សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ គម្រោងសាងសង់អាកាសយានដ្ឋានអន្តរជាតិថ្មីសៀមរាប កំពុងបន្តសកម្មភាពសាងសង់យ៉ាងរលូន ដែលគ្រោងនឹងបញ្ចប់ជាស្ថាពរទៅតាមផែនការមេដែលបានគ្រោងទុក ហើយអាចមានលទ្ធភាពគ្រប់គ្រាន់ក្នុងការស្វាគមន៍វត្តមានយន្តហោះខ្នាតធំចូលចតនៅសៀមរាបដោយផ្ទាល់បានផងដែរ។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី២៨ ខែមីនា ឆ្នាំ២០២២នេះ បានមានប្រសាសន៍ថា វត្តមានថ្មីនៃអាកាសយានដ្ឋានអន្តរជាតិសៀមរាបនឹងជួយបង្កើនភាពទាក់ទាញទាំងទេសចរអន្តរជាតិ ទាំងវិនិយោគិនថ្មីចូលមកកាន់កម្ពុជាបន្ថែម ជាពិសេសជួយលើកកម្ពស់សោភ័ណភាពតំបន់សៀមរាបឲ្យកាន់តែល្អប្រសើរខណៈដែលហេដ្ឋារចនាសម្ព័ន្ធថ្មីៗចំនួន៣៨ខ្សែតម្លៃជាង២០០លាននៅទូទាំងក្រុងសៀមរាបនឹងត្រូវសម្ពោធដាក់ឲ្យប្រើប្រាស់ជាផ្លូវការនៅព្រឹកថ្ងៃទី៤ ខែមេសា ឆ្នាំ២០២២ មុនពិធីបុណ្យចូលឆ្នាំខ្មែរខាងមុខនេះ។
សម្ដេចតេជោ ហ៊ុន សែន បានមានប្រសាសន៍ឲ្យដឹងថា ៖
“នៅថ្ងៃទី៤ ខែមេសា ខាងមុខនេះ ខ្ញុំនឹងទៅសម្ពោធដាក់ឲ្យប្រើប្រាស់ជាផ្លូវការនូវហេដ្ឋារចនាសម្ព័ន្ធផ្លូវទាំង៣៨ខ្សែដែលចំណាយថវិកាប្រមាណ២០០លានដុល្លារ ហើយខ្ញុំនឹងទៅត្រួតពិនិត្យផងដែរនូវការដ្ឋានព្រលានយន្តហោះថ្មីមួយដែលកំពុងបានសាងសង់ហើយមិនយូរប៉ុន្មាននោះទេ ព្រលានយន្ដហោះនោះនឹងត្រូវសម្ពោធឲ្យប្រើប្រាស់ ដែលអាចទទួលយកយន្ដហោះធុនធំមកពីចម្ងាយចុះចតនៅសៀមរាបតែម្ដង ព្រោះថាសៀមរាបបច្ចុប្បន្ននេះ ចុះចតបានត្រឹមតែប្រភេទយន្ដហោះធុនតូចតែប៉ុណ្ណោះ មិនអាចទទួលបានយន្តហោះធុនធំនោះទេ”
សូមរំលឹកផងដែរថា អាកាសយានដ្ឋានអន្តរជាតិសៀមរាប-អង្គរថ្មីនេះ វិនិយោគដោយក្រុមហ៊ុន Angkor International Airport Investment (Cambodia) Co.,Ltd (AIAI)។ អាកាសយាន្តដ្ឋានអន្តរជាតិសៀមរាបអង្គរថ្មីនេះ មានទីតាំងស្ថិតនៅឃុំពពេល ស្រុកសូទ្រនិគម ខេត្ដសៀមរាប ដែលបានចាប់ផ្ដើមសាងសង់កាលពីថ្ងៃទី១៥ ខែមីនា ឆ្នាំ២០២០ នៅលើផ្ទៃដីប្រមាណ ៧០០ហិកតា ហើយគ្រោងនឹងបញ្ចប់នៅឆ្នាំ២០២៣ ដែលមានរយៈពេល៣៦ខែ ក្រោយពីអ្នកជំនាញបានសិក្សាប្លង់មេរួចរាល់កាលពីឆ្នាំ២០១៦។
អាកាសយានដ្ឋានអន្តជាតិសៀមរាប-អង្គរ ជាការវិនិយោគដោយក្រុមហ៊ុនមកពីខេត្តយូណាន ប្រទេសចិន ក្នុងទឹកប្រាក់ ៨៨០លានដុល្លារ ដោយទម្រង់នៃការវិនិយោគនេះ គឺសាងសង់-អាជីវកម្ម-ផ្ទេរ / BOT រយៈពេលសម្បទានសរុបចំនួន ៥៥ឆ្នាំ គិតចាប់ពីឆ្នាំ២០១៦ ដល់ឆ្នាំ២០៧១ ខណៈដែលតាមផែនការសាងសង់នឹងត្រូវសម្រេចបានប្រមាណ៧០ភាគរយនៅត្រឹមដំណាច់ឆ្នាំ២០២២នេះ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content