ប្រធានាធិបតីអាមេរិកកាលពីថ្ងៃអង្គារបានប្រកាសថា អាមេរិកនឹងបញ្ចេញស្តុកប្រេងឆៅប្រមាណជា ៥០លានបារ៉ែលពីស្តុក ជាយុទ្ធសាស្ត្ររបស់រដ្ឋាភិបាលក្នុងគោលបំណងដើម្បីជួយទំលាក់តម្លៃដើមនៃថាមពលទាំងឡាយដែលប្រើប្រាស់នៅទូទាំងប្រទេស។
គិតត្រឹមថ្ងៃអង្គារម្សិលមិញនេះ តម្លៃហ្គាសបានកើនឡើងរហូតទៅដល់ ៣,៤ដុល្លារក្នុងមួយហ្គាឡុង ដែលជាតម្លៃកើនឡើងស្មើ២ដងធៀបទៅនឹងឆ្នាំមុន។ នេះបើយោងតាមការរាយការណ៍ដែលចេញដោយសមាគមរថយន្តរបស់អាមេរិក(Amercian Automobile Association)។
ស្របពេលជាមួយគ្នានេះផងដែរ រដ្ឋាភិបាលអាមេរិកក៏បានស្នើសុំឲ្យបណ្តាប្រទេសមហាអំណាចសេដ្ឋកិច្ចធំៗលើសកលលោក ពិចារណាបញ្ចេញស្តុកប្រេងរៀងៗខ្លួន ដើម្បីជួយកាត់បន្ថយតម្លៃថាមពលឲ្យបានរួមគ្នា ហើយជាលទ្ធផលនៅថ្ងៃពុធនេះប្រទេសជប៉ុនក្រោមការប្រកាសដោយផ្ទាល់ពីសំណាក់លោកនាយករដ្ឋមន្ត្រី Fumio Kishida បានបញ្ជាក់ថា ជប៉ុនក៏បានត្រៀមខ្លួនរួចរាល់ដើម្បីបញ្ចេញស្តុកប្រេងរបស់ខ្លួនផងដែរ។
កាលពីថ្ងៃសុក្រសប្ដាហ៍មុន រដ្ឋាភិបាលជប៉ុនធ្លាប់បានប្រកាសថា នឹងចាយលុយកញ្ចប់ជំនួយរហូតទៅដល់ ៤៩០ពាន់លានដុល្លារ ដែលក្នុងនោះរួមមានទាំងកញ្ចប់ថវិកាសម្រាប់ប្រឈមមុខទៅនឹងបញ្ហានៃការកើនឡើងនៃតម្លៃប្រេងក្នុងទីផ្សារផងដែរ។
គួរឲ្យដឹងដែរថា ក្នុងប្រវត្តិសាស្ត្រជាង ២០ឆ្នាំចុងក្រោយនេះ ជប៉ុនបានបង្ខំចិត្តបញ្ចេញប្រេងក្នុងស្តុករបស់ខ្លួនតែ២ដងប៉ុណ្ណោះ ពោលគឺម្តងនៅកាលពីទសវត្សរ៍ឆ្នាំ១៩៩០ ក្នុងសម័យសង្គ្រាមនៅតំបន់ឈូងសមុទ្រ Gulf និងម្តងទៀតនៅកាលពីឆ្នាំ២០១១ បន្ទាប់ពីប្រទេសបានរងការវាយប្រហារយ៉ាងធ្ងន់ធ្ងរពីសំណាក់រលកយក្សស៊ូណាមិ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ឧកញ៉ា គិត ស៊ូឡា កូនប្រុសរបស់អ្នកឧកញ៉ា គិត ម៉េង ត្រូវបានតែងតាំងជានាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ
ព្រឹត្តិការណ៍, អត្ថបទពាណិជ្ជកម្ម
• 19/04/2024
ឧកញ៉ា គិត ស៊ូឡា កូនប្រុសរបស់អ្នកឧកញ៉ា គិត ម៉េង ត្រូវបានតែងតាំងជានាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ
Dytech Limited ជួយបង្កើនចំណូលសហគមន៍នៅប្រទេសហ្សំប៊ីពីការផលិតទឹកឃ្មុំ និងការពារជីវៈចម្រុះ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 18/04/2024
Dytech Limited បានធ្វើការជាមួយសហគមន៍នៅក្នុងតំបន់ដីសើមក្នុងការផលិតទឹកឃ្មុំ ដើម្បីឲ្យអ្នកភូមិចៀសឆ្ងាយពីការកាប់ដើមឈើ និងសកម្មភាពបរបាញ់ ដែលនាំឱ្យប៉ះពាល់ដល់ជីវៈចម្រុះ