សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កសិករគួរចេះផ្លាស់ប្តូរទម្លាប់ពីការប្រើប្រាស់កម្លាំងពលកម្មមនុស្សច្រើន និងចំណាយពេលវេលាយូរក្នុងការបង្កបង្កើនផល ងាកមកប្រើប្រាស់បច្ចេកវិទ្យាយថ្មីៗទៅតាមសម័យកាល ដើម្បីទទួលបានផលចំណេញខ្ពស់។ នេះជាការលើកឡើងរបស់ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ថ្លែងក្នុងពិធីជួបសំណេះសំណាលជាមួយកសិករ នៅស្រុកបន្ទាយមាស ខេត្តកំពត កាលពីថ្ងៃទី៨ ខែមថុនា ឆ្នាំ២០២៥។
ឆ្លៀតក្នុងពិធីសំណេះសំណាលនេះ ឯកឧត្តមបានជំរុញឱ្យកសិករ គួរគិតគូរពិចារណាចំពោះទម្លាប់ធ្វើកសិកម្មតាមបែបបុរាណដែលប្រើកម្លាំងមនុស្សច្រើន និងចំណាយពេលវេលាយូរ នៅក្នុងការបង្កបង្កើនផលិតផលកសិកម្មដោយក្រឡេកមើលនូវការធ្វើកសិកម្ម តាមបែបបច្ចេកវិទ្យាទំនើប ដែលអាចជួយសម្រួលដល់ការធ្វើកសិកម្មសម័យថ្មី និងអាចចំណេញពេលវេលានៅក្នុងការបង្កបង្កើននូវផលិតផលកសិកម្ម។
ឯកឧត្តមក៍បានលើកឡើងនូវបញ្ហាប្រឈម ដែលប្រជាកសិករតែងតែជួបប្រទះនោះ គឺបញ្ហារឿងទុនសម្រាប់ធ្វើ ឬផលិតកសិផល មានបញ្ហាបច្ចេកទេសក្នុងការផលិត ដូចជាបង្កបង្កើនផលបានហើយខ្វះទីផ្សារសម្រាប់លក់ ដែលបញ្ហានេះកសិករគួរគិតគូរដល់តម្រូវការទីផ្សារជាមុនសិន ហើយអ្វីដែលប្រឈមធំមួយទៀត គឺកសិករមិនបានគិតដល់ថ្លៃដើមផលិតរបស់ខ្លួន ខណៈដែលថ្លៃដើមផលិតនេះ គឺជាការកំណត់នូវការខាតឬចំណេញរបស់កសិករនៅក្នុងការធ្វើកសិកម្ម។
លោក សុខ សុថា ស្ថាបនិកនិងជានាយកប្រតិបត្តិនៃសមាគមសហព័ន្ធកសិករកម្ពុជានៃអ្នកផលិតកសិកម្ម (សសកជ) មានប្រសាសន៍ថា បច្ចុប្បន្នការធ្វើកសិកម្មរបស់បណ្តាញកសិករខ្នាតតូច ហាក់មានភាពប្រសើរ បើប្រៀបនឹងទស្សវត្សមុនៗ ដោយសារកសិករយល់ដឹងពីការផលិត ធ្វើយ៉ាងណាអាចលក់ផលិតបានក្នុងតម្លៃសមរម្យទទួលបានផលចំណេញគួរសម។ លោកថា៖
“ដើម្បីអាចលក់ផលិតផលបាន ទាមទារឱ្យបង្កើននូវបច្ចេកទេស ក៍ដួចជាចំណេះដឹងក្នុងការផលិត ក្នុងការវេចខ្ចប់ក្នុងការកែច្នៃ ប៉ុន្តែគាត់មិនអាចធ្វើបានគ្រប់តាមសង្វាក់ផលិតកម្មនោះទេដោយសារកសិករនៅមានចំណេះមិនទាន់ពេញលេញ។”
ទោះយ៉ាងណា ការទទួលបានចំណេះដឹងរបស់កសិករនៅតាមមូលដ្ឋាន នៅមានកម្រិតតិចតួចនៅឡើយទាមទារឱ្យមាការគាំទ្រពីស្ថាប័នអភិវឌ្ឍន៍នានា ក៍ដូចជារាជរដ្ឋាភិបាលផងដែរ ក្នុងការបណ្តុះបណ្តាលឱ្យពួកគាត់យល់នូវគំរូកសិកម្ម ឬស្តង់ដារកសិកម្មដែលឆ្លើយតបទៅនឹងតម្រូវការទីផ្សារ។ លើសពីនេះ កសិករត្រូវមានចំណេះដឹងក្នុងការវេចខ្ចប់ កែច្នៃ និងការងារទំនាកទំនងទីផ្សារជាដើម ធ្វើយ៉ាងណាឱ្យពួកគាត់មានសមត្ថភាពក្នុងការធ្វើអាជីវកម្មរួមគ្នា។
ដើម្បីឱ្យការធ្វើកសិកម្មទទួលបានជោគជ័យ ធនាគារអភិវឌ្ឍន៍ជនបទ (ARDB) បានជំរុញឱ្យបងប្អូនប្រជាកសិករចូលរួមជាមួយសមាគមបណ្តាញកសិករតេជោ ដែលបង្កើតឡើង ក្នុងគោលបំណងបម្រើបងប្អូនប្រជាកសិករ ពោលគឺសមាគមនឹងធ្វើជាស្ពានស្វែងរកប្រភពហិរញ្ញវត្ថុ ការទទួលបាននូវបច្ចេកទេស ទទួលបានព័ត៌មានថ្មីៗ ដើម្បីចម្លងសំឡេង និងក្តីបារម្ភពីប្រជាកសិករជូនថ្នាក់ដឹកនាំ និងជាស្ពានតភ្ជាប់ទៅកាន់ឱកាសផ្សេងទៀត។
សមាគមបណ្តាញសកិករតេជោក៍ជាឆ័ត្រ ឬខែល សម្រាប់កសិករជ្រក ពោលគឺចូលរួមការពារភាពត្រឹមត្រូវ ឬស្របច្បាប់របស់កសិករ ឬការពារពីការរំលោភបំពាន កេងចំណេញលើកសិករជាដើម៕
Account
Security
Favourite Content