សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកនាំពាក្យក្រសួងបរិស្ថាន ឯកឧត្តម នេត្រ ភក្ត្រា បានអំពាវនាវឱ្យប្រជាជនចូលរួមឱ្យបានកាន់តែច្រើននៅក្នុងទិវាមួយម៉ោងសម្រាប់ភពផែនដី ដែលនឹងធ្វើឡើងក្នុងពេលឆាប់ៗខាងមុខ។ ការអំពាវនាវរបស់អ្នកនាំពាក្យរូបនេះផងដែរ ធ្វើឡើងនាឱកាសវេទិកាថ្នាក់តំបន់អាស៊ី និងប៉ាស៊ីហ្វិកលើកទី១១ ស្ដីអំពី 3R និងសេដ្ឋកិច្ចចក្រា។
ឯកឧត្តម នេត្រ ភក្ត្រា បានឱ្យដឹងថា ការចូលរួមក្នុងទិវានេះ គឺជាការចូលរួមរបស់ប្រប្រជាពលរដ្ឋក្នុងការការពារភពផែនដី ហើយគិតអំពីការសន្សំសំចៃផ្នែកចរន្ដអគ្គីសនី។ ហើយការចូលរួមនេះ គឺទាមទារត្រឹមតែមួយម៉ោងប៉ុណ្ណោះ ដើម្បីបង្ហាញពីការដឹងគុណទៅដល់ភពផែនដីដែលបានផ្ដល់ ទីកន្លែងសមស្របមួយសម្រាប់ជីវិតរស់នៅ។
ឯកឧត្តមបន្តមានប្រសាសន៍ថា ៖
“យើងសុំឱ្យប្រជាពលរដ្ឋចូលរួមដោយបិទភ្លើងតាមផ្ទះរបស់ខ្លួន ហើយអាចប្រើសូឡាជំនួសវិញ ដើម្បីជាការជំរុញបន្ថែមលើការប្រើប្រាស់ថាមពលស្អាត”
ឯកឧត្តមបន្តថា ៖
“នេះក៏ជាការណ៍មួយដែលរំលឹកគុណទៅដល់ភពផែនដី ដែលធ្វើឱ្យយើងមាន អាហារហូបចុក មានសន្តិសុខស្បៀង មានខ្យល់សម្រាប់ដកដង្ហើម មានធនធានធម្មជាតិ […] ទាំងអស់នេះ ក៏ដោយសារតែភពផែនដីដែរ ដូច្នេះក្នុងការដែលយើងលះបង់មួយម៉ោងសម្រាប់ភពផែនដី ក៏បានជួយចូលរួមកាត់បន្ថយផលប៉ះពាល់ផ្សេងៗ ដែលយើងចាំបាច់ត្រូវចូលរួមទាំងអស់គ្នា”
គួរជម្រាបថា ទិវាមួយម៉ោងសម្រាប់ភពផែនដីនៅឆ្នាំ ២០២៣ នេះ គ្រោងនឹងធ្វើឡើងនៅម៉ោង ៨ កន្លះយប់ ថ្ងៃទី ២៥ ខែមីនាខាងមុខ។ ទិវានេះមានដើមកំណើតដំបូង នៅក្នុងទីក្រុង Sydney នៃប្រទេសអូស្ត្រាលី កាលពីឆ្នាំ ២០០៧ ក្រោមការរៀបចំរបស់អង្គការ WWF។ រីឯគោលបំណងនៃការប្រារព្ធទិវានេះ គឺដើម្បីបង្ហាញការតាំងចិត្តរបស់ប្រជាជនលើពិភពលោក ពីការចូលរួមកាត់បន្ថយការប្រើប្រាស់អគ្គីសនី ដើម្បីកាត់បន្ថយកម្ដៅផែនដី។
ដោយឡែក សម្រាប់កម្ពុជាគឺបានចាប់ផ្ដើមប្រារព្ធកម្មវិធីនេះដំបូងគេនៅក្នុងឆ្នាំ ២០១២ ហើយពីមួយឆ្នាំទៅមួយឆ្នាំ ទិវានេះកាន់តែទទួលបានការចូលរួម និងគាំទ្រកាន់តែច្រើនឡើងៗពីប្រជាជន ជាពិសេសពីស្រទាប់យុវវ័យ៕
Account
Security
Favourite Content