សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តម្លៃប្រេងហក់ឡើងថ្លៃជិត ៣ ភាគរយ នៅក្នុងទីផ្សាអាស៊ី បន្ទាប់ពីអ៊ីរ៉ង់បានបាញ់មីស៊ីលជាច្រើនដងទៅកាន់អ៊ីស្រាអែល ដែលធ្វើឱ្យមានការធ្លាក់ចុះនៃក្តីសង្ឃឹមក្នុងការចរចាបញ្ចប់ជម្លោះ។ នេះបើយោងតាមការរាយការណ៍ពី Investing។
ទន្ទឹមនឹងនេះ តម្លៃប្រេង Brent ឡើងថ្លៃ ២,៦ ភាគរយ ឬ ៩៥,៤៩ ដុល្លារក្នុងមួយបារ៉ែល ខណៈដែលតម្លៃប្រេង West Texas Intermediate (WTI) ឡើងថ្លៃ ២,៤ ភាគរយ ឬ ៩២,៧០ ដុល្លារក្នុងមួយបារ៉ែល។ កាលពីសប្តាហ៍មុន តម្លៃប្រេងទាំងពីរកើនឡើងតិចតួចប៉ុណ្ណោះ ដោយសារវិនិយោគិនមានក្តីសង្ឃឹមចំពោះការឈានដល់បទឈប់បាញ់។
យ៉ាងណាមិញ អ៊ីរ៉ង់បានបាញ់មីស៊ីលជាច្រើនគ្រាប់ឆ្ពោះទៅកាន់ភាគខាងជើងអ៊ីស្រាអែលកាលពីល្ងាចថ្ងៃអាទិត្យ ខណៈដែលមានប្រព័ន្ធការពារដែនអាកាសរបស់អ៊ីស្រាអែលស្ទាក់ចាប់គ្រាប់មីស៊ីលទាំងនោះ។ ទីក្រុងតេអេរ៉ង់លើកឡើងថា ការវាយប្រហារនេះគឺជាការឆ្លើយតបទៅនឹងប្រតិបត្តិការវាយប្រហាររបស់អ៊ីស្រាអែលនៅតំបន់ភាគខាងត្បូងនៃទីក្រុង Beirut ប្រទេសលីបង់ ដោយកំណង់គោលដៅលើក្រុម Hezbollah ដែលជាសម្ព័ន្នមិត្តរបស់អ៊ីរ៉ង់។
ការខូចខាតណាមួយលើក្រុម Hezbollah នៅលីបង់ ត្រូវបានអ៊ីរ៉ង់ចាត់ទុកជាការគំរាមកំហែងផ្ទាល់ដល់សន្តិសុខរបស់ខ្លួន។ ការវាយប្រហារគ្នាទៅវិញទៅមកនេះបង្ហាញពីការរំលោភបំពានបទឈប់បាញ់យ៉ាងធ្ងន់ធ្ងរបំផុត ចាប់តាំងពីចូលជាធរមានកាលពីខែមេសា។ មិនត្រឹមតែប៉ុណ្ណោះ វាកាន់តែបង្កការព្រួយបារម្ភដល់ការរំខានលំហូរប្រេងតាមរយៈច្រកសមុទ្រ Hormuz ដែលជាផ្លូវដឹកជញ្ជូនប្រេងពិភពលោកដ៏សំខាន់។
កាលពីថ្ងៃអាទិត្យដដែល ប្រធានាធិបតីអាម៉េរិក លោក Donald Trump អះអាងថា លោកនឹងប្រាប់នាយករដ្ឋមន្ត្រីអ៊ីស្រាអែល លោក Benjamin Netanyahu កុំឱ្យសងសឹកចំពោះការវាយប្រហារដោយមីស៊ីលរបស់អ៊ីរ៉ង់។
ទោះបីជាក្រុមប្រទេសផលិតប្រេង និងសម្ព័ន្ធមិត្ត OPEC+ ព្រមព្រៀងគ្នាដំឡើងទិន្នផលប្រេងបន្ថែមចំនួន ១៨៨,០០០ បារ៉ែលក្នុងមួយថ្ងៃសម្រាប់ខែកក្កដាក៏ដោយ ប៉ុន្តែអ្នកផលិតភាគច្រើននៅតែប្រឈមនឹងឧបសគ្គក្នុងការនាំចេញ ដោយសារតែប្រេងទាំងនោះត្រូវដឹកជញ្ជូនចេញពីតំបន់ឈូងសមុទ្រពែក្ស ដែលដាច់ខាតត្រូវឆ្លងកាត់ច្រកសមុទ្រ Hormuz។
នេះមានន័យថា ការបង្កើនកូតាផលិតកម្មរបស់ OPEC+ហាក់មិនមានឥទ្ធិពលខ្លាំងដល់ទីផ្សារពិតប្រាកដនោះទេ ដោយសារតែការបិទច្រកសមុទ្រ Hormuz ធ្វើឱ្យអ្នកផលិតភាគច្រើនពិបាកដឹកជញ្ជូនប្រេងចេញ។ មិនត្រឹមតែប៉ុណ្ណោះ ផលិតកម្មប្រេងជាក់ស្តែងរបស់ក្រុម OPEC+ ធ្លាក់ចុះពី ៤២.៧៧ លានបារ៉ែលក្នុងមួយថ្ងៃក្នុងខែកុម្ភៈ មកត្រឹមតែ ៣៣.១៩ លានបារ៉ែលក្នុងមួយថ្ងៃប៉ុណ្ណោះក្នុ្ងងខែមេសា៕
Account
Security
Favourite Content