សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បញ្ហាបម្រែបម្រួលអាកាសធាតុនៅតែស្ថិតនៅក្នុងចំណោមកត្តាប៉ះពាល់ដ៏សំខាន់ៗទៅលើផ្នែកសន្តិសុខស្បៀងអាហាររបស់ពិភពលោកក្នុងគ្រាដែលពិភពលោកកំពុងជួបបញ្ហាផ្គត់ផ្គង់ស្រាប់ផងនោះ ហើយវាកំពុងរុញច្រានឲ្យពលរដ្ឋរាប់លាននាក់ត្រូវរស់នៅដោយភាពអត់ឃ្លាន និងកង្វះខាតអាហារទទួលទានប្រចាំថ្ងៃ។
ស្ថិតនៅក្នុងកិច្ចខិតខំប្រឹងប្រែងដ៏តូចមួយនៃចំណែករបស់ពិភពលោក អាជីវកម្មកើតថ្មីៗជាច្រើនបានស្វះស្វែងរកបច្ចេកទេស និងបច្ចេកវិទ្យាដែលអាចជួយដោះស្រាយបញ្ហាចំពោះមុខ ដែលអាចធ្វើឲ្យជីវិតរបស់មនុស្សទូទៅអាចរស់នៅបាន និងសម្របខ្លួនទៅតាមអាកាសធាតុ ជាពិសេសធានាបាននូវសុខសុវត្ថិភាព និងសន្តិសុខស្បៀងបានល្អប្រសើរឡើងវិញ។
អ្វីដែលគួរឲ្យចាប់អារម្មណ៍បំផុតនៅពេលបច្ចុប្បន្ននេះ គឺការអនុវត្តបច្ចេកទេសថ្មីមួយដែលត្រូវបានរកឃើញដោយក្រុមហ៊ុនអាជីវកម្មកើតថ្មីមានឈ្មោះថា Below Farm ដែលវាមិនត្រឹមតែអាចជួយឲ្យពលរដ្ឋរស់នៅក្នុងទឹកដីក្តៅរីងស្ងួតដូចជាវាលខ្សាច់រហោស្ថាននៅតែអាចធ្វើការដាំដុះដំណាំផ្សិតបានយ៉ាងងាយនោះទេ ប៉ុន្តែពួកគេថែមទាំងមិនចាំបាច់ព្រួយបារម្ភអំពីបញ្ហាខ្វះខាតអាហារសម្រាប់ទទួលទានទៀតនោះទេ។
Below Farm បានកែច្នៃ និងអភិវឌ្ឍកសិដ្ឋានសិប្បនិម្មិតដែលអាចប្រើប្រាស់នៅតាមតំបន់វាលខ្សាច់ ដីគ្មានជីជាតិ ដើម្បីធ្វើការដាំដុះផ្សិតដោយអាចទទួលបានផលយ៉ាងច្រើនលើសពីការរំពឹងទុក ពោលគឺអាចប្រមូលផលបានប្រមាណជា១២០តោនជារៀងរាល់ឆ្នាំដោយមិនចាំបាច់ចំណាយទីតាំង ឬទឹក និងថវិកាច្រើននោះឡើយ។
ដំណាំផ្សិតបានផ្តល់សារជាតិអាហារូបត្ថម្ភដ៏ចាំបាច់សម្រាប់ជីវិតរបស់មនុស្សច្រើនជាងដំណាំកសិកម្មផ្សេងទៀត ជាពិសេសដំណាំប្រភេទនេះមិនត្រូវការទឹកច្រើនដើម្បីលូតលាស់នោះឡើយ ពីព្រោះថាវាត្រូវការតែមជ្ឈដ្ឋានបែបសើមប៉ុណ្ណោះ។ ដូច្នេះ Below Fram បានបង្កើតកសិដ្ឋាននៅក្រោមតង់ធំៗរបស់ខ្លួនដោយបំពាក់ជាមួយនឹងបច្ចេកវិទ្យាគ្រប់គ្រងបរិយាកាសមួយដ៏ទំនើបដែលប្រើប្រាស់ទឹកតែ២០លីត្រប៉ុណ្ណោះក្នុងការទទួលបានផលជាផ្សិត១គីឡូក្រាមប្រៀបធៀបទៅនឹងដំណាំផ្សេងដែលត្រូវការយ៉ាងហោចណាស់សារជាតិទឹកដល់ទៅ១៥០០លីត្រសម្រាប់ផល១គីឡូក្រាមដូចគ្នា។
ក្រៅពីនោះ Below Farm ក៏បានកែច្នៃកាកសំណល់ និងធនធានផ្សេងទៀតដែលត្រូវបោះបង់ចោលនៅក្នុងតំបន់វាលខ្សាច់មកបញ្ចូលគ្នាដើម្បីផលិតជាកន្លែងសម្រាប់ផ្សិតទាំងនោះដាំដុះផងដែរ ហើយកាន់តែអស្ចារ្យនៅក្រោយពេលដែលទទួលផលរួចរាល់ហើយនោះ វត្ថុធាតុដើមទាំងដែលនៅសល់ត្រូវបានក្រុមហ៊ុនយកទៅកែច្នៃ និងផលិតជាជីកំប៉ុស ឬប្រេងឥន្ធនៈសម្រាប់ប្រើប្រាស់នៅទីតាំងកសិដ្ឋានរបស់ខ្លួនវិញផងដែរ។
គេជឿជាក់ថា បច្ចេកទេសដ៏មានសារប្រយោជន៍នេះពិតជាស័ក្ដិសមបំផុតសម្រាប់ទីតាំងដែលរីងស្ងួតខ្លាំងដូចជានៅតាមតំបន់វាលខ្សាច់ជាដើមហើយវាត្រូវបានចាត់ទុកថាជាការសម្របខ្លួនដ៏សំខាន់មួយរបស់ពិភពលោកដើម្បីបន្តមានជីវិតនៅក្នុងដំណាក់កាលនៃការដោះស្រាយបញ្ហាវិបត្តិបម្រែបម្រួលអាកាសធាតុបែបនេះ៕
Account
Security
Favourite Content