សភា​ពាណិជ្ជកម្ម​កម្ពុជា​ ​និង​ អ.ប.ព ត្រៀម​ចុះ​ M​OU ​ពង្រឹង​តម្លាភាព ​និង​ទំនុកចិត្ត​វិនិយោគិន​

​ភ្នំពេញ​៖​ សភាពាណិជ្ជកម្ម​កម្ពុជា​ ​(​ស.ព.​ក​) ​និង​អង្គភាព​ប្រឆាំង​អំពើ​ពុករលួយ​ ​(​អ.ប.ព​) ​បាន​បើក​កិច្ច​ប្រជុំ​ពិភាក្សា​លើ​សេចក្តី​ព្រាង​អនុស្សរណៈ​នៃ​ការ​យោគយល់​គ្នា​ ​(​MOU​)​ ​ស្តីពី​ ​«​កិច្ច​សហប្រតិបត្តិការ​ប្រឆាំង​អំពើ​ពុករលួយ​» ​ដើម្បី​ពង្រឹង​កិច្ច​សហការ​រវាង​ភាគី​ទាំង​ពីរ ​លើក​កម្ពស់​តម្លាភាព ​និង​បង្កើន​ទំនុកចិត្ត​របស់​ធុរជន ​និង​វិនិយោគិន​។

​កិច្ច​ប្រជុំ​នេះ​ធ្វើឡើង​នៅ​ព្រឹក​ថ្ងៃ​ព្រហស្បតិ៍​ ទី​២០​ ​ខែ​សីហា ​ឆ្នាំ​២០២៦ ​នៅ​អគារ​ធនាគារ​វីង ​(​Wing Tower​)​ ​ក្រោម​អធិបតីភាព​ ​ឯក​ឧត្ត​ម​កិត្តិ​នីតិកោសល​បណ្ឌិត​ ​ឱម​ យ៉ិន​ទៀង​ ​ទេស​រដ្ឋមន្ត្រី​ទទួល​បន្ទុក​បេសកកម្ម​ពិសេស​ ​និង​ជា​ប្រធាន​អង្គភាព​ប្រឆាំង​អំពើពុករលួយ​ ​និង​អ្នក​ឧកញ៉ា ​គិត​ ​ម៉េង ​ប្រធាន​សភា​ពាណិជ្ជកម្ម​កម្ពុជា​ ​និង​ជា​ប្រធាន​គណៈកម្មការ​សម្របសម្រួល​ក្រុមការងារ​ផ្នែក​ឯកជន​ ​សម្រាប់​យន្តការ​វេទិកា​រដ្ឋាភិបាល​-​ផ្នែក​ឯកជន ​(​គ.ស.​ឯ​.រ.ជ​) ​ព្រមទាំង​ជា​ប្រធាន​ក្រុមប្រឹក្សា​ពិគ្រោះយោបល់​ធុរកិច្ច​អាស៊ាន​សម្រាប់​កម្ពុជា​។

​កិច្ច​ប្រជុំ​នេះ​មាន​ការ​ចូលរួម​ពី​អនុ​ប្រធាន​ ​និង​សមាជិក​សភា​ពាណិជ្ជកម្ម​កម្ពុជា​ ​ព្រមទាំង​អនុ​ប្រធាន ​និង​មន្ត្រី​ពាក់ព័ន្ធ​នៃ​អង្គភាព​ប្រឆាំង​អំពើ​ពុករលួយ​។

​កិច្ច​ពិភាក្សា​មាន​គោលបំណង​ពិនិត្យ​ ​និង​ពិភាក្សា​លម្អិត​លើ​ខ្លឹមសារ​នៃ​សេចក្តី​ព្រាង​ MOU ​មុន​ឈាន​ទៅ​ដល់​ការ​ចុះ​ហត្ថលេខា​ជា​ផ្លូវការ​នា​ពេល​ឆាប់​ៗ​ខាង​មុខ​។

​អនុស្សរណៈ​នេះ​ត្រូវ​បាន​ចាត់ទុក​ថា​ជា​ជំហាន​សំខាន់​ក្នុង​ការ​ពង្រឹង​កិច្ច​សហការ​រវាង​ អ.ប.ព ​និង​សភា​ពាណិជ្ជកម្ម​កម្ពុជា​ ​ក្នុង​ការ​លើកកម្ពស់​ភាព​ស្អាតស្អំ​របស់​ស្ថាប័ន​តំណាង​វិស័យ​ឯកជន ​និង​ដោះស្រាយ​បញ្ហា​ប្រឈម​របស់​ធុរជន ​និង​វិនិយោគិន​ទាំង​ក្នុង​ ​និង​ក្រៅ​ប្រទេស​ប្រកប​ដោយ​តម្លាភាព​។

​តាម​សេចក្តី​ព្រាង M​OU ស​ភាពាណិជ្ជកម្ម​កម្ពុជា​នឹង​ដើរ​តួនាទី​ជា​ច្រក​ចេញ​ចូល​ផ្លូវការ​សម្រាប់​ទទួល​ពាក្យបណ្តឹង​របស់​ធុរជន ​និង​វិនិយោគិន ​ដើម្បី​បញ្ជូន​ទៅ​អង្គភាព​ប្រឆាំង​អំពើពុករលួយ​ ​សម្រាប់​សម្របសម្រួល​ដោះស្រាយ​បញ្ហា​ប្រឈម​នានា​។ ​កិច្ច​សហការ​នេះ​ក៏​ផ្តោត​លើ​ការ​ធានា​រក្សា​ការ​សម្ងាត់ និង​ការ​លុបបំបាត់​ចំណាយ​ក្រៅ​ផ្លូវការ​ផងដែរ​។

​អ្នក​ឧកញ៉ា ​គិត​ ​ម៉េង ​បាន​មានប្រសាសន៍​ថា ​ពេលវេលា​បច្ចុប្បន្ន​គឺជា​ពេលវេលា​ដ៏​សមស្រប​សម្រាប់​ការ​ចុះ MO​U ​នេះ​ ​ខណៈ​ការ​រៀបចំ​អនុស្សរណៈ​នេះ​ជា​ការ​ស្នើសុំ​ជា​ច្រើន​ពីសំណាក់​ធុរជន ​និង​វិនិយោគិន​ទាំង​ក្នុង​ ​និង​ក្រៅ​ប្រទេស ​ដើម្បី​ពង្រឹង​អភិបាលកិច្ច​ល្អ ​ជួយ​កែលម្អ ​និង​ជំរុញ​ការ​ស្តារ ​និង​បង្កើន​ទំនុកចិត្ត​។

​អ្នក​ឧកញ៉ា​បាន​លើកឡើង​ថា​ ​ការ​បង្កើន​ទំនុកចិត្ត​នឹង​ជួយ​ជំរុញ​កំណើន​សេដ្ឋកិច្ច​ ​តាមរយៈ​ការ​ទាក់ទាញ​ការ​វិនិយោគ​បន្ថែម​មកកាន់​កម្ពុជា​។ ​អ្នក​ឧកញ៉ា​ក៏​បាន​ស្នើ​ឱ្យ​បង្កើត​គណៈកម្មការ​មួយ​សម្រាប់​ត្រួតពិនិត្យ​ខ្លឹមសារ​នៃ​ MOU ​និង​រៀបចំ​នីតិវិធី​អនុវត្ត​ជា​ស្តង់ដារ ​(​SOP) ​សម្រាប់​ការ​អនុវត្ត​អនុស្សរណៈ​នេះ​។

​ជាមួយគ្នា​នេះ​ ​ឯកឧត្តម​ ​ឱម​ យ៉ិន​ទៀង ​បាន​មានប្រសាសន៍​ថា​ ការ​ចុះ MO​U ​របស់​សភា​ពាណិជ្ជកម្ម​កម្ពុជា​នេះ​ ​គឺ​ជា​ការ​បង្ហាញ​អំពី​កិច្ច​សហប្រតិបត្តិការ​ដោយ​ចំហ ​ព្រមទាំង​ឆន្ទៈ​យ៉ាង​ស្មោះស្ម័គ្រ ​និង​ភាព​ស្អាតស្អំ​ក្នុង​នាម​វិស័យ​ឯកជន ​ដែល​តំណាង​ឱ្យ​ធុរជន ​និង​វិនិយោគិន​ទាំង​ក្នុង​ ​និង​ក្រៅ​ប្រទេស​។

​ឯក​ឧត្តម​បាន​បន្ថែម​ថា​ ​ក្តី​កង្វល់​របស់​វិស័យ​ឯកជន​គឺជា​កង្វល់​រួម​របស់​ប្រទេសជាតិ​ ​ហើយ​ទទួល​បាន​ការ​យកចិត្តទុកដាក់​យ៉ាង​ខ្លាំង​ពី​រាជ​រដ្ឋាភិបាល​។ ​ទោះបី​បញ្ហា​មួយចំនួន​មិន​អាច​ទទួល​បាន​ការ​ដោះស្រាយ​ភ្លាម​ៗ​ក៏​ដោយ​ ​រាជ​រដ្ឋាភិបាល​បាន​ដាក់​ចេញ​នូវ​គោលការណ៍​ផ្សេង​ៗ​ក្នុង​គោលបំណង​ដោះស្រាយ​បញ្ហា​របស់​វិស័យ​ឯកជន​ជា​រួម​។​

​ឯកឧត្តម​ក៏​បាន​ឯកភាព​ចំពោះ​ការ​លើកឡើង​របស់​អ្នក​ឧកញ៉ា ​គិត​ ​ម៉េង​ ​ថា​ ​ពេលវេលា​នេះ​គឺជា​ពេលវេលា​ដ៏​សមស្រប​បំផុត​សម្រាប់​ការ​ចុះ​អនុស្សរណៈ​នៃ​ការ​យោគយល់​គ្នា​ ​ក្នុង​គោលបំណង​ថែរក្សា​អ្នក​វិនិយោគ​ចាស់ ​និង​ទាក់ទាញ​អ្នក​វិនិយោគ​ថ្មី​បន្ថែម​ទៀត​មកកាន់​កម្ពុជា​។​

​ការ​រៀបចំ MO​U ​នេះ​ស្រប​ទៅ​នឹង​តួនាទី​របស់​ អ.ប.ព ​ក្នុង​ការ​អប់រំ​ ​បង្ការ​ទប់ស្កាត់ ​និង​អនុវត្ត​ច្បាប់​ប្រឆាំង​អំពើ​ពុករលួយ​ ​ខណៈ​ស្ថាប័ន​នេះ​ក៏​មាន​យន្តការ​ទទួល​ ​និង​ដោះស្រាយ​ពាក្យ​បណ្តឹង​ពាក់ព័ន្ធ​នឹង​អំពើពុករលួយ​ផងដែរ​។

តាម​ការ​គ្រោង​ទុក​ ​ភាគី​ទាំង​ពីរ​នឹង​បន្ត​ពិនិត្យ​ ​និង​កែសម្រួល​ខ្លឹមសារ ​មុន​ឈាន​ទៅ​ចុះ​ហត្ថលេខា​ជា​ផ្លូវការ​លើ MOU ​នា​ពេល​ខាង​មុខ​៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់

Top News, ព្រឹត្តិការណ៍, សេដ្ឋកិច្ច

• 18/11/2026

ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។  ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី

អាជីវកម្ម​ត្រី​ចំហុយ​ខ្មែរ​នៅ​ព្រែក​ព្នៅ ​​បង្កើត​តម្លៃ​បន្ថែម​តាមរយៈ​គុណភាព និង​ការ​វេចខ្ចប់​បែប​ធម្មជាតិ​

ជំនួញ, ព្រឹត្តិការណ៍

• 18/11/2026

​ ​អាជីវកម្ម​ត្រី​ចំហុយ​ខ្នាត​គ្រួសារ​មួយ​នៅ​ខណ្ឌ​ព្រែក​ព្នៅ​ ​រាជធានី​ភ្នំពេញ​ ​កំពុង​បង្កើត​ភាព​ខុសប្លែក​ក្នុង​ទីផ្សារ​ម្ហូប​អាហារ​តាម​អនឡាញ​ ​តាមរយៈ​ការ​ផ្តោត​លើ​គុណភាព​ អនាម័យ ​និង​ការ​វេចខ្ចប់​បែប​ធម្មជាតិ​ ​ដោយ​ប្រើប្រាស់​អនុផល​ព្រៃឈើ​ក្នុង​ស្រុក​ ​ជំនួស​ឱ្យ​ប្រអប់​ស្នោ

ប្រធានាធិបតីបារាំង អេម៉ានុយអែល ម៉ាក្រុង កោតសរសើរដល់ក្រុមហ៊ុន កាណាឌីយ៉ា គ្រុប នៅក្នុងព្រឹត្តិការណ៍ ហ្រ្វង់កូតិច (FrancoTech)

ព្រឹត្តិការណ៍, អត្ថបទពាណិជ្ជកម្ម

• 18/11/2026

ភ្នំពេញ ៖ នៅក្នុងថ្ងៃទី២ នៃព្រឹត្តិការណ៍ ហ្រ្វង់កូតិច (FrancoTech) លោកប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បានជួបជាមួយ ឧកញ៉ាវេជ្ជបណ្ឌិត ពុង ការ៉ូលីន (Carolyne Pung) អនុប្រធានក្រុមប្រឹក្សាភិបាលក្រុមហ៊ុន កាណាឌីយ៉ា គ្រុប

រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ជំនួបដ៏តានតឹងរវាងកំពូលបុរសខ្លាំងទាំង៣ នៅ APEC ក្រោយបោះបង់ចោលសន្ធិសញ្ញានុយក្លេអ៊ែរជិត១ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

បរទេស ៖ រយៈពេល៩ខែមកហើយបន្ទាប់ពីការផុតកំណត់នៃសន្ធិសញ្ញា New START ដែលមានន័យថា មហាអំណាចនុយក្លេអ៊ែរធំៗបំផុតរបស់ពិភពលោកនឹងមិនមានដែនកំណត់ផ្លូវច្បាប់ទៀតឡើយទៅលើការគ្រប់គ្រងឃ្លាំងអាវុធយុទ្ធសាស្ត្រប្រល័យលោក។ មកដល់ពេលនេះប្រធានាធិបតីអាមេរិក លោក Donald Trump ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin គ្រោងជួបប្រជុំគ្នានៅថ្ងៃព្រហស្បតិ៍

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ន​នោង​ជ្រុង ​ដំណាំ​រយៈពេល​ខ្លី ងាយ​ដាំដុះ​ ​និង​អាច​រក​ចំណូល​បាន​ជិត ​២០ ​លាន​រៀល​លើ​ផ្ទៃដី​ ​៧៥ ​អា

ជំនួញ, ព្រឹត្តិការណ៍

• 18/11/2026

ដំណាំននោង​ជ្រុង​កំពុង​បង្ហាញ​ពី​សក្តានុពល​ជា​បន្លែ​សេដ្ឋកិច្ច​មួយ​សម្រាប់​កសិករ ​ដោយ​សារ​ងាយស្រួល​ដាំដុះ​ ថែទាំ​មិន​ស្មុគស្មាញ ​អាច​ដាំ​បាន​គ្រប់​រដូវ​កាល​ ​និង​ឆាប់​ទទួល​បាន​ផល ​ដែល​អាច​ជួយ​បង្កើត​ប្រាក់​ចំណូល​ជា​ប្រចាំ​សម្រាប់​គ្រួសារ​កសិករ

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)


Leave a Reply

Your email address will not be published.Required fields are marked *