ចិន បញ្ចូលអង្គភាពជប៉ុនចំនួន ៤០ ចូលទៅក្នុងបញ្ជីខ្មៅ និងបញ្ជីតាមដាន ដើម្បីរឹតបន្តឹងការនាំចេញរ៉ែកម្រ

បរទេស ៖ កាលពីថ្ងៃចន្ទកន្លងទៅនេះ ចិន បានដាក់អង្គភាពរបស់ជប៉ុនចំនួន ៤០ ចូលទៅក្នុងបញ្ជីខ្មៅរឹតបន្តឹងការនាំចេញ និងបញ្ជីស្ថិតនៅក្រោមការពិនិត្យឃ្លាំមើល ដែលវិធានការនេះជាគោលបំណងរបស់ទីក្រុងប៉េកាំងដើម្បីកាត់ផ្ដាច់មិនឱ្យទីក្រុងតូក្យូប្រើប្រាស់ទំនិញដែលអាចប្រើប្រាស់បានពីរមុខងារ (ប្រើប្រាស់បានទាំងស៊ីវិល និងយោធា) រួមមានទាំងរ៉ែកម្រផងដែរ។

តាមការចេញផ្សាយដោយ CNBC បានឱ្យដឹងថា ក្រសួងពាណិជ្ជកម្មចិនបានបន្ថែមអង្គភាពចំនួន ២០ ទៅក្នុងបញ្ជីត្រួតពិនិត្យការនាំចេញ ដោយក្នុងនោះរួមមាន វិទ្យាស្ថានជាតិសម្រាប់សិក្សាការពារជាតិ និងមជ្ឈមណ្ឌលស្រាវជ្រាវសម្រាប់ប្រព័ន្ធកងទ័ពជើងគោក ជើងទឹក និងជើងអាកាស។ លើសពីនេះ អង្គភាពជាច្រើនស្ថិតនៅក្រោមក្រុមហ៊ុន Mitsubishi Electric និង Mitsubishi Heavy Industries ក៏ជាគោលដៅនៃការរឹតបន្តឹងនេះដែរ។ យោងតាមសេចក្តីថ្លែងការណ៍ បានឲ្យដឹងថា អ្នកនាំចេញរបស់ចិនទាំងនៅក្នុងស្រុក និងក្រៅប្រទេស ត្រូវបានហាមឃាត់មិនឱ្យផ្ទេរទំនិញប្រើប្រាស់បានពីរមុខងារដែលមានប្រភពដើមពីប្រទេសចិនទៅកាន់អង្គភាពដែលមានឈ្មោះក្នុងបញ្ជីខ្មៅខាងលើនោះឡើយ ហើយរាល់សកម្មភាពដែលកំពុងបន្តទាំងអស់ត្រូវតែបញ្ឈប់ជាបន្ទាន់។

ក្នុងពេលជាមួយគ្នានេះ ចិន ក៏បានបន្ថែមអង្គភាពចំនួន ២០ ផ្សេងទៀត រួមមានក្រុមហ៊ុន Mitsui E&S Co., ក្រុមហ៊ុនផលិតដ្រូន Terra Drone Corporation, ក្រុមហ៊ុនកែច្នៃឥន្ធនៈនុយក្លេអ៊ែរ និងអង្គភាពជាច្រើនរបស់ក្រុមហ៊ុន OKI Electric Industry ទៅក្នុងបញ្ជីតាមដានឃ្លាំមើល ដែលតម្រូវឱ្យមានការពិនិត្យយ៉ាងម៉ត់ចត់លើការផ្តល់អាជ្ញាបណ្ណ។ វិធានការទាំងពីរខាងលើនេះអនុវត្តមានប្រសិទ្ធភាពភ្លាមៗ។ ក្នុងន័យនេះ ក្រសួងពាណិជ្ជកម្មចិនបានបញ្ជាក់ថា ខ្លួននឹងអនុវត្តការពិនិត្យឡើងវិញកាន់តែតឹងរ៉ឹងលើអ្នកប្រើប្រាស់ចុងក្រោយដែលជាអង្គភាពស្ថិតក្នុងបញ្ជីតាមដាន។ រាល់ការនាំចេញទាំងឡាយណាដែលពាក់ព័ន្ធនឹងយោធាជប៉ុន ហើយអាចពង្រឹងសមត្ថភាពការពារជាតិរបស់ជប៉ុន នឹងមិនត្រូវបានអនុម័តនោះឡើយ។

គួរកត់សម្គាល់ថា ចាប់តាំងពីខែមករា ទីក្រុងប៉េកាំង បានហាមឃាត់ការនាំចេញទំនិញប្រើប្រាស់បានពីរមុខងារទៅកាន់ប្រទេសជប៉ុន រួមមានដុចជា រ៉ែកម្រ មេដែកអចិន្ត្រៃយ៍ និងរ៉ែសំខាន់ៗដទៃទៀតដែលចាំបាច់សម្រាប់បច្ចេកវិទ្យាការពារជាតិ។ ចិន ចាប់ផ្តើមបង្កើនសម្ពាធលើទីក្រុងតូក្យូ បន្ទាប់ពីនាយករដ្ឋមន្ត្រីជប៉ុន លោកស្រី Sanae Takaichi បានលើកឡើងថា ការវាយប្រហារណាមួយរបស់ចិនលើកោះតៃវ៉ាន់ អាចនឹងជំរុញឱ្យមានការឆ្លើយតបផ្នែកយោធាពីទីក្រុងតូក្យូ។ ការលើកឡើងនេះបានបង្កឲ្យមានប្រតិកម្មយ៉ាងខ្លាំងពីទីក្រុងប៉េកាំង។

ទន្ទឹមនឹងនេះ សេដ្ឋវិទូបានវិភាគថា ចិន ព្យាយាមប្រើប្រាស់អំណាចរបស់ខ្លួនតាមរយៈខ្សែច្រវាក់ផ្គត់ផ្គង់រ៉ែសំខាន់ៗធ្វើជាឧបករណ៍ដាក់សម្ពាធផ្នែកនយោបាយទាំងឡាយណាដែលខ្លួនប្រឆាំង ដោយមិនបាច់ប្រើប្រាស់កម្លាំងយោធា។ ជាក់ស្តែង បណ្តាប្រទេសដែលបង្ហាញការគាំទ្រដល់កោះតៃវ៉ាន់ នឹងប្រឈមមុខហានិភ័យខ្ពស់។ យ៉ាងណាក៏ដោយ ទោះបីជាជប៉ុនវិនិយោគលើការចម្រាញ់ និងកែច្នៃរ៉ែក្នុងស្រុក ដើម្បីអាចកាត់បន្ថយការពឺងផ្អែកលើរ៉ែកម្ររបស់ចិនតាំងពីឆ្នាំ២០១០ មកក៏ដោយ ប៉ុន្តែនៅតែចៀសមិនផុតពីការជាប់ពាក់ព័ន្ធជាមួយនឹងខ្សែច្រវាក់ផ្គត់ផ្គង់ដែលពឹងផ្អែកលើប្រទេសចិន និងវៀតណាមដដែល។ លោក Koki Akimoto អ្នកសេដ្ឋកិច្ចនៅវិទ្យាស្ថានស្រាវជ្រាវ Daiwa បានប៉ាន់ប្រមាណថា ប្រសិនបើចិនកាត់ផ្តាច់ការនាំចេញរ៉ែដ៏កម្រក្នុងរយៈពេលមួយឆ្នាំ និងបន្តរឹតបន្តឹងការផ្គត់ផ្គង់ជាប់លាប់រហូតនោះ ផលិតផលក្នុងស្រុកសរុប (GDP) ពិតប្រាកដរបស់ជប៉ុននឹងធ្លាក់ចុះប្រមាណ ១.៣ ភាគរយ ឬ ស្មើនឹងប្រមាណ ៧ ទ្រីលានយ៉េន (៤៣.៣ ពាន់លានដុល្លារ)ជាក់ជាមិនខាន៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងឧស្សាហកម្ម អំពាវនាវឱ្យមាននវានុវត្តន៍ហិរញ្ញវត្ថុ ដើម្បីពង្រីកវិសាលភាពវិស័យ SME

ព្រឹត្តិការណ៍, ហិរញ្ញវត្ថុ

• 15/11/2026

ភ្នំពេញ ៖ ថ្លែងនៅក្នុងកិច្ចប្រជុំកំពូល Black Swan Summit Cambodia 2026 ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ថា វេទិកានេះ គឺជាឱកាសដ៏សំខាន់ក្នុងការដោះស្រាយឧបសគ្គរបស់សហគ្រាសផ្នែកហិរញ្ញប្បទាន និងការទាញយកអត្ថប្រយោជន៍ពីនវានុវត្តន៍ហិរញ្ញវត្ថុ ដើម្បីជួយជំរុញកំណើនអាជីវកម្មខ្នាតតូច។

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព

អគ្គលេខាធិការហ្វ្រង់កូហ្វូនី៖កម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះគឺជាការ រំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ

ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ៖ កម្ពុជា ជាបេះដូងអាស៊ីអាគ្នេយ៍ ហើយការដែលកម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះ គឺជាពេលវេលាមួយដែលរំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ និងជាព្រះវរាជបិតាស្ថាបនិករួមនៃអង្គការហ្វ្រង់កូហ្វូនី ។ នេះជាការថ្លែងបញ្ជាក់ពីសំណាក់អគ្គលេខាធិការហ្វ្រង់កូហ្វូនី លោកជំទាវ ល្វីស មូស៊ីគីវ៉ាបូ (Louise Mushikiwabo )។ ថ្លែងក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នាព្រឹកថ្ងៃទី១៥ ខែវិច្ឆិកា

សម្ដេចធិបតី ប្រាប់សមាជិកហ្វ្រង់កូហ្វូនីថា ការប៉ះទង្គិចដោយអាវុធ២លើករវាងកម្ពុជានិងថៃ កម្ពុជាមិនមែនជាអ្នកផ្ដើមបាញ់មុននោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនី នៅព្រឹកថ្ងៃទី១៥ ខែវិច្ឆិកា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា នៅឆ្នាំ២០២៥ ការប៉ះទង្គិចដោយអាវុធរវាងកម្ពុជា និងថៃ បានកើតឡើងចំនួន ២ លើក ដែលក្នុងនោះកម្ពុជាមិនមែនជាអ្នកផ្ដើមបាញ់មុននោះទេ ។ សម្ដេចធិបតីបានមានប្រសាសន៍ថា

Canadia Impact Fund វិនិយោគលើ DOCONCHAIN ​​ដើម្បីគាំទ្រដល់ប្រតិបត្តិការឌីជីថលដែលមានសុវត្ថិភាពនៅក្នុងតំបន់អាស៊ីអាគ្នេយ៍

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) ជាស្ថាប័នមួយក្នុងចំណោមស្ថាប័នដែលគ្រប់គ្រងក្រុមហ៊ុនធុរកិច្ចថ្មីសកម្មច្រើនជាងគេនៅកម្ពុជា បានចុះហត្ថលេខាលើកិច្ចព្រមព្រៀងវិនិយោគជាមួយ DOCONCHAIN។ DOCONCHAIN ​​គឺជាក្រុមហ៊ុនបច្ចេកវិទ្យាដែលមានទីស្នាក់ការកណ្តាលនៅប្រទេសសិង្ហបុរី និងកំពុងប្រតិបត្តិការនៅក្នុងប្រទេសហ្វីលីពីន ដោយផ្តល់សេវាកម្មជួយដល់ធុរកិច្ច និងស្ថាប័នសាធារណៈ ក្នុងការចុះហត្ថលេខា

Canadia Impact Fund វិនិយោគលើក្រុមហ៊ុនធុរកិច្ចថ្មីបារាំង Choose and Connect ដើម្បីផ្សារភ្ជាប់វិស័យអប់រំទៅនឹងឱកាសការងារ

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) បានចុះហត្ថលេខាលើកិច្ចព្រមព្រៀងវិនិយោគជាមួយក្រុមហ៊ុនធុរកិច្ចថ្មី (start-up) ផ្នែកអប់រំរបស់បារាំងមួយឈ្មោះថា «Choose and Connect» ដែលនេះគឺជាការវិនិយោគលើកដំបូងរបស់ CIFC នៅក្នុងក្រុមហ៊ុនធុរកិច្ចថ្មីរបស់បារាំង។

EFI អបអរសាទរខួប ១០ ឆ្នាំនៃឧត្តមភាពផ្នែកអប់រំ និងសម្ពោធឆ្នាំដំបូងនៃសាកលវិទ្យាល័យហ្វ្រង់កូហ្វូននៅអាស៊ី (Université Francophone d’Asie)

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ សាលា École Française Internationale (EFI) ភ្នំពេញ បានប្រារព្ធខួបលើកទី ១០ របស់ខ្លួននៅថ្ងៃសុក្រ ទី ១៣ ខែវិច្ឆិកា ឆ្នាំ ២០២៦ នៅសាលាបុរីកោះពេជ្រ (Koh Pich City

ព្រះមហាក្សត្រខ្មែរ រំលេចពីតម្លៃសន្តិភាព និង «ស្នាមញញឹមខ្មែរ» នៅចំពោះមុខថ្នាក់ដឹកនាំ ៨២ ប្រទេស ក្នុងកិច្ចប្រជុំកំពូលហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានមានព្រះរាជបន្ទូលគូសបញ្ជាក់ពីតម្លៃមិនអាចកាត់ថ្លៃបាននៃសន្តិភាព ការងើបឡើងវិញនៃវប្បធម៌ និងអត្ថន័យនៃស្នាមញញឹមខ្មែរដែលកើតចេញពីការបង្រួបបង្រួមជាតិ នៅក្នុងពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ នារាជធានីភ្នំពេញ ថ្ងៃទី១៥ ខែវិច្ឆិកា ឆ្នាំ២០២៦ ក្រោមវត្តមានប្រមុខរដ្ឋ ប្រមុខរដ្ឋាភិបាល និងគណៈប្រតិភូមកពី

សហគ្រិនខ្មែរ រៀបចំកម្មវិធីជំនួបសហគ្រិនជាលើកទី២ ដើម្បីពង្រឹងលទ្ធភាពចូល ទីផ្សារ និងទទួលបានហិរញ្ញប្បទាន

ព្រឹត្តិការណ៍, អត្ថបទពាណិជ្ជកម្ម

• 14/11/2026

ភ្នំពេញ៖ សហគ្រិនខ្មែរ ថ្ងៃទី១២ ខែវិច្ឆិកា ឆ្នាំ២០២៦​ បានរៀបចំជំនួបសហគ្រិនសម្រាប់ទីផ្សារ និងហិរញ្ញប្បទាន ក្រោមយុទ្ធនាការផ្សព្វផ្សាយប្រព័ន្ធអេកូឡូស៊ីសហគ្រិនភាព ឆ្នាំ២០២៦ ដោយបាន ប្រមូលផ្ដុំសហគ្រិន, សហគ្រាសធុនតូច និងមធ្យម, ធនាគារ, វិនិយោគិន និងប្រតិបត្តិករទីផ្សារ ដើម្បីពង្រឹងការគាំទ្រជាក់ស្តែងដល់សហគ្រាស ក្នុងការទទួលបានទីផ្សារថ្មីៗ និងការទទួលបានប្រភព ទុន។ 

បណ្ឌិត​ អុិន សុផល ៖ ថៃគ្មាន​សិទ្ធិ​មក​កំណត់​គោល​នយោបាយ​ការបរទេសរបស់​កម្ពុជា​នោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 14/11/2026

ភ្នំពេញ ៖ ក្រោយ​ថៃបានព្រមាន​កម្ពុជា​ មិនឱ្យលើកយក​ករណីជម្លោះព្រំដែនមកជជែក​ក្នុងកិច្ចប្រជុំ​ហ្វ្រង់កូហ្វូ​នី​ដែល​កម្ពុជា​ធ្វើជា​ម្ចាស់​ផ្ទះ លោក​បណ្ឌិត​អ៊ិន សុផល ជាសាស្ត្រាចារ្យផ្នែកវិទ្យាសាស្ត្រ​នយោបាយ និងជាអ្នក​និពន្ធសៀវភៅប្រវត្តិសាស្ត្រ នយោបាយ​បានលើកឡើង​ថា ថៃគ្មានសិទ្ធិមក​កំណត់​គោល​នយោបាយការបរទេស​របស់កម្ពុជា​នោះទេ ។​ តាមសំណេររបស់លោកបណ្ឌិត​អ៊ិន​ សុផល​ នៅលើ​គណនី​ហ្វេសប៊ុក​ផ្ទាល់​ខ្លួននៅព្រឹកថ្ងៃទី១៤ វិច្ឆិកា​ ២០២៦​ លោក​បានលើកឡើងថា ការព្រមានរបស់ភាគីថៃ ពាក់ព័ន្ធនឹង​ការលើកឡើងអំពីបញ្ហាព្រំដែនកម្ពុជា-ថៃ នៅក្នុងកិច្ចប្រជុំ​កំពូលហ្វ្រង់កូហ្វូនី​គឺថៃគ្មានសិទ្ធិ


Leave a Reply

Your email address will not be published.Required fields are marked *