១០០ពាន់លានដើមកំពុងត្រូវបានប្រើប្រាស់ជារៀងរាល់ថ្ងៃនៅទូទាំងពិភពលោក និងវាបានក្លាយទៅជាវត្ថុដ៏ចាំបាច់សម្រាប់ជីវិតរស់នៅរបស់មនុស្សរៀងរាល់ថ្ងៃ។
The Fortune Business Insight រកឃើញថាទីផ្សារនៃការប្រើប្រាស់ និងផលិតបន្ទះឈីបកាលពីឆ្នាំ២០២១ មានទំហំដល់ទៅជាង ៥២៧ពាន់លានដុល្លារ ហើយមានទំហំប្រហែលជា ៥៧៣ពាន់លានដុល្លារ ហើយអាចនឹងកើនឡើទៅដល់ ១៣៨០ពាន់លានដុល្លារនៅត្រឹមឆ្នាំ២០២៩។
ដោយសារតែភាពចាំបាច់របស់វាបណ្តាប្រទេសមហាអំណាចជាច្រើនបានប្រើប្រាស់បន្ទះឈីបជាឧបករណ៍សម្រាប់ល្បែងនយោបាយលាយឡំគ្នាផងដែរជាក់ស្តែងដូចជាប្រទេសអាមេរិកនិងចិនដែលជាអ្នកបញ្ជាទិញធំបំផុតព្រមទាំងប្រទេសកូរ៉េខាងត្បូងនិងកោះតៃវ៉ាន់ដែលជាអ្នកផលិតដ៏ធំបំផុតជាដើមដែលបច្ចុប្បន្នកំពុងស្ថិតនៅក្នុងភាពរកាំរកូសនិងតានតឹងដាក់គ្នានៅឡើយ៕
Account
Security
Favourite Content