សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់ពីអាម៉េរិក និងអ៊ីរ៉ង់វាយប្រហារគ្នាសាជាថ្មីកាលពីចុងសប្តាហ៍ ដែលធ្វើឱ្យភាពតានតឹងនៅមជ្ឈិមបូព៌ាកាន់តែខ្លាំង។ នេះបើយោងតាមការរាយការណ៍របស់ CNBC។
តម្លៃប្រេងឆៅ Brent បានកើនឡើង ១,៥ ភាគរយ ដល់ ៩៧,៧៣ ដុល្លារក្នុងមួយបារ៉ែល ខណៈប្រេងឆៅ West Texas Intermediate (WTI) កើនឡើង ១,៨ ភាគរយ ដល់ ៩៣,១០ ដុល្លារក្នុងមួយបារ៉ែល។ តម្លៃប្រេងទាំងពីរប្រភេទបានឡើងដល់កម្រិតខ្ពស់បំផុត គិតចាប់តាំងពីចុងខែកក្កដា។
ទីផ្សារប្រេងបានស្ថិតក្នុងស្ថានភាពចលាចលរួចទៅហើយ ខណៈជម្លោះរវាងអាម៉េរិក និងអ៊ីរ៉ង់បានផ្ទុះឡើងវិញកាលពីចុងសប្តាហ៍។ ការកើនឡើងនៃតម្លៃប្រេងឆៅក៏បានរុញច្រានឱ្យតម្លៃផលិតផលប្រេងឥន្ធនៈផ្សេងទៀត ដូចជា ប្រេងសាំង និងប្រេងម៉ាស៊ូត ឡើងថ្លៃផងដែរ។
កាលពីថ្ងៃសៅរ៍ បញ្ជាការដ្ឋានកណ្តាលអាម៉េរិក (CENTCOM) បានបញ្ជាក់ថា កងទ័ពអាម៉េរិកបានបាញ់ប្រហារលើនាវាដឹកប្រេងរបស់អ៊ីរ៉ង់ចំនួន ៣ គ្រឿង បន្ទាប់ពីអ៊ីរ៉ង់បានបាញ់ប្រហារតម្រង់ទៅរកនាវាចម្បាំងជើងទឹកអាម៉េរិកចំនួន ២ គ្រឿង។
CENTCOM បានបន្តថា នាវារបស់អ៊ីរ៉ង់ទាំង ៣ គ្រឿងនេះ គឺជាផ្នែកមួយនៃបណ្តាញងងឹតដែលមានទំហំទឹកប្រាក់រាប់ពាន់លានដុល្លារ និងជួយផ្តល់ហិរញ្ញប្បទានដល់កងទ័ពអ៊ីរ៉ង់ និងក្រុមប្រដាប់អាវុធប្រូកស៊ីនៅក្នុងតំបន់។
លោក Mohammad Baqer Qalibaf ប្រធានសភាអ៊ីរ៉ង់ បានបង្ហោះសារនៅលើ X ថា ប្រសិនបើមានការវាយប្រហារលើទ្រព្យសម្បត្តិរបស់អ៊ីរ៉ង់ នោះនឹងមានការវាយប្រហារតបត្រឡប់ទៅវិញ។
សាររបស់លោក Qalibaf គឺជាការឆ្លើយតបទៅនឹងរដ្ឋមន្ត្រីក្រសួងការពារជាតិអាម៉េរិក លោក Pete Hegseth ដែលបានសរសេរថា អាម៉េរិកនឹងកម្ទេចនាវាដឹកប្រេងរបស់អ៊ីរ៉ង់ ប្រសិនបើអ៊ីរ៉ង់បើកការបាញ់ប្រហារលើនាវារបស់ខ្លួន។
កាលពីថ្ងៃចន្ទ ហេដ្ឋារចនាសម្ព័ន្ធប្រេងរបស់ Saudi Aramco ដែលមានសមត្ថភាពចម្រាញ់ប្រេង ៤០០.០០០ បារ៉ែលក្នុងមួយថ្ងៃ បានរងការវាយប្រហារ។ ទន្ទឹមនឹងនេះ អាជ្ញាធរកំពុងវាយតម្លៃទំហំការខូចខាត ខណៈមិនទាន់មានការបញ្ជាក់ថា ភាគីណាជាអ្នកទទួលខុសត្រូវចំពោះការវាយប្រហារនេះនៅឡើយទេ៕
Account
Security
Favourite Content