កំពង់ធំកំណត់ចក្ខុវិស័យ​ ​៥​ ​ឆ្នាំ​ ប្រែក្លាយ​មូលដ្ឋាន​កសិកម្ម​ទៅជា​មជ្ឈមណ្ឌល​កសិ-​ឧស្សាហកម្ម​

​កំពង់ធំ​៖ ​ខេត្ត​កំពង់ធំ​កំពុង​រៀបចំ​ផែនការ​យុទ្ធសាស្ត្រ​អភិវឌ្ឍន៍​កសិកម្ម​ឆ្នាំ​ ​២០២៦​-​២០៣០​ ​ដោយ​កំណត់​ចក្ខុវិស័យ​ឱ្យ​ខេត្ត​ឈាន​ពី​សេដ្ឋកិច្ច​ដែល​មាន​មូលដ្ឋាន​លើកសិកម្ម​ ​ទៅជា​សេដ្ឋកិច្ច​ដែល​មាន​មូលដ្ឋាន​លើក​សិ-​ឧស្សាហកម្ម ​ដើម្បី​បង្កើន​ការ​កែច្នៃ​ តម្លៃ​បន្ថែម​ ការ​វិនិយោគ​ ​និង​ប្រាក់​ចំណូល​របស់​ប្រជាជន​។

​ឯកឧត្តម​ វង្សី ​វិស្សុត ​ឧប​នាយក​រដ្ឋមន្ត្រី​ប្រចាំ​ការ​ រដ្ឋមន្ត្រី​ទទួលបន្ទុក​ទីស្តីការ​គណៈ​រដ្ឋមន្ត្រី​ ​និង​ជា​ប្រធាន​ក្រុមការងារ​រាជ​រដ្ឋាភិបាល​ចុះ​មូលដ្ឋាន​ខេត្ត​កំពង់ធំ​ បាន​អញ្ជើញ​ជា​អធិបតី​បើក​ និង​ដឹកនាំ​សិក្ខាសាលា​ពិគ្រោះយោបល់​ស្តីពី​ «​ផែនការ​យុទ្ធសាស្ត្រ​អភិវឌ្ឍន៍​កសិកម្ម​ខេត្ត​កំពង់ធំ​ ឆ្នាំ​២០២៦​-​២០៣០​» ​កាលពី​ថ្ងៃទី​១៥​ ​ខែសីហា ​ឆ្នាំ​២០២៦​ ​នៅ​សាលា​ខេត្ត​កំពង់ធំ​។

​សិក្ខាសាលា​នេះ​ត្រូវបាន​សហការ​រៀបចំ​ដោយ​ក្រុមប្រឹក្សា​សេដ្ឋកិច្ច​ ​សង្គមកិច្ច​ ​និង​វប្បធម៌​ ​នៃ​ទីស្តីការ​គណៈ​រដ្ឋមន្ត្រី​ ​និង​រដ្ឋបាល​ខេត្ត​កំពង់ធំ ​ដោយ​មាន​ការ​ចូលរួម​ពី​តំណាង​ និង​មន្ត្រី​ជំនាញ​នៃ​ក្រសួង​-​ស្ថាប័ន​ពាក់ព័ន្ធ​ ​អាជ្ញាធរ​មូលដ្ឋាន​ ​ក្រុមហ៊ុន​ចម្ការ​កៅស៊ូ ​ក្រុមហ៊ុន​ដឹកជញ្ជូន​ ​និង​ជី​កសិកម្ម​ ​ក្រុមហ៊ុន​នាំចេញ​អង្ករ​ សមាគម​អ្នក​ដាំ​ស្វាយចន្ទី ​សមាគម​ដំឡូង​មី​កម្ពុជា​ សហគមន៍​កសិកម្ម​ សហគមន៍​នេសាទ ​គ្រឹះស្ថាន​ធនាគារ​ ​និង​ហិរញ្ញវត្ថុ​ ​គ្រឹះស្ថាន​បណ្តុះបណ្តាល​ ស្ថាប័ន​ស្រាវជ្រាវ​ និង​ដៃគូ​អភិវឌ្ឍ​ សរុប​ប្រមាណ​ជិត​ ​៤០០​នាក់​។

​ថ្លែង​ក្នុង​សិក្ខាសាលា ​ឯកឧត្តម​ វង្សី ​វិស្សុត ​បាន​មានប្រសាសន៍​ថា​ ​ការ​ពិគ្រោះយោបល់​នេះ​ ​គឺជា​ការ​គិតគូរ​រួមគ្នា​រវាង​ក្រុមការងារ​រាជ​រដ្ឋាភិបាល​ចុះ​មូលដ្ឋាន​ខេត្ត​កំពង់ធំ​ រដ្ឋបាល​ខេត្ត​ ​និង​គ្រប់​តួអង្គ​ពាក់ព័ន្ធ​ ​ដើម្បី​រៀបចំ​ទិសដៅ​សម្រាប់​លើក​កម្ពស់​សេដ្ឋកិច្ច​ ​និង​ជីវភាព​ប្រជាជន​ក្នុង​ខេត្ត​។

​ឯកឧត្តម​បាន​ចាត់ទុក​ការ​ចូលរួម​របស់​តួអង្គ​ពាក់ព័ន្ធ​ទាំងអស់​ថា​ ​ជា​ការ​បង្ហាញ​ពី​ឆន្ទៈ​ ​និង​ការ​ប្តេជ្ញាចិត្ត​រួមគ្នា​ក្នុង​ការ​អភិវឌ្ឍ​ខេត្ត​ ​ជាពិសេស​វិស័យ​កសិកម្ម​ដែល​មាន​សក្តានុពល​ខ្ពស់​។ ​គោលដៅ​គឺ​រៀបចំ​សក្តានុពល​វិស័យ​កសិកម្ម​ឱ្យ​ក្លាយជា​ប្រព័ន្ធ​សេដ្ឋកិច្ច​ដែល​មាន​ប្រសិទ្ធភាព​ និង​ប្រទាក់​ក្រឡា​គ្នា​ ​ព្រមទាំង​ជា​មូលដ្ឋាន​កសិ-​ឧស្សាហកម្ម​ ​និង​តំបន់​ភស្តុភារកម្ម​ដ៏​រឹងមាំ​របស់​កម្ពុជា​។

​ឯកឧត្តម​បាន​បន្ត​ថា​ ​ក្នុង​បរិការណ៍​ពិភពលោក​បច្ចុប្បន្ន ​សន្តិសុខ​សេដ្ឋកិច្ច​ កសិកម្ម​ ស្បៀង ​ថាមពល​ ​និង​ទឹក​ ​កាន់តែ​មាន​សារៈសំខាន់​។​ វិស័យ​កសិកម្ម​អាច​ភ្ជាប់​កំណើន​សេដ្ឋកិច្ច​ទៅនឹង​ការងារ​ ប្រាក់​ចំណូល​ ​និង​ជីវភាព​ប្រជាជន​នៅ​មូលដ្ឋាន​ ​ព្រមទាំង​ចូលរួម​ធានា​សន្តិសុខ​សេដ្ឋកិច្ច​ ​និង​សន្តិសុខ​ជាតិ​។

​ក្នុង​ន័យ​នេះ​ រាជ​រដ្ឋាភិបាល​នីតិកាល​ទី​៧​ ​ក្រោម​ការ​ដឹកនាំ​របស់​ ​សម្តេច​ធិបតី​ ហ៊ុន​ ​ម៉ាណែត ​បាន​ចាត់ទុក​វិស័យ​កសិកម្ម​ ​និង​កសិ-​ឧស្សាហកម្ម​ជា​វិស័យ​អាទិភាព​ ​ដោយ​មាន​ទិសដៅ​ជំរុញ​ការ​ផ្លាស់ប្តូរ​ពី​កសិកម្ម​បែប​ប្រពៃណី​ទៅជា​កសិ-​ឧស្សាហកម្ម​ទំនើប​ ​ដែល​មាន​ផលិតភាព​ ​ប្រាក់​ចំណេញ​ ​ទីផ្សារ​ ភាព​ប្រកួតប្រជែង​ ភាព​ធន់ ​និរន្តរភាព​ ​និង​តម្លៃ​បន្ថែម​ខ្ពស់​។

​ទិសដៅ​នេះ​ផ្អែក​លើ​សសរ​ស្តម្ភ​គន្លឹះ​ចំនួន​៤​ ​រួមមាន​ ​ផលិតភាព​ ​(​Productivity​) ​ការ​ធ្វើ​ពិពិធកម្ម​ផលិតផល​ និង​ទីផ្សារ​កសិកម្ម​ ​(​Diversification​) ​ភាព​ប្រកួតប្រជែង​ ​(​Competitiveness​) ​និង​ពាណិជ្ជូបនីយកម្ម ​(​Commercialization​)​។

​សម្រាប់​ខេត្ត​កំពង់ធំ​ ​ឯកឧត្តម​ វង្សី ​វិស្សុត ​បាន​លើកឡើង​ថា​ ​សេដ្ឋកិច្ច​ ​ឬ​ ​GDP​ ​របស់​ខេត្ត​មាន​ចំណែក​ពី​វិស័យ​កសិកម្ម​រហូតដល់​ប្រមាណ​ ​៧៤​ភាគរយ ​ខណៈ​វិស័យ​ឧស្សាហកម្ម​មាន​ត្រឹម​ ​៦,៣​ភាគរយ​។ ​ប្រជាជន​ខេត្ត​កំពង់ធំ​មាន​ប្រមាណ​ ​៥​ភាគរយ​នៃ​ចំនួន​ប្រជាជន​កម្ពុជា​ទាំងមូល ​ខណៈ​ទំហំ​សេដ្ឋកិច្ច​ខេត្ត​មាន​ប្រមាណ​ ​៣​ភាគរយ​នៃ​ទំហំ​សេដ្ឋកិច្ច​ប្រទេស​។

​ឯកឧត្តម​បាន​ថ្លែង​ថា​ ​តួលេខ​នេះ​បង្ហាញ​ពី​សារៈសំខាន់​ជា​យុទ្ធសាស្ត្រ​នៃ​ការ​រៀបចំ​អនាគត​វិស័យ​កសិកម្ម​ ​ព្រោះ​ការ​រៀបចំ​អនាគត​វិស័យ​នេះ​ ​គឺជា​ការ​រៀបចំ​អនាគត​សេដ្ឋកិច្ច​របស់​ខេត្ត​កំពង់ធំ​ទាំងមូល​។

​ឯកឧត្តម​បាន​មានប្រសាសន៍​ថា​៖​ «​ចក្ខុវិស័យ​សម្រាប់​ខេត្ត​កំពង់ធំ​របស់​យើង​ ​គឺ​ត្រូវ​ឈាន​ពី​សេដ្ឋកិច្ច​ដែល​មាន​មូលដ្ឋាន​កសិកម្ម​ ​ទៅជា​សេដ្ឋកិច្ច​ដែល​មាន​មូលដ្ឋាន​កសិ-​ឧស្សាហកម្ម​» ​។

​ឯកឧត្តម​បាន​បញ្ជាក់​ថា​ ​គោលដៅ​មិន​មែន​ធ្វើឱ្យ​ខេត្ត​កំពង់ធំ​ពឹងផ្អែក​លើ​កសិកម្ម​តែ​ប៉ុណ្ណោះ​ទេ​ ​ប៉ុន្តែ​ត្រូវ​ប្រើប្រាស់​មូលដ្ឋាន​កសិកម្ម​ដ៏​ធំ ​ដើម្បី​ជំរុញ​កសិ-​ឧស្សាហកម្ម ​សេវាកម្ម​ ​ការ​វិនិយោគ​ ​និង​ការ​បង្កើត​តម្លៃ​បន្ថែម​ឱ្យ​កាន់តែ​ខ្ពស់​។

​សម្រាប់​ផែនការ​រយៈពេល​ ​៥​ ​ឆ្នាំ​ខាងមុខ​ ​ឯកឧត្តម​បាន​សង្កត់ធ្ងន់​ថា​ ​ត្រូវ​កំណត់​ឱ្យ​បាន​ច្បាស់​ថា​ ​តើ​អ្វី​ជា​អាទិភាព​ពិត​ប្រាកដ​ ​អ្វី​ត្រូវ​ធ្វើ​មុន​ ​និង​អ្វី​ត្រូវ​ធ្វើ​ក្រោយ​ ​អ្នកណា​ជា​អ្នកអនុវត្ត​ ​ហើយ​ការ​ផ្លាស់ប្តូរ​នោះ​នឹង​ធ្វើឱ្យ​ប្រាក់​ចំណូល​ ​និង​ជីវភាព​ប្រជាជន​ប្រសើរឡើង​យ៉ាង​ដូចម្តេច​។

​ជាមួយគ្នា​នេះ​ ត្រូវ​ស្វែងរក​មូលហេតុ​ដែល​ការ​ស្តុក ​ការ​កែច្នៃ​ ​ការ​វេច​ខ្ចប់​ ​និង​សេវា​ភ្ជាប់​នានា ​មិន​ទាន់​រីក​ធំ​ស្រប​តាម​ផលិតកម្ម​កសិកម្ម​ ​ហើយ​ត្រូវ​កំណត់​ដំណោះស្រាយ​ ​និង​អន្តរាគមន៍​ឱ្យ​បាន​ច្បាស់លាស់​។

​ឯកឧត្តម​ក៏​បាន​សង្កត់ធ្ងន់​ថា​ ក​សិផល​សំខាន់​ៗ​របស់​ខេត្ត​ ​ដូចជា​ ​ស្រូវ​ ស្វាយចន្ទី ​ដំឡូង​មី ​កៅស៊ូ ​ដំណាំ​សក្តានុពល ​វារី​វប្បកម្ម​ ​និង​ការ​ចិញ្ចឹម​សត្វ​ ​មិន​ត្រូវ​បញ្ចប់​ត្រឹម​ការ​លក់​ជា​វត្ថុធាតុ​ដើម​ឆៅ​នោះ​ឡើយ​ ​ប៉ុន្តែ​ត្រូវ​បង្កើត​ខ្សែ​ច្រវាក់​កែច្នៃ​ បច្ចេកវិទ្យា ​ភស្តុភារកម្ម ​និង​ទីផ្សារ​នៅក្នុង​ខេត្ត​។​

ឈរ​លើ​មូលដ្ឋាន​នេះ​ ​ឯកឧត្តម​បាន​ផ្តល់​គោលការណ៍​តម្រង់​ទិស​សំខាន់​ៗ​ចំនួន​៤​ ​សម្រាប់​ការ​ពិភាក្សា​ ​រួមមាន​ ​ផលិតភាព​ និង​ប្រាក់​ចំណេញ​ តម្លៃ​បន្ថែម​ និង​ទីផ្សារ​ ការ​កសាង​ប្រព័ន្ធ​អេកូឡូស៊ី​គាំទ្រ​ ​និង​ការ​អនុវត្ត​ ​ការ​ទទួលខុសត្រូវ​ និង​ភាព​ធន់​។​

ក្នុង​ការ​ពិភាក្សា​តាម​ខ្សែ​ច្រវាក់​តម្លៃ​អាទិភាព​ទាំង​៦​ ​ឯកឧត្តម​បាន​ដាក់​ចេញ​វិញ្ញាសា​គន្លឹះ​ចំនួន​៥​ ​រួមមាន​ ​ការ​ជ្រើសរើស​ផលិតផល​យុទ្ធសាស្ត្រ​ ​និង​តំបន់​អាទិភាព​ ​ការ​ស្វែងរក​ឫសគល់​នៃ​បញ្ហា​ ​ការ​កំណត់​កន្លែង​ដែល​បាត់បង់​តម្លៃ​បន្ថែម​ ការ​បែងចែក​តួនាទី​របស់​តួអង្គ​ពាក់ព័ន្ធ​ ​និង​ការ​កំណត់​គោលដៅ​ជាក់លាក់​ដែល​អាច​វាស់វែង​បាន​។

​ឯកឧត្តម​ វង្សី ​វិស្សុត ​ក៏​បាន​ស្នើ​ឱ្យ​វា​គ្មិន​ ​និង​ក្រុម​ពិភាក្សា​គិតគូរ​តាម​គោលការណ៍​ខ្សែ​ច្រវាក់​តម្លៃ​ ​ដើម្បី​អាច​ដោះស្រាយ​បញ្ហា​បានជា​ប្រព័ន្ធ​ ​និង​ទម្លុះ​ទម្លាយ​ចំណុច​រាំងស្ទះ​តាម​ខ្សែ​ច្រវាក់​ទាំងមូល​។

​ទន្ទឹម​នេះ​ ​ឯកឧត្តម​បាន​រំលឹក​ថា​ ​ការ​រៀបចំ​ផែនការ​ត្រូវ​ប្រកាន់ខ្ជាប់គុណ​តម្លៃ​យុទ្ធសាស្ត្រ​របស់​រាជ​រដ្ឋាភិបាល​ ​គឺ​ «​ការ​យក​ប្រជាជន​ជា​ស្នូល​»​។ ​ម៉ែត្រ​វាស់​សំខាន់​ចុងក្រោយ​ ​គឺ​ប្រជាជន​ទទួលបាន​ផលប្រយោជន៍​ កសិករ​មាន​ជីវភាព​ធូរធារ ​មាន​មុខរបរ​រឹងមាំ​ ​ប្រាក់​ចំណូល​កើនឡើង​ និង​មាន​សុខុមាលភាព​ល្អ​ប្រសើរ​។

​តាមរយៈ​ផែនការ​យុទ្ធសាស្ត្រ​ឆ្នាំ​២០២៦​-​២០៣០​ ​ខេត្ត​កំពង់ធំ​កំពុង​ដាក់​ចក្ខុវិស័យ​រយៈពេល​ ​៥​ ​ឆ្នាំ​ ​ដើម្បី​ប្រើប្រាស់​សក្តានុពល​កសិកម្ម​របស់​ខេត្ត​ជា​មូលដ្ឋាន​សម្រាប់​ជំរុញ​ការ​កែច្នៃ​ ​ការ​វិនិយោគ ​សេវាកម្ម​ ​និង​តម្លៃ​បន្ថែម​ ឆ្ពោះ​ទៅរក​ការ​កសាង​សេដ្ឋកិច្ច​ដែល​មាន​មូលដ្ឋាន​លើក​សិ-​ឧស្សាហកម្ម​ ​និង​លើកកម្ពស់​ជីវភាព​ប្រជាជន​ក្នុង​ខេត្ត​៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ឯកឧត្តម ម៉ាក្រុង ចាត់ទុកវត្តមានរបស់លោកនៅកម្ពុជា គឺជាការបើកទំព័រប្រវត្តិសាស្ត្រថ្មីនៃទំនាក់ទំនងបារាំង-កម្ពុជា

Top News, ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

ភ្នំពេញ ៖ ឯកឧត្តម ម៉ាក្រុង (Emmanuel MACRON) ប្រធានាធិបតីបារាំង បានចាត់ទុកវត្តមានបស់ឯកឧត្តមមកកាន់ទឹកដីកម្ពុជានៅពេលនេះ នឹងបើកទំព័រប្រវត្ដិសាស្ត្រថ្មីនៃទំនាក់ទំនងរវាងបារាំង-កម្ពុជា។ ការលើកឡើងដូច្នេះ នៅក្នុងជំនួបទ្វេភាគីជាមួយសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នារសៀលថ្ងៃទី១៥ ខែវិច្ឆិកា ឆ្នាំ២០២៦ អំឡុងពេលអញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅកម្ពុជា

ឯកឧត្តម តូ ឡឹម ប្រធានរដ្ឋវៀតណាម អំពាវនាវឱ្យសហគមន៍ហ្វ្រង់កូហ្វូនីពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

មេដឹកនាំកំពូលវៀតណាមឯកឧត្តម តូ ឡឹម អំពាវនាវឱ្យមានការពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យាក្នុងអំឡុងពេលថ្លែងសុន្ទរកថានៅក្នុងព្រឹត្តិការណ៍ Franco Tech នៅប្រទេសកម្ពុជា

Hyundai Cambodia សម្ពោធរថយន្ត «All-New Hyundai Grand i10-AURA» ជំនាន់ថ្មី ជាមួយព្រឹត្តិការណ៍ដ៏ប្លែកមិនធ្លាប់មាន

ព្រឹត្តិការណ៍, អត្ថបទពាណិជ្ជកម្ម

• 16/11/2026

រាជធានីភ្នំពេញ៖ ត្រៀមខ្លួនទទួលយកបទពិសោធន៍ថ្មីដ៏អស្ចារ្យ! ក្រុមហ៊ុន Hyundai Cambodia បានបង្កើតភាពភ្ញាក់ផ្អើលតាមរយៈការរៀបចំព្រឹត្តិការណ៍បើកសម្ពោធរថយន្តដ៏ប្លែកខុសគេ ទាក់ទាញ និងមិនធ្លាប់មានពីមុនមកនៅកម្ពុជា កាលពីថ្ងៃទី១៤ ខែវិច្ឆិកា នេះ ដើម្បីអបអរសាទរការមកដល់ជាផ្លូវការនៃរថយន្តស៊េរីថ្មី «All-New Hyundai Grand i10» ម៉ាស៊ីនសាំងជំនាន់ចុងក្រោយ ដែលនាំមកនូវការរចនាយ៉ាងស្រស់ស្អាត ទាន់សម័យ និងការវិវត្តថ្មីមួយកម្រិតទៀត

បារាំង – កម្ពុជា ឯកភាពគ្នាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ

Top News, ព្រឹត្តិការណ៍, សេដ្ឋកិច្ច

• 16/11/2026

ភ្នំពេញ ៖ នារសៀលថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងឱកាសដែលឯកឧត្តមប្រធានាធិបតី អញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅព្រះរាជាណាចក្រកម្ពុជា ចាប់ពីថ្ងៃទី១៤

អ្នកជំនាញណែនាំឱ្យម្ចាស់អចលនទ្រព្យដែលទុកនៅទំនេរ​ គួរកែប្រែទ្រព្យនោះ​ដើម្បីរកចំណូល​ និងជំរុញ​ចរន្ត​សេដ្ឋកិច្ច​

ព្រឹត្តិការណ៍, អចលនទ្រព្យ

• 16/11/2026

អ្នកជំនាញអចលនវត្ថុ​បានណែនាំឱ្យ​ម្ចាស់ទ្រព្យ​ដែលមិនប្រើប្រាស់​គួរ​កែប្រែទ្រព្យនោះ ដើម្បីរកចំណូល​ឡើងវិញ

ក្រសួងឧស្សាហកម្ម អំពាវនាវឱ្យមាននវានុវត្តន៍ហិរញ្ញវត្ថុ ដើម្បីពង្រីកវិសាលភាពវិស័យ SME

ព្រឹត្តិការណ៍, ហិរញ្ញវត្ថុ

• 15/11/2026

ភ្នំពេញ ៖ ថ្លែងនៅក្នុងកិច្ចប្រជុំកំពូល Black Swan Summit Cambodia 2026 ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ថា វេទិកានេះ គឺជាឱកាសដ៏សំខាន់ក្នុងការដោះស្រាយឧបសគ្គរបស់សហគ្រាសផ្នែកហិរញ្ញប្បទាន និងការទាញយកអត្ថប្រយោជន៍ពីនវានុវត្តន៍ហិរញ្ញវត្ថុ ដើម្បីជួយជំរុញកំណើនអាជីវកម្មខ្នាតតូច។

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព

អគ្គលេខាធិការហ្វ្រង់កូហ្វូនី៖កម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះគឺជាការ រំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ

ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ៖ កម្ពុជា ជាបេះដូងអាស៊ីអាគ្នេយ៍ ហើយការដែលកម្ពុជាបានរៀបចំធ្វើជាម្ចាស់ផ្ទះនៃកិច្ចប្រជុំហ្វ្រង់កូហ្វូនី លើកទី២០នេះ គឺជាពេលវេលាមួយដែលរំលឹកឡើងវិញនូវអនុស្សាវរីយ៍របស់សម្តេចព្រះបរមរតនកោដ្ឋ នរោត្តម សីហនុ និងជាព្រះវរាជបិតាស្ថាបនិករួមនៃអង្គការហ្វ្រង់កូហ្វូនី ។ នេះជាការថ្លែងបញ្ជាក់ពីសំណាក់អគ្គលេខាធិការហ្វ្រង់កូហ្វូនី លោកជំទាវ ល្វីស មូស៊ីគីវ៉ាបូ (Louise Mushikiwabo )។ ថ្លែងក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នាព្រឹកថ្ងៃទី១៥ ខែវិច្ឆិកា

សម្ដេចធិបតី ប្រាប់សមាជិកហ្វ្រង់កូហ្វូនីថា ការប៉ះទង្គិចដោយអាវុធ២លើករវាងកម្ពុជានិងថៃ កម្ពុជាមិនមែនជាអ្នកផ្ដើមបាញ់មុននោះទេ

Top News, ព្រឹត្តិការណ៍, អាជីវកម្មថ្មី និងនវានុវត្ត

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនី នៅព្រឹកថ្ងៃទី១៥ ខែវិច្ឆិកា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា នៅឆ្នាំ២០២៥ ការប៉ះទង្គិចដោយអាវុធរវាងកម្ពុជា និងថៃ បានកើតឡើងចំនួន ២ លើក ដែលក្នុងនោះកម្ពុជាមិនមែនជាអ្នកផ្ដើមបាញ់មុននោះទេ ។ សម្ដេចធិបតីបានមានប្រសាសន៍ថា

Canadia Impact Fund វិនិយោគលើ DOCONCHAIN ​​ដើម្បីគាំទ្រដល់ប្រតិបត្តិការឌីជីថលដែលមានសុវត្ថិភាពនៅក្នុងតំបន់អាស៊ីអាគ្នេយ៍

ព្រឹត្តិការណ៍, អត្ថបទពាណិជ្ជកម្ម

• 15/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ ឬក៏ «Canadia Impact Fund Co.» (CIFC) ជាស្ថាប័នមួយក្នុងចំណោមស្ថាប័នដែលគ្រប់គ្រងក្រុមហ៊ុនធុរកិច្ចថ្មីសកម្មច្រើនជាងគេនៅកម្ពុជា បានចុះហត្ថលេខាលើកិច្ចព្រមព្រៀងវិនិយោគជាមួយ DOCONCHAIN។ DOCONCHAIN ​​គឺជាក្រុមហ៊ុនបច្ចេកវិទ្យាដែលមានទីស្នាក់ការកណ្តាលនៅប្រទេសសិង្ហបុរី និងកំពុងប្រតិបត្តិការនៅក្នុងប្រទេសហ្វីលីពីន ដោយផ្តល់សេវាកម្មជួយដល់ធុរកិច្ច និងស្ថាប័នសាធារណៈ ក្នុងការចុះហត្ថលេខា


Leave a Reply

Your email address will not be published.Required fields are marked *